💕أنت قلبي٢💕

الحلقة ٤٣

#انت_قلبي٢
#بوسي_مصطفى
_______________
الحلقة ٤٣

في الشقة الجديدة.
اسر : ها يا سيف ايه رأيك؟
سيف : كويسه يا عمي.
نظر اسر ل كمال.
اسر : وحضرتك يا استاذ كمال
ايه رأيك؟
كمال : المهم اللي هيعيشوا فيها
ههههههههههههه
سيف نظر ل مليكة اللي كانت فرحانه بالشقة.
مليكة : هي تجنن يا بابي بصراحه.
نقفل المكان دا وهنا اللفينج روم.
وهنا نعمل مطبخ محندق كده على قدنا.
وهنا بقى....
يقاطعها اسر : حيلك حيلك
وسيف ايه ملوش رأي في التقسيمه بتاعتك دي
ههههههههههههه
سيف : براحتها يا عمي
لازم الشقة تتعمل على ذوقها.
مليكة بهمس : حاساك بتتريق.
سيف : هتريق ليه يا مليكة
ما هو لازم الشقة فعلاً تتصمم ويتعمل فيها كل حاجه
على ذوقك انتي.
مليكة : على فكرة أنا مقصدتش حاجه.
بس فرحانه بالشقة عادي يعني.
لإني لاقيتها زي ما رسمتها في خيالي.
سيف : اوك.. اللي تشوفيه يا مليكة.
مليكة : انت زعلان ولا فرحان
دلوقت؟
انا مبقتش فهماك.
كمال بيتكلم مع اسر..
وبعدها قرروا ينزلوا ل صاحب العمارة يتفقوا معاه.
________________

في التليفون📞
ملك : حاضر يا مامي بس لما بابي يرجع هقوله.
هايدي : ملك انا جايه في الطريق
وانتي عارفه لا ينفع ادخل جوه ولا هفضل واقفه
بره عقبال ما بابي يرجع وتاخدي منه الاذن.
اتصلي بيه ولا اقولك انا اللي هكلمه.
ملك : بس هروح مع حضرتك وارجع في نفس اليوم
مش هبات.. ها؟
هايدي : براحتك يا ملك
انا قولت أخرجت واشتريلك اي حاجه تحبيها بمناسبة نجاحك
لو مش عايزة خلاص.
ملك : مامي انا مقصدش ازعل حضرتك بس علشان
مش عايزة اتأخر واضطر ابات لإن بابي هيزعل.
هايدي : وايه اللي يزعله يا حبيبتي؟
هو انتي هتنامي في الشارع؟!
ملك : لأ.. خلاص يا مامي
انا هكلم بابي.
هايدي : طيب بس متتأخريش
وردي عليه بسرعه.
ملك : حاضر.. سلام.
قفلت ملك مع هايدي..
ملك : وبعدين بقى؟
انا مبقتش طايقه الراجل ده.
وبعدها تتصل ب اسر اللي يسمح لها بالخروج بشرط
إنها ترجع قبل الساعة عشرة مساءً.
_______________
في فيلا مراد
نورهان : امممم اللحم دايب ياامل.. تسلم إيدك.
امل : ب ألف هنا وشفا يا نور.
ليلى جايه من الجنينه.
نورهان : تعالي يا ليلى دوقي
اكل طنط امل.
ليلى : تسلم ايدها.. انا شبعانه..
بعد إذنكم.
وطلعت ليلى فوق.
نورهان : هو في ايه حد زعلها؟
شادي جاي من بره.
شادي : سلام عليكم.
يرددوا : وعليكم السلام.
نورهان : ازيك يا دكتور؟
شادي ببتسامة : الحمد لله
يا عمتو.
أمل : انت لسه جاي ؟
شادي نظر ل الخلف.
نورهان : هههههههه
مامي بتسألك انت.. هو في حد غيرك؟!
شادي : لأ بس انا داخل قدامهم.
امل : اصل فكرتك جاي من شوية وكنت قاعد في الجنينه.
شادي : لا لسه جاي وداخل قدامكم اهو..
هطلع اغير هدومي.. بعد إذنكم.
وطلع شادي فوق.
نورهان : مالك يا امل بتفكري في ايه؟
امل : ياترى ايه اللي مزعل ليلى؟
نورهان : اكيد مش شادي يعني.
امل : نعم!
نورهان : هههههههه
اصل واضح اوي انك كنتي فاهمه غلط.
امل : مش فاهمه منك حاجه.
نورهان : شادي وليلى.
امل : مالهم؟
نورهان : يعني شايفه إنهم ميالين لبعض.
امل ببتسامة : وانا كمان حاسه ب كده.
نورهان : طب ايه؟
امل : ايه مش فاهمه؟!
نورهان ببتسامة : م تقولي ل هشام خلينا نفرح بقى.
ولا هتقولي نفرح ب اخوه الكبير الأول..
خلاص الحاجات دي بطلت من زمان..
امل : هشام مش فاضي اليومين دول بيأسس شركته.
وشادي لسه بيدرس زي ما انتي عارفه.
يبقى ملوش لازمه الاستعجال
وبعدين هو مقاليش حاجه علشان اتكلم.
نورهان : مش يمكن خايف من رد فعلكم.
امل : ويخاف ليه انا عمري ما هجبره على حاجه
هو مش عايزها وكمان مش هقف قدام سعادته
وموافقه على أي خطوة هو حابب ياخدها دلوقت
حتى لو سنه صغير..
بس انا بقول وجهة نظري وفي الاخر هما هيعملوا اللي يريحهم.
نورهان : على رأيك
هو حد بيقدر يتكلم معاهم
بدر كمان طالعلي اليومين دول عايز اسافر.. عايز اسافر.
وعمر موافقه وانا قلبي مش مطاوعني اسيبه يسافر
ويبعد عني.
امل : انا كنت زيك بس لما هشام رجع ومكملش دراسته زعلت اوي
سبيه يعمل اللي هو عايزة يا نور
علشان مبيرجعش يلومك
سبيه يجرب.
نورهان : يعني لو شادي حب يكمل دراسته خارج
مصر هتوافقي؟
امل : اه عادي.. وايه المشكلة؟
نورهان : وبالنسبة ل زينة؟
امل : لأ زينة لأ.
نورهان : اشمعنه؟
امل : مينفعش يا نور
إلا إذا أنا روحت معاها بقى
ههههههههههههه
وبعدين زينة لسه بدري اوي عليها.
نورهان : بدر عايز ياخد اخته كمان معاه وهي موافقه.
امل : معرفش بصراحه يا نور بس لو هتبقى مطمنه
عليها هناك
مفيش مانع إنها تسافر
ولو إني مكانك هخاف بصراحه.
نورهان : ما هو دا اللي محيرني
هطلع اطمن على ليلى.
امل : اوك..
___________