قصه وطن

البارت الثاني عشر

وطن:نزلنا يم بيت علي دخلنا جوه دخلتنا الحجيه وراح عبد الله صاحت لبناتها طلعن سلمنه عليهن هن ثلاث بنات كلهن اعمارهن ما تتجاوز ال25 سنه
دخلنا للاستقبال كعدت الحجيه تعرفنا عن بناتها
الاولى واللي هي الكبيره عمرها 23 سنه اسمها ريام ممرضه تداوم بمستشفى
الثانيه شهد عمرها17 سنه بگدي وهم راحت للسادس إعدادي
والثالثه والأخيره عمرها13 سنه اسمها مها راحت للاول متوسط وبعد عندي وليدي الكبير علي عمره26 سنه هو هسه بالموصل صديق عبد الله هو

رحمه:الله يحفظهن الج حجيه ويديمهن الج ذخر ويحفظ علي والله والنعم من هالتربيه شفنه علي بالموصل و وكف ويانه وكفه اخواني ما واكفينها وياي قبل
ام علي:بعد روحي ويحفظلج اولادج بعد هذا واجبه كلنا اهل والناس للناس من واجبه يساعدكم انتم اهلنا وناسنا
رحمه:عيوني ما تقصرون 💜
ام علي:اعتبروا البيت بيتكم بعد روحي واذا تكدرون تجون وياي ادليكم ع غرفتكم

رحمه:رحنه وي ام علي دخلتنا بغرفه مرتبه وبيها فراشات وكنتور هيج غرفه بسيطه عافتنا وطلعت
وطن:ماما يعني ح نبقى يمهم نكعد؟
رحمه:بعد يمه وين النه مكان احنه من بعد ابوج ح ننذل
وطن:لا يمه لتكولين ننذل هاي الناس الخيره موجوده
رحمه:ان شاء الله خير

همام:ماما اريد اروح اسبح
رحمه:كوم يمه انه اخذك
وطن:طلعت ماما وهمام واني بقيت ارتب بالغراض وانتبهت انو الذهب اللي جبناا ويانه ما موجود كلش ضجت عرفت انة مضيعينه بالطريق هسه خ يولي الذهب بس هو جان هديه من ابوي 😔💔
اوف والله ضجت عليه المهم كملت الملابس طلعت اشوف امي وين لكيت وحده من البنات كبالي اللي هي شهد كالتلي وطونه ما تجين تكعدين يمنه
وطن:حبيت كلمه وطونه منج😅
شهد:حبيبتي تعالي نكعد بغرفتي
وطن:رحت كعدت وياها وبقت تسولفلي عن الدوام وكالت ما باقي شي ويرجع الدوام
شهد:زين انتي يا صف؟
وطن:انه بكدج هم رحت سادس
شهد:حلوو يعني ندرس سوه
وطن:وين اني ما اكدر ادرس يحتاج كومه شغلات وتعب حته ارجع للدوام؟
شهد:زين انتي تردين تداومين لو لا؟
وطن:اكيد امنيتي ارجع للدوام اني واخويه همام بس صعبه علينه
شهد:خلص خليها وراي بعد كم يوم ويرجع علي من الموصل واني ح احجي وياا وترجعون ثنينكم للدوام
وطن:بعد عيوني ما تقصرين
شهد:حبيبتي اعتبريني اختج اي شي تحتاجينه انه موجوده وهاي ملابسي موجوده ع كدج اخذي اللي يعجبج منهن
وطن:يروحي مشكوره....يلا حياتي استرخص اشوف امي و همام وين راحوا

رحت يم امي كعدت يمها كلتلها على الدوام هي فرحت كالت علواا ترجعون للدوام واني ح اوكف وياكم واذا كدرت حته اشوفلي شغله واشتغل خوما يبقى مصرفنه عليهم زحمه منهم وهم عندهم بس علي و تقاعد الحجيه
وطن:ان شاء الله يمه

مر اليوم طبيعي صار الليل نمنه ثاني يوم العصر دك الباب طلعت الحجيه فتحته وره شوي صاحتلي
طلعت لكيت عبد الله بالباب سلمت عليه وانطاني موبايل كال هذا شنو تحتاجين مني خابريلي و خليتلج بي رقمي و فعلتلج السيم كارد تشكرت من عنده هواي والله ما يقصرون ويانه بكلشي ما مخلين علينه نقص

دخلت بعد ما تشكرت منه فتحت الموبايل كلبت بي لكيت مسويلي واتساب ومخليلي رصيد ولكيت وي رقمه مخلي رقم علي

اجن يمي البنات شهد و ومها بقينه نسولف بعدين خلنلي رمز النت لانو عندهم نت بالبيت

وهيج مشه اسبوع ع هالوضع كضيناها وي البنات واساعدهن مرات بشغل البيت و نكعد سوه و سوالفنا سوه

يتبع....