الله صلى على النبي
السلام عليكم
اني نور فيصل طالبه كليه طب مرحله اخيره
عمري 24 محجبه بس لبسي ويه الوكت عندي سياره اروح بيه للجامعه كلش شخصيتي قويه ومااهاب احد دائمن بابا يكول عليه رجال بثوب مره عشت سيدت نفسي محد يحاسبني على اي شي
امي دائمن شجعني ان اعتمد على نفسي
وماكون ضعيفه
عندي اخويه احمد يدرس هندسه معماري اول سنه اصغر مني احنه بس والد وبنيه
بابا فيصل موظف بلري مهندس وهوه اهله عشاير ومن الجنوب بس من اخذ ماما سكنم بغداد مرات روح عليهم بلعطل ومرات بس بابا يروح ماما متحب جو الجنوب ولارياف فابقه يم ماما ماعوفه بس احمد يروح ويا بابا
ماما الهام مدرسه من بغداد
منا تبدي قصتي
اني چنت عايشه حياه بسيطه بين دوام بين دراسه مالي ختلاط اصدقائي محدودين احب السفر والمغامره كلت بس اتخرج اعيش الي اريده محد يمنعني من الي اريد اسوي عندي مطلق الحريه
بيوم بابا قرر يروح للبصره احنه زياراتنه للبصره كلش قليله
بابا شتكولون ترحون للبصره يم عمامكم ابن اخويه حسين راح يزوج تغيرون جو
ماما ماروح دوخه بعد عليه اعراسكم تموت
وحاره لا عيني لا ماروح روح وحدك
نور بابا اني اروح تريد اشوف شون اعراسهم وتعبت من الدراسه اريد اغير جو
احمد اني رايح اكيد مافوت هيج فرصه اريد اشوف والد عمامي
ماما ضلت عليه هاهي هم اني اروح وياكم مرت حسين حيل زينه واني احبه هم اروح اباركله
بابا لعد تهيرو سبوع الجاي نروح بلثلاثاء ونرجع بلجمعه
نور اني واحمد كلش فرحنه ومتحضرين لهذه اليوم وشون راح نتونس وين راح نفتر ونشوف البصره عمامنه ونشوف بيبي هم صارلي هوايه مشفته مره چبيره بس متقبل على كلشي ضل تنتقد ماما متحبه گيف اني غريبه وبابا سكن بغداد وعاف اهله
ماما تكول تضل تحچي عليه وتنتقدني بكلشي
بس بابا يحب يروح للبصره بس ضروف تمنعه وميگدر يعوفنه وحدنه ويروح فبعد عن اهله
واجه اليوم الي نطلع بي للبصره
نور وطلعنه الصبح من الفجر
ماما شعدكم مخبوصين خليه لو لليل نوصل شورانه
احمد لا ماما مدني اني هسه يمهم عيشتهم حلوه
نور ماما اني متلهفه اريد اشوف البنات وين صارم شگد مشتاقتلهم
ابو احمد يالله خل نطلع لتنسون شي احمد قفل البوب زين
نور طلعنه وفرحانين وصلنه كيفم بينه فتنه الكل يسلم ناس نعرفهم وناس لا اني بصف ماما
رحت سلمت على بيبي
بيبي شنو ليبي كولي جده حبوبه
نور باوعت على ماما ورمشتلي بعيني مشي
ورجعت كعدت بسده امي
