🌻 شمس🌻

الخاتمه

فى منزل خشبى كبير بدورين يشبه المنازل التى توجد فى نيويورك ولندن وغيرهم من الدول الأجنبية وكان له منظر راقى من الخارج ويبدوا انه اجمل من الداخل وكان امام البحر وتأتى الطائرة الخاصه وتهبط فى منطقه ليس بها رمال ويخرج منها ادهم وشمس ويقتربوا من المنزل
ادهم بإبتسامه: اهلا بيكى فى جزر المالديف
شمس بضحكة سعيده: بجد
ادهم: عرفت انك بتحبيها فاقولت نقضي شهر عسلنا هنا
شمس قفزت بسعاده وعانقته وهى تضحك وهو بادلها العناق ومن ثم ابتعدت شمس ولكنه منعها
ادهم: خليكى كده احسن
شمس بعصبية: ابعد انت هاتسوق فيها وتركته ودخلت الى المنزل مسرعه مصطنعه الغضب ولكنها توقفت عندما لاحظت رقى وجمال تصميم المنزل من الداخل والورود التى تملأ الأرض
واااو بجد تحفه
ادهم مقاطع: مش احلى من عيونك يا روحى
شمس مصطنعه الغضب: فين اوضتى عايزه انام
ادهم: تقصدى اوضتنا
شمس: ليه انت مفكر نفسك هاتنام معايا فى نفس الأوضه ولا اى انا سمحتلك هناك عشان ماحدش يتكلم لكن هنا هه انسا
ادهم: خلاص نامى انتى برا وانا فى الاوضه اتحلت وصعد وهى خلفه مسرعه ودخل الغرفه ووقف عند سماعها تناديه
شمس: انا الى هنام فى الاوضه وانت برااااا
ادهم: هه تصبحى على خير وقفل الباب فى وجهها وهى تقف مصدومه وسرعان ما تحركت الى باقى الغرف ولكنها لم تجد بهم اى فراش اخر ولو حتى صغير
_يا واااطى
وغيرت ملابسها وارتدت بيجامه حريريه وتحركت الى الصالون وقفلت الأنوار ونامت على الأريكه فهى مجهده ولن تستطيع الجدال معه الآن
__________فى المساء___________
شمس تستيقظ عند سماع أصوات مزعجه
شمس: اقفل ام التلفزيون ده
ادهم: ماحدش قالك نامى هنا قومى يالا اعمليلي اكل
شمس: وانت اتشليت مش هتعرف تعمل لنفسك ولا الفلبينيه الى جيبنهالك اهلك
ادهم: لسانك الطويل ده هايوديكى ف داهيه فاخلى بالك
شمس: وانا عايزه اروح ف داهيه متأكده انها هاتبقا احسن من القعاد معاك ف بيت واحد
ادهم نظر لها برفع حاجب: قومى اعملى الاكل وربنا يهديكى
شمس: مش بعرف اعمل طفح اصلا واعطته ظهرها لتنام
ادهم: غريبه اعرف عن بنات الصعيد انهم شطار ف الطبخ
شمس: وانا اول صعيديه مابتعرفش تطبخ كنت تقدر تخلى والدتك تسأل عليا قبل ماتتجوزنى بدل الهم ده
ادهم: ولا هم ولا حاجه هقوم اعمل انا
وقام وهى نظرت له بإنتباه
انت بتعرف تطبخ
ادهم: اى شاب بيقعد لوحده لازم يتعلم كل حاجه
شمس: ووالدتك واختك دول شفافين
ادهم: انا ساكن لوحدة وبروح ازورهم من وقت للتاني هاتكلى
شمس: ايوه واعتدلت لتكمل نومها ولكنها وجدته يحملها
شمس: اى ده انت بتعمل اى
ادهم: بما انك هاتاكلى يبقا تساعديني
شمس: لا طبعا مش بعرف
ادهم: اعلمك
_______فى في المطبخ______
ادهم: قشري البصل ده وخرطيه شرايح
شمس: تؤ هووووف
واخذته وحاولت تقشيرها ولكنها وجدت صعوبه تحت انظار ادهم الباسمه لها

شمس بدموع اثر البصل: عينى بتحرقنى مش قادره
ادهم وهو يطهو: ايوه ده اثر البصل
شمس تركتها بزهق: يووووه واقتربت من المياه لتغسل وجهها واقترب منها ادهم واخذ منديل ومسح وجهها ولكنها مازالت تدمع اخذها وابعدها عن البصل
ادهم وهو يضع يده على وجنتيها: دقيقه كده وعينك تبقا تمام
واتجه الى البصل والقاه فى القمامه فاهى خربته وجاء ببصل اخر وقطعهم بسهوله ولم يدمع تحت انظار شمس المستغربه
شمس ف نفسها: لا بقا عيب اوى لما يبقا هو بيعرف يطبخ وانتى عوبه كده طب بلاش البصل هاقطع البطاطس
واقترب من البطاطا المقشره الموضعه على الة التقطيع الخشبيه واخذت واحده بيد وحاولت تقطيع حلقه ولكنها لم تكن جيده وامسكت بقا ونظرت لها بعدم قبول
_يعنى .. حلوه اى حاجه منى حلوه اصلا
وشعرت بجسد ضخم خلفها ونظرت له وسرعان ما اخبأت قطعة البطاطا التى قطعتها
ادهم بإبتسامه: هو فعلا اى حاجه منك حلوه
شمس ابتسمت له بود وهو امسكها من كتفها وجعلها تعطيه ظهرها واقترب منها وامسك يدها وساعدها فى تقطيع البطاطا وكانت سعيده فتلك المره الاولى التى تجرب فيها عمل الطعام واحبته
شمس: وانت بتطبخ من امتى
ادهم: 7 سنين
شمس: من بدرى اوى
ادهم: اصلا بحب الطبخ وكنت بقف مع ماما كتير ف المطبخ وابتديت اطبخ لوحدي وانا ثانوى
شمس بحزن: ماما اتوفت وانا صغيره وماكنتش بحب افضل مع مرات عمى ف مطبخ واحد فاكنت بشغل وقتى بالدراسة وماتعلمتش
ادهم: عادى يا حبى اعلمك انا وقبلها من وجنتها وتركها واتجه الى البوتجاز ليقلب الطماطم ويخرج قطع الفراخ من المياه المغليه ورجع لها مره اخرى ليكمل معها تقطيع البطاطا
شمس: هو احنا هنعمل اكل اى
ادهم: صنية بطاطس ف الفرن
شمس: طب هيا الفراخ لحقت تستوى
ادهم: لا انا بس اديتها غلوه عشان مش بحب احطها نيه كده ع البطاطس
شمس: اممم طب هنعمل اى تانى
ادهم: هنجيب احلى قطعه من البطاطس
واقترب واخذ القطعه التى كانت تخبأها شمس
ونحطها مع دول ونرجع نغسلهم وبالا عشان نرص ف الصنيه
واخذ البطاطا ليغسلها وشمس ظلت تنظر له بإبتسامه
ادهم: يالا تعالى رصى
شمس: حاضر
وانتهوا من تجهيز الطعام والشراب وتحضير السفره وجلسوا ليأكلوا
ولكن شمس لاحظت ادهم يأخذ قطعه معينه من البطاطا هو كان يضعها فى الاعلى ويأكلها بسعاده وتلك القطعه التى قطعتها شمس ونظر لها وجدها تبتسم له بحب
ادهم بإبتسامه: مابتاكليش ليه
شمس: هاكل من الصنيه ماتحطلى فى الطبق
ادهم بضحك: انتى لازم تتعلمى ف اقرب وقت بجد ووضع لها
ادهم: قوليلى رأيك بقا
شمس اكلت: تسلم ايدى بجد اول مره اطبخ فيها ويطلع اكلى حلو كده شكلى هابقا احسن شيف
ادهم: يبجاحتك يشيخه
شمس: بكره تشوف واسكت بقا عشان اكل
___________بعد الانتهاء___________
ادهم: انا هخرج برا ع البحر شويه
شمس: هاجى انا كمان
وخرجوا معا وجلسوا
ادهم: حلوه السماء
شمس بهجوم: انا مش هانام على الكنبه تانى فاهم وبعدين مش عامل اوضة احتياطى ليه عشان اتزفت انام فيها
ادهم اقترب منها وقبلها: وتنامى فيها ليه وحضنى موجود
شمس ظلت تنظر له بتوتر وضربات قلبها فى صراع وادهم ابتسم على توترها وابعد خصله من شعرها عن عينها ووضع يده علي وجنتها واقترب وقبلها مره اخرى وشمس لا تتحرك فهى لا تعلم ماذا يحدث لها عندما يقترب منها لا تستطيع التحرك
ابتعد عنها لتستطيع اخذ انفاسها
ادهم بإبتسامه: حلوه اوى وانتى مكسوفه
شمس وهى تنظر الى الأرض: انت قليل الأدب
ادهم بضحك: هو انا عملت حاجه
ووقف وصدمت شمس عندما رأته يحملها
شمس: ا انت بتــ ـعمل اى
ادهم بضحك: انا لسه عملت
ودلف بها الى الداخل
__________فى اليوم التالى__________
تشرق الشمس وتنير الغرفه لتستيقظ بطلتنا بهدوء وتجد انها لوحدها بالغرفه وتتذكر ما حدث امس وتحمر وجنتيها وتشعر بخجل وتقوم وتدلف الى المرحاض
__________بعد قليل__________
تنزل شمس الى الطابق السفلى وترتدى بيجامه سوداء وبها شخصيات كرتونيه وعباره عن هوت شورت وبلوز قصيره تظهر جزء من البطن ولا تجد ادهم ف الرسيبشن وتدلف الى المطبخ ولا تجده
شمس: راح فين ده ... انا جعانه
وتجد من يلف يده حول خصرها لتفزع وتلف له وهو يرفعها الى مستواه
_صباح الخير ع احلى ورده سرقت قلبى
شمس: ايي خضتنى فكرت حرامى
ادهم: فى حرامى الصبح
شمس: عادى المهم انت كنت فين
ادهم: كنت برا شويه بعمل مكالمات
شمس ابتعدت واخذت خياره من الثلاجه لتأكلها: مكالمات اى دى
ادهم: شغل
شمس: طب انا جعانه
ادهم: بحضره اهو
شمس وهى تأكل الخياره: اساعدك
ادهم اقترب منها واخذ قطمه من الخياره: لا
شمس: الخياره بتاعتى فيها عسل صح
ادهم: بصراحه احلى عسل ادوقه ف حياتى وغمز لها وهى شعرت بخجل
شمس: احم .. انا هخرج عقبال ماتخلص
ادهم ابتسم لها: ماشي يا عمرى
شمس: يووووه انا لازم اساعدك ماينفعش انت تعمل وانا اقعد
ادهم: لا عادى
شمس: ابعد كده اما اساعدك وابعدته... اعمل اى
ضحك لها وظلوا يحضروا الطعام معا حتى انتهوا وتناولو
شمس: هنفضل كده انا عايزه اخرج
ادهم: بقول نفضل هنا انتى اصلا وحشتيني وحاوط خصرها
شمس بتوتر: مش مطمنالك ها انااا هاطلع اجهز نفسي عشان زهقت من القعده
وصعدت مسرعه لتغير ملابسها وادهم ينظر لها بسعاده
ادهم: يخربيتك وانتى بطل كده
__________
ادهم: انتى هتخرجى كده
شمس: ماله جميل اهو
كانت ترتدى فستان بدون اكمام لونه ابيض يصل الى الركبه ورقيق
ادهم: روحى غيريه
شمس: لا مش هغيره هو عاجبنى
ادهم بغضب اخاف شمس: انا قولت غيريه والا مافيش خروج
شمس بتوتر: انت مين اصلا ع عشان تزعقلى كده انا هاخرج بيه واعلى ما ف خيلك اركبوا
ادهم: مافيش خروج كده انا قولت وعشان ردك ده مافيش خروج من البيت لحد مانرجع مصر
شمس: وانت مش هاتتحكم فيا
ادهم واقترب منها: انا مراتى ماتمشيش بلبس يخلى كل الناس تتفرج عليها
شمس بعين دامعه: ومين قالك ان فى حد هيبص هنا اللبس ده عادى
ادهم: وانا بالنسبالى مش عادى ولا حتى لاخوكى
وتركها وخرج وهى ظلت تبكى
___________فى اليوم التالى___________
شمس نائمه على الاريكه وتستيقظ عند سماع صوت باب المنزل يفتح فا قامت مسرعه بخوف وتنظر الى الباب بحذر ولكنها اطمأنت عندما وجدت ادهم وظلت تراقبه بتسائل اين ذهب البارحه ولم يعد سوى الان وادهم صعد دون ان ينظر لها وكان يبدوا عليه الإجهاد وشمس شعرت بغضب عندما فعل هذا
ومرت الايام ومازلا ع نفس الوضع واذا تحدثا يتشاجران
وانتهى شهر عسلهما وعادوا الى مصر تحديدا الى القاهره فى ڤيلا كبيره دلفا
ادهم: فايزه فاااايزه
جاءت له الخادمه: حمد الله ع سلامتك يا بيه انت والمدام
ادهم: الله يسلمك نادى محمود يساعدك تطلعى الشنط ع الجناح بتاعنا
فايزه: حاضر يا ادهم بيه وذهبت لمنادات محمود
ادهم: انا هروح الشركه عندى شغل مهم لو احتاجتى حاجه اسألى فايزه هى تعرف كل حاجه
شمس بإبتسامه صفره: ف ستين داهيه
ادهم بإستفزاز: يرضيكى اروح مع داهيه غيرك يعمرى
شمس: وانا مش داهيه يا عنيا حسن الفاظك ويالا بقا طرقنا
ادهم: فعلا مافيش انسان كامل جمال مع دبش بس نهايته ع ايدي وابتسم وتركها وذهب وهى تشتعل من الغضب ولكن ليس من كلامه بل من شئ اخر
____________فى المساء_____________
فى الجناح
شمس: انا هانزل الشغل من بكره
ادهم: مافيش شغل
شمس: نعم نعم نعم نعاااااام هو ده الى كان ناقص
ادهم: بتردحيلى؟!
شمس اقتربت منه بغضب: انا هنزل الشغل من بكره يا ادهم واعلى ما ف خيلك اركبوا
ادهم: ولو ماوافقتش
شمس بغضب: يبقا تطلقنى انا اصلا بكرهك طلقنى
ادهم: بتقارنينى بشغلك
شمس وشعرت بما قالت: انا ماقصدش كده بس انت الى عصبتنى مش بعد العلام ده ماشتغلش
ادهم: ع العموم انا كنت بهزر معاكى وماكنش عندى اعتراض خالص مع شغلك .. تصبحى ع خير
وتمدد على الفراش واغمض عينه وشمس شعرت بتأنيب الضمير
شمس: ادهم
ادهم وهو مغمض: نعم
شمس: انت زعلت
ادهم: لا .. اقفلى النور عايز انام ورايا اجتماعات كتير بكره
شمس: حاضر واغلقت الانوار وخلدت هى الاخرى الى النوم
__________فى الصباح__________
استيقظت ولم تجده وبعد وقت كانت تخرج من الفيلا وتركب سيارتها وتتجه الى المستشفى التى توظفت بها وتقابل ياسمين
ياسمين: يا مرحب بالعروسه وحشتيني
شمس احتضنتها: وانتى كمان اوى
ياسمين: عامله اى مع ادهم
شمس: كويسه
ياسمين: طب تعالى اوريكى مكتبك وبعدين تشوفى المدير ويسلمك شغلك
شمس ذهبت معها واستلمت عملها من المدير ولكن فى منتصف اليوم شمس تذكرت ما قالته لادهم للمره المليون وارادت الذهاب له
شمس: انا هاستأذن
ياسمين: من اول يوم شغل الله يخربيتك
شمس: مش عارفه لازم امشي
ياسمين: طب استنى ساعه كده وشغلك يخلص وتمشي اى عايزه تترفدى
شمس: طيب خلاص
وبعد ساعه خرجت واتجهت الى شركة ادهم التى استلمها من والده بعد وفاته من سنتين
______________
تقف امام الشركه وتنظر لها بإعجاب وتدلف
شمس: لو سمحتى فين مكتب ادهم
الموظفه: الدور الرابع حضرتك
شمس اتجهت الى الاسانسير وكان معها فيه موظفين شاب وفتاه
الشاب بإعجاب: هو انتى موظفه جديده
شمس: لا
الفتاه: امال انا اول مره اشوفك هنا
هنا فتح باب الاسانسير وكان حازم يقف امامه
حازم بإستغراب: شمس!
شمس: ازيك يا حازم هو فين ادهم
حازم: فى مكتبه كنا لسه ف اجتماع
واشار لها الى مكتب ادهم
وذهبت
حازم للشاب والفتاه: انتوا واقفين كده ليه روحوا شوفوا شغلكوا
الشاب والفتاه بخوف من حازم: ح حاضر
________
سكرتارية ادهم: حضرتك مين
شمس نظرت لها بتفحص: انتى لابسه كده ليه
السكرتاريه: نعم ماله لبسي
شمس بغضب مكتوم: هتيجى الشغل هنا تلبسي محترم ماشي يقطه وتركتها ودلفت الى مكتب ادهم
ادهم وهو ينظر الى اوارق: اى يا سماء
شمس بغضب: لا انا مش الست سماء بتاعتك يا عنيا
ادهم نظر لها: شمس!
شمس: اى البت الى انت مشغلها عندك دى واى الى هيا لابساه ده واكيد بتحب تروح الشركه عشانها وامبارح ماقدرتش حتى تستريح وجريت وجيت على هنا عشانها
ادهم: انا مالى بلبسها هيا تخصنى؟ وبعدين سماء مجرد موظفه هنا وانا عمرى ماهبصلها وجيت الشركه امبارح من غير ماستريح عشان كان عندى شغل مهم مركون وكان لازم يخلص
شمس: ابقا قول للموظفين بتوعك يجوا بلبس عدل مش كباريه هو
ادهم: واى جابك بقا
شمس بغضب: انا بتكلم فى اى وانت بتتكلم ف اى
ادهم: برضوا ماعرفتش اي جابك
شمس: كنت جايه اصالحك بس انت ماتستاهلش وعن ازنك يااا وجاءت لتخرج وجدته يقول
ادهم: ابقى اقفلى الباب وراكى
شمس ضمت حاجبيها وونظرت له وجدته يمعن نظره فى الأوراق فاتركت مقبض الباب واقتربت واخذت منه الاوراق وجلست على المكتب
شمس وهى تنظر الى الاوراق: بتاع اى ده
ادهم: مش كنتى ماشيه
شمس وضعت الاوراق بجانبها: احم .. انا اسفه ماكنش قصدى اضايقك امبارح
ادهم: مش مضايق ومد يده ليأخد الاوراق فاوضعت يدها عليها
شمس: لا انت زعلان مني
أدهم: يفرق معاكى يعنى
شمس: انت الى عصبتنى
ادهم: تقومى تقوليلي طلقنى
شمس: مانت لو مضايقتنيش ماكنتش قولت كده
قطع كلامهم صوت طرقات الباب ودخول سماء وهى تتصرف بشكل لم يعجب شمس
سماء برقه: اى ده سورى شكلى جيت ف وقت غلط
ادهم: لا كنتى عايزه اى
سماء: حضرتك لازم توقع الاوراق دى
ادهم: حطيهم هنا
سماء تركتهم وخرجت وشمس قلدتها بسخريه اى ده سورى شكلى جيت ف وقت غلط والله عايزالها قلمين
ادهم: هيا رقيقه كده طبيعتها مش بتتمايع
شمس: ومين قالك بقا
ادهم: ماشوفتش منها تصرف وحش بتركز ف شغلها وبس
شمس: طيب انت لسه زعلان
ادهم: لا
شمس: مش باين عليك يعنى
ادهم: هو مش انتى كنتى بتقولى انى مش هقدر اخطف قلبك اى حصل بقا مهتمه ليه بزعلى مش فاهم
شمس: انت كل حاجه فيك تهمنى
ادهم نظر لها بخبث: مش باين ومش مضطره تمثلى انتى لو عايزانى اطلقك ودى راحتك هاطلقك
شمس شعرت بخنق ونغزه فى قلبها: على فكره كانت كلمه ف ساعة غضب مايستاهلش منك ده كله وانا اعتذرت
ادهم: وانا خلاص مش هقدر اكمل معاكى
شمس نظرت له بصدمه ولم تستطيع النطق ودموعها نزلت بغزاره
ادهم وقف امامها ومسح دموعها بحنان: ده نفس الشعور الى حسيته لما قولتيلي طلقنى فهمتى بقا ليه مكبر الموضوع
شمس بدموع: انت هتطلقنى ؟
ادهم بإبتسامه: انتى عايزانى اطلقك
شمس اومأت بلا وسط بكاءها
ادهم: وانا بحبك ومش هطلقك
شمس نظرت له بدموع: وانا كمان بحبك اوى
أدهم نظر لها بتعجب وبلع ريقه: بتقولى اى
شمس: بحبك
ادهم: تانى
شمس: بحبك
ادهم: تانى
شمس جذبته وضمته بشده: بحبك
ادهم حاوط خصرها وضمها بشده: اخيرا .. اخيرا قولتيها
شمس: انا اسفه ماتزعلش منى
ادهم ابتعد: مش زعلان منك اصلا وقبلها من جبينها
شمس: يعنى صافى يا لبن
ادهم بإبتسامه: حليب يا اشطا
قطعهم دخول حازم: اى ده قطعتكوا انى اسف ههههه
ادهم: عايز اى يا مخرب اللحظات السعيدة
حازم بضحك: نسيت الملف ده
واخذ ملف من على المكتب وخرج وهو يضحك
شمس: امشي بقا عشان معطلكش على شغلك
ادهم: اى انتى لحقتي ماكنا حلوين
_________فى المساء_________
فى غرفة شمس وادهم
فايزه: انا خلصت كل شغلى وهامشي يا شمس هانم محتاجه حاجه قبل مامشي
شمس: لا شكرا يا فوز بس قوليلى شمس بس
فايزه: بس ماينفعش
شمس: وليه ماينفعش كلنا سواسية بلاش هانم دى بتضايقني
فايزه بإبتسامه: حاضر يا حبيبتى انا بجد حبيتك اوى كنت خايفه ادهم بيه يكون اتجوز واحده متكبره وتبهدلنى معاها ف الشغل بس الحمد لله رزقه بواحده كويسه هو يستاهل كل خير
شمس بإبتسامه: والله انتى الى تستاهلى كل خير تسلميلي يقلبي
فايزه: هامشي بقا عشان ماتأخرش ع البيت
شمس: مع السلامه
وذهبت وشمس اخذت جهاز من حقيبتها ووضعته فى اصبعها ليسحب عينة دم وتنظر له منتظره النتيجه لتجده موجب
بجد لا لا لا مش مصدقه ده حقيقي هههههه انا حامل مش معقول بجد انا حامل
ووضعت يدها بخفه على بطنها وهربت دمعه من عينها فاكل فتاه تتمنى ان تشعر بالأمومه وان يكون لها طفل صغير قطعه منها كانت تشعر بسعاده كبيره وذهبت مسرعه الى المرحاض وتوضأت وصلت ركعتين تشكر ربها لأنه رزقها بهذه النعمه ومن الشخص الذي تحبه ظلت تبكى وهى ساجده وتشكر الله وهى سعيده لهذا الخبر وانتهت وسمعت صوت سيارة ادهم ونظرت من الشرفه ووجدته يدخل الى الفيلا دخلت وغيرت ملابسها الى فستان ابيض رقيق للغايه يصل لفوق ركبتها ولم تضع اى نقطة ميك اب على وجهها فعى تحب طبيعتها اكثر بالإضافه الى انها لا تحتاج فهى جميله للغايه وفردت شعرها الذى اصبح يصل الى خصرها
وتقدمت نحو باب الغرفه ودخل ادهم
شمس بفزع: عااا ... اى خضتنى
ادهم بإعجاب: حد يقدر يخض القمر ده واقترب منها بإبتسامه وضمها
شمس: كنت ف مره ف عربيه عامر وشوفتك وانت واقف معاه فجأه لقتنى حبيتك
ادهم ابتعد وقال بضحك: عشان انا اتحب من اول مره اصلا
شمس: من ناحية تتحب فانت تتحب فعلا
ادهم اقترب وقبلها من انفها بخفه: بحبك يعمرى
شمس بإبتسامه: تغير السكرتاريه يقلب عمرك
ادهم: نتكلم بعدين ف الموضوع ده المهم دلوقتى انه جه اليوم الى اثبتلك فيه عكس كلامك زمان وانى هخطف قلبك الى كنت خاطفه من ساعتها اصلا بس خليتك تنطقى والحجر لان
شمس بإبتسامه: بحبك وبحب تمسكك فيا رغم انه عدا اكتر من سنه وانت بتحاول وميأستش
ادهم: عشان الى بيحب مابييأسش وانا بحبك ومش هقدر امسك نفسي اكتر من كده
شمس: تمسك نفسك على اى
ادهم اقترب منها ولم يكن بينهما مساحه: على الجمال ده
شمس: ان نت عا عايز ا اى يا ..
ادهم قطعها بقبله طويله وابتعد لتأخذ انفاسها السريعه
ادهم: عايز كل خير
شمس بضحك من خجلها: م مش هينفع
ادهم: وماينفعش ليه مش مراتى واقترب اكثر
شمس: ادهم استنى مش هينفع بجد
ادهم توقف: هو اى الى مش هينفع معلش
شمس: ماتقربش منى
ادهم: نعم!
شمس: اى ماينفعش تقرب منى
ادهم بعصبية: وانتى حرمتى نفسك عليا ولا اى
شمس: مش كده واقتربت منه وهمست فى اذنه انا حامل
اتسعت عيناه عند سماع هذة الكلمه وتعالت ضربات قلبه أكثر وربط لسانه ولم يستطيع النطق
شمس نظرت له وابتسمت على صدمته: هاتبقا بابا قريب
ادهم نظر لها بتعجب لما تقول وعيناه تملأها السعاده: ا انتى ح حامل
شمس بإبتسامه: ايوه حامل
ادهم ضحك بشده ونزل على ركبته ووضع يده على معدتها بسعاده واقترب وقبل بطنها ووقف وضمها بشده
_بجد مش مصدق انا هبقا اب
_هاتبقا احلى اب
ادهم نظر لها بعين دامعه
_بحبك
_وانا كمان بحبك اوى
النهايه.....💖
عايزه اعرف ارآئكوا ف الرواية يحبيبي💘
#كتابة خديجه وليد