عند وتين ورائد
وتين صعدت ايلان للغرفه ونيمته بعد ماعقمله رائد الجرح واخذت شاور وبدلت لبست هاي البيجاما 👇🏻
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ندك الباب
وتين: تفضل
رائد: نام
وتين: يي نام
رائد قرب من عنده يتاكد من تنفسه بعدين اجه وكعد على الجربايه
رائد:شكلج
وتين:منو
رائد:فارس يعني منو شكلج من رحتوا سوى
وتين:ابد سالني عن جوابي
رائد:وشكلتي
وتين بتوتر تعرف رائد حيعصب عليها اذا عرف خصوصا هذيج المرى رزلها :هاا كتله بعدني مافكرت
رائد : يي وبعد
وتين: يي كتله مافكرت وعفته
رائد بابتسامه :ااه بس مافكرت وعفتي مو
وتين:يي
رائد بابتسامه:كاشفج ترى من الاخر شههبتي ملامحه وهو داخل متكول الي كلتي
وتين:بصراحه بصراحه
رائد بابتسامه :بصراحه بصراحه
وتين:كتله اصلا نسيت الموضوع ومافكرت بيك ومو كيفك ايمته متريد ترجعني ومو على كيفك طلعت الي بكلبي باختصار
رائد: وشنو رد
وتين:كال لتعصبيني واذا اريد ارجعج ارجعج بكيفي لتخليني اسوي شي ميعجبح
رائد:وشكتيله
وتين:ها شكتله كتله لتخليني اسوي شي ميعجبك اني
رائد بضحكه:احلفي كملي شهببتي بعد
وتين:بصراحه مدام انت كاشفني كتله اعلى مابخيلك اركبه وانت مو رجال وله تنحسب على الزلم وجبان وحقير وخاين
رائد:كملي ياحلوه وبعد
وتين: لا ماكملت لان جان يقرب وبصراحه هربت ..... بس بربك مو خوش جواب طلعت كل الي بكلبي
رائد وهو ياخذه المخده الي مرتاج عليها ويذبها عليها
وتين:هاي ليش
رائد:شبيج بابا انتي خبله
وتين:ليش شسويت
رائد:شلون تحجين هيج عليه
وتين:شحجيت يستاهل ليش مو صحيح
رائد:لا مو صحيح
وتين:انت شبيك تدافع عنه من وين هالمحبه
رائد:مداادافع عنه بس ميصير تحجين هيج انتي ك وتين مو مقامج هيج الفاظ ميصير عيب
وتين: ماحجيت شي غلط
رائد ويكوم ويكعدها بصفها ويكعد
رائد:وتين ياحبيبي غير اني اريد مصلحتج انتي من دتسوين هيج دتبينين انتي الغلطانه وبعدين انتي اذا متريدني ترجعين اله كولي مااريد وخلص محد يكدر يجبرج على شي
وتين:والحظانه
رائد:هنا مشكله حاولوا تتفقين وياه
وتين:مااريد
رائد:تحبي
وتين:.....
رائد: تحبي يعني
وتين:شفايده حبه اذا هو ميريدني
رائد: منو كال ميريدج شفتي يريد يرجعج ومن نظراته مبين يحبج ومن جنت اوكف بصفج يريد يذبحني حتى هسه من يشوفني بصفج يعصب
وتين:يريد يرجع علمود ايلان مو علمودي
رائد: اذا علمود ايلان ترى جان اخذه من عندج من زمان وماخلاه عندج والدليل شوفي ترى بعده ايلان يمج لو غير واحد جان ماخلاه يمج دقيقه بعد ماخفيتي عنه ترى حتى من عرف ايلان ابنه ماضل يعاتبج او يحجي عليج وشفتي شلون يدافع عليج كدام الكل
وتين:مااعرف
رائد بضحكه :اتبعي كلبج
وتين:ههه
رائد بضحكه:يالله يمعوده تجوزي وخلصيني منج مليت ترى مكابلتني
وتين:انت شبيك حولت من ناي عليه
رائد:ييي وللمعلوميه انتي ورجلج ادعبلوا وين متريدون بس ايلان يضل يمي
وتين:احلف هو الزواج كله علمود ايلان
رائد:علمود الحب يروحي حبج برص انتي وياه عيشتونا بمسلسل
وتين:شو لسانك طولان يول انجب
رائد بضحكه:مو بس ايلان يريدله تربيه انتي هم
وتين:انجب لتعيب
رائد:ههههه المهم مااريد اسمع انج سابته مرى ثانيه مااريد ترجعيلنا مكفخه
وتين:منو كال حرجعله بعدني افكر
رائد: اوويلي حينجلط الزلمه
وتين:كيفي
دك تلفون وتين
رائد:منو
وتين:فارس
رائد:ردي وبادب هم
وتين:لالا ماارد او ارد بس اذا قلل ادب اقلل ادب
رائد وهو يقرب منها ويشد اذنها بمزح:صارلي ساعه شحجي
وتين: اييي خلص خلص فهمت
جاوبت وتين
وتين:الوو
فارس:هلو وتين
وتين:اه هلو فارس
فارس:شلونج
وتين:تمام وانت
فارس:تمام شلون صار ايلان
وتين: لا احسن رائد عقمله الجرح ونام هسه
فارس: خوش بجه شي
وتين: لا مابجه يكول يوجعه شويه بس
فارس:طيب تاكدي من تنفسه كل شويه لينخنك
وتين:يي تاكدت ورائد هم كل شويه يتاكد
فارس:طيب الربو حجزتله عند عمر خلي يراجع عنده كل فتره لازم دكتور يراقب حالته
وتين:تمام
فارس:شنو الادويه الي ياخذها
وتين:دقيقه اصورها الك رائد وين حطيتها
رائد: هذا
فارس:رائد؟ انتي وين
وتين:بالغرفه
فارس:شيسوي رائد يمج نفس الغرفه تنامون
وتين:انت شكو
رائد خزرها وبهمس:شكلنا احجي زين
فارس:جاوبي وين ينام
وتين:بغرفته وين ينام بس اجه يشوف ايلان وبعدين اخويه عادي وين المشكله
فارس وشعور الغيره الي بداخله محرد احد غيره بصفها :اني ماعندي هالحجي انتي بجهه وهو بجهه
وتين: محد طلب رايك
فارس:ووووووووتين
وتين:تراك متخلف
رائد:وتين احجي عدل
فارس:فكري بالزفت الموضوع قبل ميصير الموضوع بطريقتي فاهمه يوميين بس اذا عدت هاليوميين ومارديتي عندي وياج حجي ثاني وسد التلفون
وتين:الجلب سد التلفون بوجهي
رائد:شسويتي
وتين:شسويت
رائد:شكلنا
وتين: شكلنا
رائد:وتين وبعدين وياج
وتين:انت شفته شيكول هو بدا سالتك وين الدوا يكلي شيسوي رائد يمج وين ينام المتخلف
رائد:ههههههههههههههههههههههههههههههههههههههههه
وتين:وجع شكو تضحك
رائد:بموووت بطني هههههههههههههه
وتين :رائد يازفت
رائد:والله انكم نكته ههههههههه
وتين:هو المتخلف
رائد:هههه انجبي كافي عاد
وتين:هسه شسويت بس تسب بيه
رائد وهو يجر اذنها ويصرخ :لانج غبيه روحي نامي احسن باجر عندي وياج حجي ثاني وله انتي مو مال دلال هسه يجي يجرج من شعرج وتزوجي غصبا عنج
وتين:هو كيفه كيفي
رائد وهو يطفي الضوه:نامي ياحلوه نامي
وتين: انجب انت وياه
رائد: هي انتي اني مو فارس اسكتلج هسه اجي اكفخج اخليج تنامين وانتي تبجين
وتين: لا بالله
رائد: يي والله يلا وله حرف
طلع رائد من الغرفه ووتين تمددت على الجربايه وهي تفكر بحجي رائد حتى نامت
ثاني يوووم
كعدت وتين الصبح جانت لابسه هاي اللبسه 👇🏻
