مجنونه ولكن احببتها

البارت الرابع

البارت الرابع
معتز:يلا خلاص سيبك منها يلا بس نشوف الجرح هيتخيط ولا ايه هتفضل تنزف كتير كدا يلا عشان خاطري انا
الشاب بعصبيه :معتز بقولك خلاص انا مش عيل صغير واقف قدامك قولتلك جرح سطحي وخلاص يلا علي الشركه

عند ليل
ليل:تيلفوني حبيبي الله يخربيتك بوظت الفون والله لو شوفتك تاني مش هيكفيني افتح نفوخك تاني جاتك القرف كسرلي الفون تنكسر رقبته يارب

وفي نفس الوقت يرن تيلفون ليل
ايه:الو يا ليل انتي كويسه يا بنتي خضتيني عليكي ايه الي حصل
ليل:اهدي يبنتي انا جايلك اصلا خمس دقائق واكون وصلت
ايه:ماشي مستنياكي تيجي بالسلامه

وصلت ليل ل بيت ايه
ايه :تعالي ادخلي مفيش حد غير ماما في المطبخ تعالي هنقعد في الاوضه بتاعتي يلا
ليل:ماشي يلا
دخلوا الاوضه وقعدوا
ايه : في ايه الي حصل قوليلي
ليل مدت ايديها بالفون:اتفضلي
ايه بدهشة:بخرابي ايه ده ايه الي حصل
ليل :الحيوان كسرلي الفون
ايه :حيوان مين اهدي بس وفهميني تشربي ايه الاول
ليل:مش عايزه اشرب هاتي مايه بس
ايه :طيب ماشي
ايه :خدي المايه اهي
ليل شربت:شكرا
ايه :يلا احكي عملتي ايه ولما كنت بكلم فضلتي تزعقي وبعدين الخط قطع ومسمعتكيش
ليل:يبنتي خلصت الشركه وكنت بكلمك زي ما قولتلك والشاب الي قولتلك عليه الي اتخنقت معاه في الكليه وخد الكتاب الحرامي هو نفسه مش عارفه طلعلي في الحظ ولا ايه الله*اسكت يا لساني المهم يبنتي فضل يزمر وانا ماشيه علي جمب الطريق ضيق للدرجه معرفش المهم فضل يزعق وانا اسكتله مثلا
ايه :لا طبعا منا عارفاكي
ليل:استني بقي المهم راح خد الفون ورمي الفون ابن ***
ايه بدهشه:معلش يعني في السؤال وانتي سكتيله مستحيل
ليل:لا طبعا ضربته في دماغه حدفته بالطوبه
ايه بصدمه :بتهزري
ليل:لا طبعا والله فتحتله دماغه ومشيت
ليل بزعل :الفون اتكسر
ايه :خلاص يا ليل متزعليش
ليل:انا مش زعلانه الي مضيقني أن ديه هديه من أهم شخص في حياتي انتي عارفه وهو الحيوان ده كسره عارف لو شوفته والله ل افتحله نفوخه تاني
آيه بتفهم:خلاص يا ليل صلحيه اعمليله شاشه وخلاص
ليل: أن شاء الله المهم انتي حاولي بقي مع امك ولا اقولك هي بتحبني وممكن تسمع مني هي فين
اآيه بخوف : هي بره بس لو قالتك لا خلاص عشان والنبي مش ناقصه زعيق
ليل : خلاص سبيها عليا
آيه بأمل :ماشي يا رب توافق بس
ليل:هي فين
آيه :تعالي معايا
ايه: ماما يا ماما انتي فين ليل عايزه تسلم عليكي
ام آيه :ليل يحببتي ازيك عامله ايه
ليل ب ابتسامه :ازيك يا طنط عامله ايه انتي بقولك ايه عايزاكي
ام آيه :روحي يا آيه اعملي شاي عقبال ما اقعد مع ليل عشان وحشاني
آيه :حاضر
ام ايه :ايه يحببتي في حاجه ولا ايه
ليل:ايه يا حجه عشان اقعد معاكي لازم يكون في حاجه ولا ايه بس علي العموم في حاجه
ام آيه :منا قولت كدا بردوا الدلع وراه حاجه
ليل:بصي يا ستي انتي مش راضيه ايه تشتغل ليه ديه اكتر فرصه كنا مستنينها وبنتك اشتغلت عليها كتير عشان تكسب الفرصه ديه رفضتي انتي ليه ديه حاجه جميله جدا
ام آيه :يا ليل مش علي حاجه اكيد بنتي مهما اضغط عليها هي بنتي بردوا انا عايزالها الراحه خلاص اتعلمت تفضي وترتاح وتقعد في البيت تساعدني لحد ما ربنا يرزقها ب ابن الحلال عشان متتحججس بموضوع التعليم ده واهو خلصت
ليل بتفهم:بس احنا متعلمناش عشان نقعد في البيت لو كدا علمتونا ليه ومتقوليليش البت ملهاش غير بيت جوزها والكلام ده اه البنت في الاخر هتجوز بس فين شخصيتها آخرها ربه منزل لازم تثبت نفسها وتكون ليها شخصيه يوم متجوز متجوزش غير الي يليق بيها ويقدرها وتفيد عيلها وتبقي قدوه ولو عايزه تشتغل بعد الجواز ديه حاجه بنها وبين جوزها وبنتك جميله وقويه وتقدر علي كل حاجه يا طنط انتي لازم تشجعيها لازم تديها حافز مش تديها طاقه سلبيه عشان تبقي واثقه من نفسها ولو علي مساعدتك كدا كدا هتروح الشغل الصبح وليها ميعاد وهتيجي خليها تروح الشغل مش هياثر بس الي هيأثر قعدتها في البيت هي لو مدلعتش في بيتها هتدلع فين محدش بيختار النصيب
ام آيه بقتناع :بس يا ليل انا خايفه عليها
ليل:تخافي ايه انا معاها في نفس الشغل وهنروح سوي اعتبريها لسه في الكليه ها ومترفضيش بعد الكلام ده كله انا تعبت من الكلام
ام آيه :بضحك انتي بتتعبي من الكلام زينا يا ليل 😂😂
ليل:ايه الكسوف ده 😂😂وانا قاعده محترمه واقول يا طنط ايه يا وليه في ايه مالك
ام اآيه :وليه ايه يا بت طب لما اشوف امك
ليل باحتضان :يحببتي انا بحبك وربنا يعلم بعتبرك زي ماما بالظبط ايه ريك بقي مقولتليش
ام آيه بضحك :كلي بعقلي حلاوه يا بت علي العموم ماشي بس تظبط مواعدها ومتتاخرش
ليل بفرحه :بجد ونطت عليها تبوسها من خدها ربنا يخليكي يا قمر وتروحي الحج يا رب
ايه بفرحه :ربنا يخليكي يا ماما انا عارفه قلبك طيب بس لو تخففي العصبيه ديه
ام ايه : يحببتي انتي بنتي مهما اعمل فيكي انتي بنتي انتي واخوكي يارب يرجع بالسلامه ويخلص ويجي ويجمعنا سوي يارب قولي يا رب يا بت يا ليل
ليل؛يارب يرجع بالسلامه
امشي أنا بقي عشان سوسو هتشعلقني يلا سلام عليكم انا اخدتلك المعاد وهتروحي بكره عشان المقابله وهنبدء شغل من الحد ونبقي ننزل نجيب لبس بمناسبه الشغل واننا خلصنا يلا سلام عليكم
ايه :ليل استني هقولك حاجه
ليل : نعم يا آيه
آيه :بجد شكرا جدا انا فرحانه جدا ربنا يخليكي بجد انا بحبك اوي وحضنتها بجد بحمدربنا اني عندي صحبه زيك جدعه وجميله زيك
ليل:يسطا جميله مين بعيونك القمر ديه يصحبتي ربنا يديمك ليا
وفي نفس اللحظه تيلفون ليل يرن معلن ام ليل
ليل:ينهار ابيض سوسو هتمفخني لازم امشي هكلمك بكره عشان اعرف عملتي ايه يلا سلام
آيه :ماشي مع السلامه خلي بالك من نفسك
ليل: عيب عليكي اسد يلا في ايه
وتيلفون ليل يرن تاني وليل تجري علي السلم
ليل:الو يا ست الكل
سلوي : ست كل انتي خليتي فيها ست ولا راجل انتي فين انتي قولتي هتتاخري كدا
ليل:والله جايه خلاص اهو لما اجي بس عشان الناس كلها عرفت اني بتهان خلاص
سلوي :ماشي يا ليل لما تيجي بس لينا كلام تاني
ليل : حاضر مش هتاخر ولسه هتكمل الفون اتقفل في وشها
ليل:كدا يا سوسو تقفلي ارضيها ازاي ديه هتنفخ باااس خلاص قلب الأم ايه المظبخ
ليل:عمو لو سمحت ممكن ٢كيلو طماطم وهات انقيهم انا
الراجل ؛اتفضلي يبنتي
ليل:شكرا يا عم الحج ربنا يطول في عمرك
ليل ؛اتفضل اوزن دول
الراجل ؛مظبوطين حاجه تاني
ليل:لا شكرا
ليل: عمو البطيخه بكام
الراجل :٤٠جنيه
ليل: ماشي مش مهم يلا يكش ترضي عليا ومتهزءش في الاخر بس تطلع حمرا بالله عليك
الراجل :اشقها وانتي واقفه
ليل:ياريت
الراجل :اتفضلي حمرا وحلوه زيك
ليل بنظره مثل الصقر : طب شكرا الباقي يلا
الراجل بخوف من نظرتها : حاضر اتفضلي
وصلت ليل للبيت
سلوي ،اخيرا البرنسيسه وصلت
ليل :طب شليي عني طيب الاول
سلوي :هاتي وجايبه وشايله علي قلبك ليه
ليل :عشان متعبكيش ايه ريك في الطماطم حلوه اهو اروح اغير
سلوي :حلوه بقيتي ناصحه روحي وتعالي عشان تساعديني واه صحيح تعاليلي اتاخرتي ليه
ليل بمراوغه: هاا انا المواصلات وأم آيه بتسلم عليكي وبتقولك مبتسأليش ليه رني عليها يا ماما عايزاكي هغير واجيلك بسرعه
وجريت علي اوضتها
ليل:الحمدلله الحق اصلي العصر بقي ويقطع تفكريها تليفونها يرن
ليل بفرحه عارمه:الو وحشتني جدا كل ده اقسم بالله بس اشوفك بس انت حيوان اصلا كل أما اجي ارن عليك الفون مقفول
المتصل :يخربيت لسانك انتي اكتر والله يخربيتك وحشتيني جامد
ليل:انت اكتر ها هشوفك امتي هتيجي امتي
المتصل :علي اخر الشهر يحببتي ولما انزل لازم اشوفك
ليل:حبك برص تعالي بس واحنا مش هنسيب بعض ده احلي حاجه سمعتها النهارده مستنياك وياريت الفون ميقفلش تاني
المتصل :يخربيت ام الكلمه ديه انا قولت غيرتيها ويا ست متخافيش الفون مش هيتقفل تاني التاني باظ ومن كتر الضغط معرفتش اكلمك
ليل:خلاص ماشي عايز حاجه انت
المتصل :لا يحبتتي هكلمك تاني هتوحشيني
ليل: حبك برص المفروض تكون اتعلمت تمام هستناك
المتصل : ماشي لما ارجعلك في حاجات كتير لازم نتكلم فيها لما اجي بس عايزه حاجه انتي
ليل:لا عايزه سلامتك وترجع بقي عشان وحشتني جدا
المتصل : هرجع أن شاء الله مع السلامه يا روحي
ليل : مع السلامه
اقولك حاجه بحبيبي
المتصل : حبك برص مع السلامه
ليل: غتت سلام
غيرت ملابسها وذهبت لوالدتها

سلوي : كل ده بتغيري
ليل: كنت بصلي ها هنعمل ايه يلا عشان الحق ارتاح قبل ما اروح الصيدليه عشان اقول للدكتور مش هعرف اروح بليل اقف كتير أو مش هروح تاني عشان الشغل التاني ده عشان كدا ضغط عليا
سلوي : ماشي الي يريحك روقي الصاله ويلا عشان نجهز الاكل
ليل:ماشي يلا وربطتت شعرها رابطه اي بنت بتريط شعرها بتنضف البيت وخصوصا شعر ليل طويل
في المساء
ليل : دكتور عزت انا مش هعرف اجي تاني عشان هيكون عندي شغل الصبح وكدا هيبقي ضغط كبير عليا
الدكتور : بس يا ليل في ناس كتير بتيجي عشان خاطرك
ليل: عارفه والله يا دكتور بس هيبقي فعلا ضغط عليا والي هيعوزني انا في البيت وانا تحت امرك معنديش اي مانع
الدكتور بتفهم :ماشي يا ليل الي يريحك بس في الاجازه ابقي تعالي شويه ومرتبط محفوظ
ليل: ربنا يخليك يا دكتور

وكدا خلص البارت طويل اهو عشان اتاخرت
ريكم يهمني ومين الي اتصل ب ليل وليل هتعمل ايه مع الشاب ده وايه هتعمل ايه في الشركه انتظروا البارت الخامس
#ندي حسين