قصه وطن

البارت الرابع عشر والاخير

مبروكك بنياتي انه بلكوه رديت شنو شكد المعدل

علي:لج بابا شهالشطاره ما عرفتج دباع الدرجات تطك بللكاع
وطن:فدوة شكد المعدل
علي:69.55 يابه
وطن:صدك
علي :قابل مجذب عليج قبل؟

وطن: بسرعه ركضت على امي وحظنتها بس لحظه انه ما عرفت شكد معدل شهد من الفرحه حته نسيتها رحت سئلتهة وحظنتني وكالت حققت حلمي وطن حققته جبت معدل95.7
وطن:يا روحي والله فرحتلج الف مبروك واخيراً ما راح تعبنه ع خالي بلاش....بهالحظه كلش تمنيت ابوي وياي ويفرحلي واشوفه طوله كبالي بس الحمد الله ع كل حال

وره اسبوعين أخذني علي اني وامي وهمام حته يطلعلنا جناسي طبعاً بصعوبه يلا طلعناهن واكثر من مره نروح حته يكملن لانو جناسينه ضاعن بالموصل بس الحمد الله بعد تعب اسبوعين وطلعه وطبه كدرنا نكملهن بفضل علي خطيه

رجعنه للبيت بعد تعب تمددت شوي وصلتني رساله ع الواتساب من علي فتحتها جان كاتب بيها
علي:بعد ما خلصنا الجناسي باجر حفله خطوبتنا😉
وطن:ها؟
علي:شبيج استغربتي؟
وطن:لا بالعكس
علي:اكلج شي وبكيفج بعد توافقين او لا
وطن:اي كول شنو؟
علي:احبج ورايدج بالحلال بس كل هالسنه ما كدرت اكولها الج لانو ما صار هواي من فقدتي ابوج وهم جان وراج دارسه وتعب بس ما ردت اشتت تفكيرج ف خليتج تكملين السادس و وكفت وياج بكلشي وانه سند الج واحبج ورايدج على سنه الله ورسوله وردت احاجي امج واكللها اخطب وطن منج بس ما جنت اكدر لانو اول شي ما ماخذ رايج يمكن ترفضيني واتفشل بعدين و هم دراستج جانت عائق هسه ماكو اي عائق وبس تكولين اي من باجر احظرلج كلشي وان شاء الله ما اقصر وياج

وطن:سكتت شوي ما عرفت شرد استحيت منه وبقى ببالي الف فكره معقوله هيج هو يحبني بس صدك وين الكي احسن من علي هم يحبني ويخاف عليه وهم وكف ويانه احسن وكفه وما خله علينه قصور اصلا اللي مثل علي المفروض بدون ما يطلب أذن لموافقتي يجي يخطب وانه الممنونه
شوي رديت عليه...
انت وكفت ويانه وكفه ما ننساهه الك وما قصرت ويانه بشي وجنت احسن عون الي ولاهلي وما الكه احسن منك ف اكيد ما ارفضك انت وين اكو منك؟
علي:شهالحجي خايبه انه هم اخجل تراا هههههه يروحي
وطن: اوك ما احجي بعد حته لتخجل😂
علي:يلا انه استرخص رجاب وراي خطوبه لازم احظر نفسي😉
وطن:اوك اوك هههه

علي:هسه الگاع ما سايعتني من الفرحه واخيراً اخذت الموافقه منها معنو جنت خايف ما راح تحبني وتهتم لمشاعري بس طلع العكس والحمد الله

صار وقت العشه كلمنا عشه وكعدنه سوه بعد العشه

علي:خاله عندي وياج موضوع
رحمه:عيون خالتك كول؟
علي:من بعد رخصه الوالده انه اريد اطلب ايد وطن منج
رحمه:يمه وين نلكه احسن منك اكيد موافقه بس وطن يمه انتي شنو رايج موافقه؟
وطن:هزيت رأسي بمعنى ايي و كامت شهد تهلهل ههههه الخبله خجلتني بالزايد

بدوو يحظرون بموضوع الخطوبه وطلعنا للسوك اني وامي وشهد وعلي اختارينه ذهب شوي شغلات بسيطه طبعاً احترماً لابوي ما سوينه حفله بس عقد قرآن بسيط وصور وترتيبات قليله

بعد يومين اجه يوم الخطوبه كلش فرحانه ولو اتمنى بهاللحظه ابوي وياي 😔💔

عقدنا عقد شيخ و وره كم يوم عقدنا بالمحكمه اما عن الزواج ف احسن شي بعد سنتين لانو اني وراي دوام بالكليه و منا على ما علي يكون نفسه اكثر يلا نكدر

سجلنا بالكليه اني وشهظ اخذنا علي وكملنا تسجيل اني صيدله وهي تحليلات مرضيه نروح سون ونرجع سوه مثل السايق

تسريع الاحداث....
مر سنتين على خطوبتنا واجت نهايه امتحانات المرحله الثانيه وقررنا نسوي عرس بسيط طبعاً علي بهالسنتين خطيه ملتهي بشغل البيت و كون نفسه وجاب غرفه وهالتجهيزات مال العرس واشتريت كومه ملابس ومكياجات وهذي التحظيرات مال العروس وهالسوالف كدرنا نخلصهن بين فتره وفتره نرتب شي بالغرفه صارت فدشي

حظرنا للعرس عزم علي اصدقائه وقليل من اقاربهم وبعد تعب وهوسه الحمد الله كمل العررس على خير جان عرس مرتب وبسيط واخذنا صور فدشي عند المصور وامي جانت حيل فرحانه لانو متلكه نسيب احسن من علي وهمام جان لابس قاط مثل علي اللي يشوفه يكول اخو علي فدوة يخبلون

ولحد هنا تنتهي رحلتيي ومعاناتي والحمد الله رب العالمين دوم يجبر كسورنا ويداوي جروحنه.

النهايه♡