هذا الرجل... ابوك 💙💚
🎆الحلقة العاشرة : القسم 4 🎆
💚💙
كان لازمها شوية وقت ...شوية هواء...شوية نفس ....حاجة ترجعلها روحها ...لمت ما يتلم و رجعت ما نجمت ترجعو ...مانجمتش تخبي كل شيء ...بالاخير خلت كل شي وخرجت ...مشات وركايبها تسطع في بعضهم ...مام وقت كلمتها جارتهم ماسمعتهاش ...تسخايلها مطفيتها ...لكن هي في عالم اخر ...مانجمتش تحبس دموعها وتمنعهم ...قعدت تمشي وموش عارفة ساقيها وين هازتها ...تهز وين تهز ...موش هامها ...يكفي النار ايلي شعلت في داخلها تطفى ...ع الاقل تنقص ....غلبتها دموعها ومعادش ساقها حاملتها ...سندت روحها على حيط كان في طريقها ...بكات بالصوت وبالشهقة ...نحيب قوي جلب انتباه ايلي متعدين ...تدخل شكون باش يعاونها و يسأل شبيها ...خلتهم ومشات ...ماقالت شي ...ماهيش مستحقة حد يسألها ...مستحقة تبكي قد ماتنجم .
********
شهقت نزهة وقت حلت الباب ولقات الدنيا مقلوبة وكل حاجة مطيشة على جنب ....كل شي مفروت "ياربي ...شنوة صار ....دخل سارق ....تولللينن". تفجعت تكون بنتها صارتلها حاجة. ...لوجت عليها في البيوت الكل ...مالقاتهاش...جبدت تاليفونها وطلبتها ...سمعتو يصوني في بيت نومها ...جرات ...ياخوفها تلقاها دايخة والا بيها حاجة ...وقت لقات تاليفونها ع الطاولة ودبشها هي ع القاعة ...دخلت بعضها اكثر ...خزرت لذهبها ايلي مطيش ...شكون ها السارق ايلي يخلي الذهب ويمشي !؟...اكيد ماهيش سرقة...ممكن تكون كريز متاع غش صار لبنتها ...لكن مناش و علاش هذا الكل ...خرجت تجري لجارتها ...لعل تحكيلها شنوة صار " هادية ...قلي يعيش اختي ....ريتش تولين ..."
لوكت الاخرى اللوبان وبالسيف ماتكلمت " شفتها خارجة من بكري ومشات في طريق الحومة الاخرى "
"الحومة الاخرى !؟ وعلاه ...وحدها"
"اممم وحدها ...نزهة باش نسألك ...ياخا شكون الراجل ايلي وصلها للدار ...ياخا ...خدمتها خلت كل يوم واحد يوصلها "
"فاش تقصد "
"هاك المرة ...واحد جاء دق عليكم ومشى وليوم ...واحد الصباح وصلها ...مانعرفش عاد انت تعرف هذا الكل والا الشي من وراك "
"اسمع نقلك هادية ...بنتي نعرفها اشرف من الشرف ومخك الخامج هاكي ورميان المعنى و هزان الحظيث نقلك موش على نزهة وبنتها ...هاو انبه عليك ...رد بالك تلوك سيرتها ...والا تعرفني كيفاش نحبس عند حدك "
هزتها وحطتها ورجعت للدار ، مادام خرجت ولاباس ...تو ترجع ...المهم توا تلم ها الشي المفرت ...ماخلات شي ما جبدتهوش لوطة...بدات تتقلق وتحس انو فمة حاجة صارت لبنتها ...حاجة غامة عليها ...و قلبها مقطوع ....ها الاحساس تخاف منو ...ياربي تكون لاباس ...تنظف شوية وتعمل طلة من الشباك تراهاش جاية ...كملت نظفت وريڨلت ورتبت الخوضة وباقي ماجاتش ...طيبت العشاء وخضرتو وريحتها باقي مافماش ...هوني لازم تخرج وتلوج عليها ...باش تبقى ساكتة وهي ماتعرفش بنتها وين واات شبيها ...بدلت حوايجها وهزت تاليفونها ومفتاح الدار وقبل ما تحل هي الباب ...حلتو تولين ..تنفست براحة "تووولين ...يابنيتي وينك ...علاش تعمل فيا هكا ...وين مشيت هكا وخليت اادنيا داخلة بعضها ...نسخايل سارق دخل ..."
كانت جامدة ...عينيها حمراء دليل انها باكية ...شعرها داخل بعضو و وجها اصفر "تولييين ...يابنيتي شنوة صار معاك ...شبي حالتك هكا "
مدت يدها باش تريڨللها شعرها ،لكن هي نطرتلها يدها و لمعت عينها بشر "ماتمسنيش "
وساعت عين نزهة ماهيش مصدقة ايلي سمعتو " شنوة !؟...شبيك .."
دخلت وصرفڨت الباب وراها ...مسحت وجها بكفوفها ...بلعت ريقها و حاولت تنظم انفاسها وتركز في كلامها و في حركاتها وفي كل شي باش تعملو معاها ....دارت باش تواجه نزهة لقاتها تخزرلها باهتة وموش فاهمة شي "وين كنت ؟...سألت هادية عليك قالت فمة راجل جاء ...يكونش عندو صيلة بحالتك هاذي ...شصار في غيابي "
خزرت للواقفة قدامها ...ايلي سنين وعي تعيطلها امها ...معقول ماهيش منها ...معقول هي ماتربطها بيها حتى قطرة دم ...معقول هي خبات عليها ها الحقيقة بعين صحيحة و ماصترحتهاش بحقيقتها ...خلتها غافلة من غير ما تقلق روحها و تحكيلها الحكاية كاملة ...شكون هي وبنت شكون وكيفاش تبنتها
تنهدت وبصوت يرعش تكلمت "لازمنا نحكاااو "
"انا وانت !؟ "
"ايه ...انا وانت ...فمة حد اخر موجود معانا "
💙💚
🎆نهاية الحلقة العاشرة 🎆
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Storie brevi★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
