"واش راهو صاري هنا ؟ " قال يوسف مصدوم
"شكون نتا !" قالو جلال
قبل مايهدر و يجاوبو
قاتلو ايلان ببرود "اووو ماتعرفوش ؟نعرفك براجل بنتك جوجو و في رواية أخرى يوسف حيدر خان"
تلفتو كامل ليوسف خزرو فيه بصدمة ! كانو حالين فامهم بشوك و عينيهم موسعين
"واشنو ؟ واش قلتي نتي ذوك" قالها سيفو وجهو مكرفس
"على سنة الله و رسوله ختك الزينة تزوجت واحد قد باباها"قالت إيلان بكل بساطة
جلال غمض عينيه يتمالك نفسو خير ملي يروح يعفس على وجهها .. يوسف كان في موقف لا يحسد عليه
سيفو حكم ياسين من تريكوه و ضربو بدبزة .. بالمناسبة هذيك الدبزة كانت بداية حملة المصارعة بما أنو جلال ضرب يوسف
و كرم زاد كمل على أنيس اللي كان أصلا بين الحياة و الموت ، إيلان كي مالقاتش معامن تضارب قبضت رفيف من شعرها جبدتها تصفع فيها
و مروى بدات تشارشي لوفاء آلوغ لوخرا وراتلها الوجه لوخر تاعها و ضربتها بكف و بدات مروى تجري مور وفاء بالحديدة تاع السيروم
أما يماهم فطاحت على كرم تضرب بيه بصابو تاعها تبعد فيه على أنيس الطايح متغاشي
-بعد أكثر من نصف ساعة ملاكمة و عياط -
قالت هذيك الفرمليا اللي كانت رافدة وراقي و تخزر فيهم بنص عين
"الفضيحة اللي ماصراتش في السبيطار كامل درتوها نتوما اليوم ! برافو "
خزرت في يوسف و جلال -وجهم معمر دواء و سكوتش- و قالتهم "ياو نتوما بقالكم عطسة و تموتو قاعدين تضاربو .. بففف الشيب و العيب "
و "نتي" خزرت في -سميحة- يمات جيهان "واش نتي العجوز ! بولادك و قريب تجيبي حفادك قاعدة تضاربيلي مع شوادا !"
و من بعد شافت وجه ياسين اللي كانو دايرينلو لاڨلاص " دقيقة نتصور معاك" حكمت تليفونها دارت معاه سالفي ، من بعد كي بارتاجاتها و كملت قالت "جينرال قوجا جينرال يعض وجه الناس ؟"
قبل مايهدر راحت للبنات و عيطت في وجوهم "نتوما لا أنوثة لا هم يحزنون ! ملخر وجوهكم راهم يخوفو "
و من بعد قالت "أنيس و سيفو راهم في الكوما ، كرم مانعرف شكون البغل اللي شربلو دواء تاع لاطونيسيون وذنيه من صباح و هوما يصونو"
و قاستلهم الفاتورة في وجهم و خرجت
جلال حكم الحديدة تاع السيروم و دخلها في وجه يوسف "وينتا تزوجت بنتي يا الشايب "
يوسف بالعياط"البارح برك تزوجنا !خليني نفهمك و بركا ماتشريلي "
ياسين "كي تجي هذيك الغوريلا تاع جيهان نتفاهمو"
أنت تقرأ
كوليناك - Culinak
Hành độngمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
