#عندمــا_تعشــق_الذئـاب
جود: انفتحت الباب بسرعة ابتعدنة اني وبهاء عن بعض اشوف منو دخل طلعت رنيم
رنيم: لا ياكفار يا متخافون الله يا احمم ولد الاحمم شبيكم ماتستحون انطو صبر علما تعرسون و سوو الي تردونة شتكولون ..
جود: احتقن وجهي وخجلت شلون خليته يتقرب مني هيج واصلا مايصير ياربي اففف اضعف كدامة احس بهاء مثل البنج العام مجرد قربة مني احس روحي داخلة بغيبوبة وياه
بهاء: واني شبيج هيج داخلة جفت لا احم ولا دستور ماكو خصوصية بهذا البيت شبيج هيج ملكوفة
رنيم: ايبااااه على كيفك استاذ .. بهمس .. لو ما اجيت جان حبلتها للبنية اذا مو توم .. احمم
بهاء: تعالي تعالي انتي ليش مارحتي للدوام
رنيم: مالي خلك
بهاء: لج كافي تسخت واقري زين راح تبلش امتحاناتكم اشو انتي كضيتها مالي خلك ومابيه حيل وطلعات وونسات مايصير هيج واضح .. ترى خلي يكون بعلمج لوووو جبتي معدل بالسادس اقل من 85 اعتبري كلية ماكووو..
.. جود: ياااا شبي عصب لهل الدرجة
حجت رنيم بخبث
رنيم: عود الله كريم منا لذاك الوكت انت متزوج واذا رفضتلي طلب واني جنت رايدته تدري شسوي
بهاء: تنهدت شتسوين بله ست رنيم
رنيم: اخلي مرتك تقنعك بطريقتها
غمزت لجود
جود: عزاااا شتقصد رنيم كمت وكفت ااحم
رنيم: يله من رخصتكم اتمنه ما اكون سبب بانقطاع اللحضات الحلوة ياحلوين موااااح _ باااي
جود: اا اني هذاا احم
بهاء: هه شبيج بس تدرين همزين اجتي رنيم بهذا الوقت
جود: ليش
بهاء: شنو ليش لازم عجبج الوضع الي بيني وبينج وماردتي تجي وتدخل فجأءة وتقاطعنه
جود: لااا لا صدكني مو هيج بس هو سؤال يعني
بهاء: هههههه غلسييي وهسه يله حبيبتي راح يبدي عقابج من هسه تيك توك تيك توك .. منااا لشهر كامل يله نتشاوف لا رسائل ولا اتصالات ولا اي شي تمام
جود: دمعن عيوني والله ما اتحمل بعدك بهااء اني مامصدكة رجعنة لبعض ونكدر نحتوي رواحنه بس حباب مو هيج اجي اموت والله لو ما سمعت صوتك لاتعاقبني هيج اقبل اي شي منك بس مال شهر كامل ماشوفك ولا اسمع صوتك لا هاي ماكدرلها والله ..
...
بهاء: ليش ماتكدرين ؟..
جود: لانو ببساطة احبك واتنفسك وما اتحمل بعدك عني
بهاء: حضنتها واني اعشكج يبت كلبي
جود: بهاء
بهاء: يروح بهاء
جود: هم يجي يوم وتعوفني؟..
بهاء: اعوف نفسي ولا اعوفج او اتركج انتي الانسانة الوحيدة الي دخلت كلبي بدون استأذان من اكتشفت نفسي احبج نفسي بعدها ماتتقبل تشوف اي مرة غيرج حتلو جنتي بعيدة عني بس صورتج بعقلي وروحج بداخلي جود ماتتصورين شكد احبج انتي احلى شي صار بحياتي
..جود: دمعن عيوني نزلت راسي وكتله يله لازم اروح علمود اتحضر للعقوبة
بهاء: ابتسم يله امشي اوصلج
جود: طلعنه من البيت صعدنه بالسيارة كضيتها بجي
بهاء: راح اشتاقلج هواي
جود: تنهدت اني اشتاقيتلك من هسة
يله باي
بهاء: باي حبيبي انتبهي على نفسج
جود: هزيت راسي نزلت من السيارة ابجي دخلت للبيت اوف منك شهالعقاب هذا شيصبرني شهر كااامل ..
