💕أنت قلبي٢💕

الحلقة ٤٢

#انت_قلبي٢
#بوسي_مصطفى
_______________
الحلقة ٤٢

في البلد.
هدى بتكلم نفسها : وبعدين يا هدى هتعملي ايه؟؟
ولاد العمدة هيقسموا الأرض والدار وكده هنادي
مش هتعرف تاخد حقها لو وضعوا ايدهم عليها.
اكلمها في التلفون واقولها وهي تيجي تاخد الورق
اللي معايا؟
طيب هروحلها فين؟
الدار عندهم مش هينفع لو حد لمحتي من ولاد العمدة
هتبقى مصيبه وسعيد مش هيسكت
هو حط ايده في ايدهم علشان
ياخد حقه في ملك أمه.
طب اني برضه معرفش اسافر مصر..
ولا اعرف اوصل اصلا هناك.
اقول ل حامد ابني؟ .. لا أخاف يوقع ب لسانه ويقول ابوه.
وبعدين اني ما امنش اديه الورق يضيعهم ابقى اني كده شيلت ذنبها.
طب اعمل ايه؟؟
اقول ل نرمين؟ ...لأ نرمين لأ
ممكن تقلب علي هنادي تاني
وبعدين الفلوس والملك يزغللوا عينها وتبيع اي حد.
مينفعش اامنها أمانة زي دي.
وبعدين بقى يا هدى.. انتي كده مش هتوصلي
لحاجه.
سعيد داخل الغرفة
سعيد : قوم يا هدى حضريلي العشا.
هدى : حاضر.
سعيد : استنى.
هدى : نعم!
سعيد : الا صحيح يا هدى
في موضوع شاغل مخي من ساعة الليلة إياها
لما محسن ضرب هنادي.
هدى : طب كويس إنك قولتها بعضمة لسانك ضربها..
وعلى رأي المثل '' ضربني وبكى وسبقني واشتكى''
وده مشتكاش وبس ده خد اخواتك كده بربطة
المعلم وراحوا
قالوا كلام ميتقالش على مرات اخوهم.
سعيد : مش خلصنا بقى من الموضوع الماسخ ده؟
هدى : يا ترى انت شايفه ماسخ؟
علشان هو ماسخ حقيقي ولا خايف تقول الحقيقة
وضميرك ساعتها يأنبك ومتعرفش تكمل مع اخواتك والمصلحه تضيع منك.
سعيد : انتي عايزة ايه يا هدى؟
هدى : اني مش عايزة حاجه
انت اللي وقفتي تسألني عن حاجه.. هي ايه بقى معرفش!
سعيد : ما انتي نستيني اني كنت عايز اقولك ايه..
فكر سعيد شوية وبعدها : اه افتكرت.
انتي مش كنتي موجودة وقت ما امي كانت بتسلم
هنادي العقود
بتاعت الغيط والدار.
هدى : اني كنت في المطبخ وطلعت على صويت هنادي.
سعيد : طيب هي كان في ايدها الورق.. راح فين؟؟
ما هي طالعه من البيت في عربية الإسعاف..
يعني هتكون خفيت العقود فين
ولا تكونش اتقطعت..
انتي كنستي يومها؟
هدى : خالتي رسميه هي اللي كنست.. وبعدين انت
شاغل روحك بالموضوع ده ليه؟!
سعيد : هو ايه اللي شاغل روحي بالموضوع ده!
هو ده مش مالنا ومال عيالنا يا وليه؟!
هدى : المال الحرام مش بينفع يا سعيد.
سعيد : مال حرام ايه ده ملكنا يا وليه.
هدى : تقصد كان ملك الحاجه امينه وهي كتبت
حاجه على حياة عينها
تبقى تروح لصاحب نصيبها ولا تجنبوها دلوقت
وتقسموا الباقي
إنما تقسموا الكل ده
يبقى انتم بتاكلوا حق هنادي وولاد اخوك طارق.
سعيد : يا وقعتك اللي مش فايته يا هدى.
هي وصلت إننا بناكل حقهم كمان
هما ليهم حق اصلا؟!
هدى : خلاص طالما انت شايف كده يبقى انت حر..
اني هروح احضر العشا.

دخلت هدى المطبخ وواقفه قدام البوتاجاز وبتكلم نفسها
أني عبيطه قوي ازاي اكلمه في الموضوع ده اصلا
كده ممكن يشك فيه...
لا لا مش هياخد باله ..
وبعدين في الحاجه اللي معايا دي اخليها فين؟؟
سعيد لو عتر فيها هيقطعها ومش بعيد كمان يطلقني
والعيال تتبهدل..وبعدين بقى يا هدى
شيلتي شيله منتيش قدها
وحملتي نفسك مسؤلية حاجه منتيش عارفه تحافظي
عليها.
اتصرف ازاي بس دلوقت؟!
______________