قصه وطن

البارت التاسع

بعد ما اجوا الحشد صار رمي ومعارك اني بسرعه ركضت على امي وهمام حظنتهم خفت عليهم يصيرلهم شي
الله لا يخلي أحد بهالموقف
جثه ابوي گبالي ع الگاع والشمس قويه عليه💔
ومنا اخوي وامي خايفه عليهم شسوي اني هسه يربي انطيني القوه والصبر واحفظ امي واخوي

اجو وي الحشد سيارات للعوائل ولمحت علي من بعيد
ركضت عليه وضربته بهسترياا وكلتله انت ليش ما ساعدتنا ليش هيج عفتنا انتم حقيرين ما عرفتو تجون تساعدونه باوع جثه ابوي كبالي وانتم ما انهزلكم شارب ماا اجيتوا نقذتو
وانه احجي وهو مصدوم يباوع عليه لو على ابوي ومبين عليه الحزن

علي:ما اعرف شرد عليها بقيت ساكت مصدوم ابوها ليش كتلوا وشجاي يصير
وطن:ما ترد ليش ما اجيتو نقذتوو ليش الله ينتقم منهم كتلوا ابوي الكفره السافلين "اني احجي ويا وابجي متت قهر ما اعرف شسوي"

علي:وطن كافيي روحي وي اهلج لا يصيبهم شي صعدي بالسياره مو وقت كلامج هسه الما أله داعي روحي يلا

وطن:اخذت امي واخوي وصعدنا بسرعه بالسياره وانه عين على اهلي وعين على ابوي الما بيدي شي عليه اتمنى اني بمكانه ولا اشوفه بهالمنظر

مشت بينه السياره واني ميته قهر احس حيلي انهد بعد ما بيه حيل اسوي شي كل تفكيري بهالوقت انو يخلص كلشي ويطلع كل هذا مجرد حلم ويرجع ابوي ويانه ونرجع لحياتنا الطبيعيه

اخذونا لمكان بعيد عن أي بشر وبي كم واحد من الحشد شايفتهم قبل يمكن اصدقاء علي

دخلنا لخيمه وحده كلنا جان ويانه يمكن بيهم4 عوائل واطفال وياهم
وبس دخلنا أشوف امي اغمى عليها راستاً طلعت اركض للولد بره ردت يساعدوني جابولها ماي وحاولوا يكعدونها وره ربع ساعه كعدت امي

جابولها اكل ومي وما قبلت تشرب ولا تاكل شي بقيت اتوسل بيها تاكل لا يصيرلها شي واحنه كافي علينا ضيمنا
وطن:يمه فدوة اروحلج إكلي هسه مو علمودج فكري بينا اذا صارلج شي منو النا بعدج فدوة صيري قويه لخاطري ولخاطر همام
بعد ما توسلت بيها أكلت شوي ونامت
اباوع لهمام الدمع بعينه وكاعد على صفحه اوف شبيدي عليك يخوي لو بيدي اني اموت بدال ابوي رحت حضنت همام وبقيت ابجي وياا اني اواسي نفسي لو اواسي اخوي 💔

بقيت ادعي الله ينطيني القوه حته اتحمل كلشي و شكد ماا اكدر راح احاول امشي بوصيه ابوي وادير بالي على امي واخوي محد الهم بعد بالدنيا

حته اجداد و عمام ما عندنا وخوالي منحجي وياهم وهم صار سنين ما يحجون ويانه ف ما مستحيل هسه نلتجئ الهم ونذل نفسنه

*في مكان اخر

علي:انه اقاتل وكل بالي يم وطن واهلها وين راحو وشلونهم هسه لانو وطن كلش نفسيتها متدمره وما الومها شافت جثه ابوها كبالها مو سهل هالمنظر عليها وهسه بس اريد نخلص من هالدواعش اريد اعرف اخبار وطن

*بعد ساعتين
علي:انه والولد كدرنا ننتصر ع هالجرذان
وميت تعب بس اريد اعرف اخبار وطن هسه انه شدعوه هلكد افكر بيهم 🤦‍♀️

خابرت على عبد الله"اللي هو جيراني وصديقي"
عبد الله:هلا اخوي طمني عليك
علي:الحمد الله انه بخير بس اكلك
عبد الله:كول
علي:البنيه اللي اسمها وطن هي وعائلتها تعرفهم؟
عبد الله:ايي اعرفهم شبيهم؟
علي:شلونهم هسه موجودين يمك مو؟
عبد الله:ايي يمي تعبانين حيل وتوه الام انغمى عليها و ربع ساعه يلا كعدت و هسه هم كلهم نايمين
علي:اها اوكي فدوة دربالك عليهم اي شي يحتاجونه لا تقصر يا بعد اخوك
عبد الله:صار تدلل
علي:يلا اخوي يحفظك الحسين ان شاء الله
عبد الله :ويحفظك
سديت الخط
♡
♡
يتبع...