ماضي لا ينتهي

الحلقة ٥٧

#ماضي_لا_ينتهي
#بوسي_مصطفى
_____________
الحلقة ٥٧

في شقة سيف.
أميرة : خلاص يا سيف بقى.
سيف : طب فتحي عينك كده علشان اطمن.
أميرة : خلاص كويسه ومبقتش تحرقني.
سيف : طب وريني اشوف.
أميرة : قولتلك عيني كويسه
مش مستاهله كل اللي انت عامله ده!
سيف : ازاي بس يا أميرة؟
انتي مش عارفه إن أي حاجه بتعبك
بتوجعني أنا كمان.
أميرة : ايوه طبعا ما انا عرفت
وخصوصاً اليومين اللي فاتوا
دول.. عرفوني قد ايه بتحبني وبتخاف عليه.
سيف : انا عارف انى كنت قاسي عليكي الفترة اللي فاتت
بس صدقيني غصب عني.
أميرة بتبكي : انت متعرفش الرعب اللي انا عيشت فيه
ولا الوقت دا مر عليه ازاي
انا الموت كان اهون عليه من اللي حصلي وقتها.
بيضمها ليه ويطبطب عليها
معلش حقك عليه.
أميرة : جريت في الضلمه وانا مش شايفه قدامي
استخبيت منهم وأنا بموت من الألم اللي جالي وقتها..
و أول ما ايدهم لمستني حسيت إن روحي بتخرج مني
حاولت اهرب بس مقدرتش
الجري اللي جريته تعبني اكتر
نزفت كتير والقذر دا قصلي شعري.. شايف..
سيف : هندمه على كل اللي عمله
لو ما اخدش الجزاء اللي يستحقه مسيره وقتها
يخرج وهيشوف أنا هعمل ايه
هيتمني وقتها الموت بس مش هيطوله
أميرة : لا يا سيف بلاش
بلاش علشان خاطري
سيبه هو اكيد هياخد الجزاء اللي يستحقه.
وانا اسفه.. علشان مسمعتش كلامك.
بس مكانش في دماغي إن دا ممكن يحصل.
سامحني يا سيف.
سيف : أنا اللي عايزك تسامحيني على المعاملة الوحشه
اللي كنت بعاملك بيها.
انا عارف إن ملكيش ذنب
بس كمان قلبك طيب وهتسامحيني صح مش كده؟
اميرة : اكيد مسامحه ومن غير ما تعتذر كمان.
سيف بيضمها ليه اكتر : حبيبتي يااميرة
انا بحبك اوي ومقدرش استغني عنك.
أميرة : ولا انا يا سوفه.
سيف : هههههههه هي ليان فين؟
أميرة : زينة جات اخدتها هي وعمر.
سيف : هههههه
دا كمين بقى!
أميرة : يعني ايه؟
سيف : يعني بيروقوا الجو علشان نبقى براحتنا
ونعرف نتكلم بعيد عن دوشة العيال.
أميرة : لا زينة اخدت الولاد علشان انا كنت تعبانه
بس مش اكتر.
سيف : لا انا عارف إنها ما اخدتهمش علشان كده
ههههههههههههه
على العموم كتر خيرها.
ايه دا رايحه فين؟
اميرة : هجهز الأكل مش عايز تتغدا ولا ايه؟
سيف : لا مش عايز انا شبعت لما شوفتك وشبعت اكتر
لما اتصالحنا.
أميرة ببتسامة : وانا كمان بس علشان باباك.
سيف : أنا هتصرف تعالي بس استريحي..
وشوفي الاستاذ دا بيعيط ليه؟
أميرة : هيعيط ليه يعني
اما عايز يعيز أو جعان.
سيف : طيب اشبعيه بقى ولو عايز يغير غيريله وانا هنزل.
أميرة : رايح فين؟
سيف : مش هتأخر متقلقيش.
نزل سيف تحت عمل أكل ووضعه على السفرة واخد اكل
فوق ل أميرة واكل معاها علشان يراضيها ونزل كمان أكلمن
مع باباه علشان م ياكلش لوحده.
-______________

في المساء.. أمام شركة مازن.
ناريمان واقفه منتظره تاكسي ومازن نازل من فوق.
مازن : ايه دا هي العربية عملتها  تاني معاكي  ؟!
ناريمان : اه في الورشة بتتصلح.
انا مستنيه تاكسي.. اتفضل انت علشان متتعطلش.
مازن : مفيش عطله ولا حاجه
اتفضلي اركبي اوصلك.
ناريمان : لا معلش طريقي غير طريقك وكده هتتاخر.
مازن : مفيش مشكلة عادي
يعني يصح اسيبك واقفه كده
اتفضلي يلا.
ركبت ناريمان العربية مع مازن.
كان مركز في الطريق وهي ناظره الناحية التانية..
ومن وقت ل التاني تلتفت تلاقيه مركز برضه في الطريق.
ناريمان : مبروك..
مازن : على ايه؟
ناريمان : على المولود الجديد.
مازن : متشكر..
ناريمان : البيبي سميته ايه؟
مازن : يزيد.
ناريمان : حلو الاسم
انت اللي اخترته بقى؟
مازن : لا مامته.
ناريمان : اه.. هي أخبارها ايه؟
مازن : تمام.. الحمد لله.
ناريمان : اكيد الولاد واخدين كل وقتها..
انا اسمع ان تربية الولاد صعبه اوي.
مازن : اكيد مفيش حاجه بالساهل بس انا مقدرش اقول صعبه ولا نص نص لاني بصراحه معظم وقتي بره البيت.
ناريمان : اه اكيد.. بس هي بتتعب جامد معاهم.
مازن : اكيد.
ناريمان : ممكن مياة؟
مازن : اه عندي مياة في العربية ثواني.
واخد الازازة..
مازن : اتفضلي.
ناريمان : ميرسي.
التليفون يرن 📞
مازن : الو يا حبيبتي.
اه جاي في الطريق.
قدامي قد ايه؟
يعني عشر دقايق.. ربع ساعة كده.
تشرب ناريمان من ازازة المياة
فجأة في مطب ميلحقش مازن يهدي
العربية تهتز.
وناريمان صرخت جامد  ازازة المياة ادلقت منها.
ندى : ايه دا يا مازن؟
مازن : مطب يا حبيبتي
ما اخدتش بالي منه.
ثواني بس يا ندى هقفل وهرجع اكلمك.
وقفل مازن مع ندى.
مازن : حصلك حاجه؟
ناريمان : لا انا كويسه
بس الازازة ادلقت.
مازن : مفيش مشكلة المهم إنك كويس..
اسف ما اخدتش بالي.
ناريمان : عادي ولا يهمك بتحصل معايا كتير.
____________