عشقي٢ ( MY LOVE 2)

الحلقة التسعون

منزل اومكارا

غرفة ريكارا

كان يجاهد حتي ينام دون ان يعطيها فرصة لاي حديث معه ، فهو ومنذ ان عادا من منزل شيفاي ومواجهته مع ابنته وهويتهرب منها بافعال كثيرة ليس لها داعي حتي استلقي اخيرا علي سريره وما ان اغمض عيناه حتي اتاه صوتها المليئ بالحزن ...

غوري : اومكارا ...

اوم "دون ان يلتفت اليها" : عايزة ايه ...

غوري : انا عارفة انك زعلان مني بس انت مش عارف انا سمعت ايه من ...

ليقاطعها بحدة بعد ان اعتدل في جلسته ...

اوم : أيا كان اللي سمعتيه ، مش مقبول ابدا انك تسيبي البيت وتمشي من غير حتي ما تقوليلي ، انتي عارفة انا ايه اللي حسيته والا كام سيناريو جيه في دماغي اول ما رجعت وما لقيتكيش في البيت ...

غوري : فكرت اني عملت نفس اللي عملته زمان وعشان كدا كنت ماسك قلبك ...

اوم "بعصبية" : اه ، حسيت انه بيموت وانا قاعد ومش عارف انتي فين وليه سيبتي البيت ، اتجننت ، مهما كان اللي اتقالك ليه تسيبي البيت ، استنيني لحد ما ارجعلك وانا اجيبلك حقك منها واعرفها غلطها واخليها تيجي لحد عندك تراضيكي انما انتي لسة زي ما انتي ما اتعلمتيش من غلطة زمان حاجة واول ما اضايقتي جريتي علي انيكا ، ليه يا غوري هو مين المفروض يكون الصدر الحنين ليكي واللي ترمي كل همومك فيه ، انا والا انيكا ، مين فينا اللي اقربلك عشان تشكيله همك ، انا والا انيكا ...

غوري : انت اللي اقربلي يا اومكارا ...

اوم : لا ما هو واضح اهو ...

غوري : انت فعلا اللي اقربلي بس كنت عايزني استناك عشان اقولك ايه ، عايزني اقولك انك السبب في الوجع اللي جوايا ، كل واحد فيكي بيلومني علي اللي حصل زمان ، ولا واحد فيكم قادر ينسي الماضي ، ليه عايزني افضل عايشة اللي فاضل من عمري في عذاب ، انا ممكن في اي لحظة اموت واسيبكم ليه مستكترين عليا اعيش اليومين اللي فاضلينلي في هدوء وسعادة وانا في حضنكم ، سيبوني اشبع منكم قبل ما امشي انما انتم مصممين تلوموني دايما ، خلاص ما دام انا مسببلكم مشاكل كدا ما كنتم سيبتوني امشي واعيش حياتي بعيد عنكم وانتم تعيشوا براحتكم زي ما انتم عايزين ، دا عذاب الضمير اهون ميت مرة من كلامكم اللي يوجع دا ...

لتنهمر دموعها ببكاء اخذ يعلو تدريجيا ، اقترب منها وضمها الي صدره وقبل راسها وهو يمسد بيده علي راسها ...

اوم "بهدوء" : اولا مش عايز اسمعك تتكلمي عن الموت دا تاني ، انا هموت قبل ما انتي يحصلك حاجة ، ثانيا ايه حكاية تعيشي لوحدك دي ، لا طبعا انتي مش هتبعدي عن حضني دا تاني ابداااااااااااا ، ثالثا ودا المهم دلوقتي حالا تقوليلي ميشتي قالتلك ايه خليتك في الحالة اللي انتي فيها دي ...