💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )

💚الحلقة 10 : القســـ1م💚

هذا الرجل ابوك 💙💚
🎆الحلقة العاشرة : القسم 1 🎆
✴🌸🌸🌸🌸✴
حطت الدبش في الماكينة وتهنت عليه ، قضات كل شي تقريبا ومازالت تحب تقضي ...هي هكا وقت تبدا تخمم ومتقلقة تحب تتحرك وتنشط فماش ماتنسي روحها ...بعد سنين نجمت تشوفو...متبدل بارشا اما مازالت عينو تلمع كيف قبل ...بمعنى روحو وعقليتو مازالت هي هي ، سمعت دقان بالقوي ع الباب ، موش فاهمة شكون يعمل هكا ع الصباح تقول باش يهد الدار ، مشات وحلتو ، كانت جنات هي ايلي تدق دزتها ودخلت ،مبين عليها الغش" باسم الله المانع الستار ،بايتة تحلم بيا "
دارتلها جنات " انت هبلت ،راسك هذا معادش يخدم ومعادش منجمة تخمم بيه.."
تنهدت " ايوااااا....صار جاية لهوني باش تحاسبني على ليلة لبارح وباش تقلي علااااه جيت مع تولين !؟ "
"ايه فوالا ...هاك تعرف غلطتك "
قربت منها نزهة " عزيزتي ....جنات ....انا نبهتك تبعد على بنتي ...قتلك خليك انت في جيهة وهي في جيهة...انت شنوة عملت !؟...نقلك انا ....حبيت تجبدها ليك ...بنتي ايلي انا تعبت وربيتها ...ضحيت على جالها بالغالي والرخيص ...تجي انت تهددني وبيها وتاقف قدامي وتقلي بنتي ..." تبسمت وهي تكتف يديها " يبطى شوية "
"الفاضل ....يحبك تبقى بعيدة عليه...وعلى عايلتو "
"روتااار بارشا ....بالنسبة ليه هو....انا ماعلى بالي بيه ....يسخايلش انو مازلت نحنلو ...هههه....يا مسكين..."هزت جنات وحطتها " اسمعني مليح....حد مايلعب معايا بخصوص تولين....طالما انت بعيدة عليها....انا خاطيتكم ...وبعيدة عليكم....اذا حسيت مجرد احساس انو بنتي في خطر ...لا انت ولا الفاضل متاعك....باش نرحمو ...عليا و على اعدائي"
جنات مستغربة " منين جايبة ها القوة !؟ ...من وقتاش انت تحكي هكا "
"تولين.... بنتي هي سبب قوتي ...."
ضحكت جنات " بنتك !؟....يا صاحبتي الغالية ...ياعشيرتي .....الدم بعمرو ماباش يولي ماء....كي اش تعمل ...تولين ....باش ترجع نهار من النهارات لامها ....لصلبها ....لاصلها .."
بان التنرفيز عليها " اصلها !...صلبها !...وينو اصلها وفصلها وقت ترمات لحمة حمراء؟!...وينو وقت تخلى عليها الكل لانو جات في غلطة ...وينو وقت اخترت تخدم الفاضل و تطيشها ...انت اخر وحدة تحكي ع الاصل والفصل ...انت اخر وحدة تحكي ع الامومة ...انت عار على كلمة ام....انا ايلي فنيت شبابيي و ضيعت مستقبلي عليها هي ....انا امها ...ارتاح انت والفاضل متاعك "
"ماقالك حد ربيها ....ماجيتكش نشكي وقتلك خوذها بالسيف انت رميت روحك عليها ...تحب نقلك علاش" ضحكت بخباثة، حاولت تنطق الكلمات وهي تشدد عليهم " لانو ...هي بالاخير من دم فاضل ....تشم الريحة عليه "
هزت يدها وصرفڨتها " تولين مني انا ومن دمي انا ...بالسيف عليك..واحنا الزوز نعرفو شكون ايلي قعد يشم في الريحة ....اذا انت نسيت ...انا ماننساش ...ايلي صار من سنين مازال محفور في بالي ... "
حطت يدها على خدها و ضغطت على سنونها " ايلي ماندفعك السوم غالي ع الكف هذا....يا انا ...يا انت ..."
دزتها بيدها من قدامها باش تتعدى لين لصقتها ع الحيط ونزهة باهتة فيها ، جبدت الباب باش تخرج لقات تولين قدام الباب ، وساعت عينين امها وحاولت ترجع في مخها اخر حاجة تقالت ، شنوة تكون سمعت زعمة !؟ وقفت جنات لحظات وقعدت تخزرلها من بعد مشاات تزرب والغش باين عليها ، ركزت عليها نزهة وهي تقرى في ملامح وجها وتستنى ردة فعل بنتها ، مطت شفايفها وهي تسكر الباب " شبيها جنات وعلاه متغششة "
بلعت ريقها " نسيت ....منڨالتي غادي وجابتهالي ..."
"ايه ولواه متغششة "
"تحب تقعد وتمد ساقيها وانا كيما ترى لاهية في القضية "
"بربي هكا تعمل امي ، شكان عليه ضيفتها "
ظاهر من كلامها ما سمعت شي وماخلطتش علي تقال ، الشي خلاها تهدى وترتاح "تي اش علينا ....موش لاهية بيها ...اه لقيت جبن مرحي "
"ايه ...لقيت ....اهوكا ...ابدع عاد في التصنيف "