مروة : ريم نوضي
ريم : بتعب.ماما خليني نرقد مزال
مروة : شني مزال نوضي الثمانية إلا ربع نوضي
ريم : نوضت بسرعة.ووك عليا خيرك منوضتنيش من بكري توا بنصل مآخر نبي ساعة باش نوتي روحي ساعة كاملة
مروة : شن بنديرلك نوضي واتي روحك
ريم : وأني نايضة.وين دعاء وميس
مروة : رفعهم وليد من بكري ومشو يافالحة
ريم : طلعت ماما من الدار نضت ضميت الدار ولبست حوايجي وطلعت من الدار القيت حسام كيف بيمشى للعمل
ريم : حسام تواصلني للجامعة
حسام : باهي واتية
ريم : أيه هيا بسرعة نمشو قبل لا نتأخر على الجامعة
مروة : أستني أفطري
ريم : توا ناكل شورما في الطريق
مروة : راك تنسي فلوسك
ريم : حاضر
حسام : باهي هيا بسرعة عندي عمل
ريم : تباهي وأنت منفاخهم
حسام : أحترمي نفسك
ريم : حاضر خوي الكبير
حسام : هكي نبيك
ومشينا وطول الطريق متكلم حد وقفنا قدام مطعم جبلي شورما ومالفي وكوكتيل وهوا خدا قهوة
ريم : شديت خدوده لين ولوا حمر.سلم خوي
ولع السيارة وطلع
حسام : كولي بسرعة قريب نوصلوا.نشبحلها وفمها معبي معش قدرت إنشد ضحكتي وبديت نضحك
ريم : شن فيه يضحك.نتكلم وفمي معبي هاذا علاش خلاه يضحك أكتر
فمي معبي بالماكلة.علاش تضحك قولي
حسام : نفتح في المريه.شوفي روحك في المريه
ريم : نشبح في روحي في المريه بديت نضحك.هههه شكلي مضحك
وصلنا قدام الجامعة
حسام : شاد الدومان وقارن حواجبه.هيا أنزلي عطلتني
ريم : تشبحله بغضب.باهي وأنت متاعرف تبتسم وتقول مع السلامة موفقة يا أختي العزيزة
حسام : فنصت فيها.باري منيش فاضيلك
ريم : فتحت الباب.باهي بااي.كيف جاية بننزل حسيت بحد شدني من أيدي أنخلعت
حسام : ضحكت عليها.خيرك أنخلعتي خودي فلوسك راك تنسيهم
ريم : عيطت بسوط واطي.مبردك خلعتني هاتهم جاي بااي.ونزلت
_____________
خشيت مشيت لشهد صحبتي المفضلة معاي في نفس الفصل نقروا معا بعضنا من صف لأول
ريم : قعدت أندور في شهد إلقيتها مقعمزة جيت من ورها وخلعتها.بوووووووووووو
شهد : أني مقعمزة نتأمل في السماء جيت ريم خِلعتني.باردة صامتة خيرك خلعتيني
ريم : نضحك عليها.شن بندير كلمتك مردتيش
شهد : مش تخلعيني
ريم : مطرمة شوربها.باهي أسفة هكي أحس
شهد : بنضرة إستفزازية.تمام التمام
رن الجرس وبدو الطلبة يخشوا
ريم : شديت شهد من يدها.هيا نمشو بسرعة
شهد : الزوز نجرو.باهي باشوية
وصلنا الفصل خشينا بسرعة ونتنافسوا من كترت الجري
لأبلة : بغضب.وين كنتو لتوا
ريم : وين كنا يعني كنا في الساحة
لأبلة : فنصت فيها بلا تلقيح زايد
ريم : أسفة أسفة
لأبلة : مش مسامحاتك أنتي ويها برو للمدير
شهد : بخوف.لا بلاهي عليك
لأبلة بنضرت أنتصار.لا
ريم : حتي أني خايفة.لا و راس أمك نشلاء تحجي
لأبلة : مستغلة الفرصة.لا يعني لا
ريم : بديت نبكي درتلها النضرة البريئة.بلاهي
لأبلة : بنضرة مخيبة للأمال.باهي خلاص وأنتي نفاختيهم.في سرها.فازت عليا الفرخة
شهد : فرحانة.يااااااي
لأبلة : بغيض باهي خشو بسرعه قبل ما نغير رايي
ريم : لا لا خلاص خشينا
خشو وهما يجرو
لأبلة : في طالب زفت جديد بينضم للشلة
الفصل كله قعد يضحك وبعد ما فهموا شن تقصد وقالوللها شني وهيا تضحك
لأبلة : ياسر تفضل ياطالب
خش الطالب الفصل كله أنصدم من جماله وريم كانت صدمتها كبيرة
ريم : ناضت من المقعد تعيط.هاذا أنت شن جيبك هني
_____________________
طق طق طق طق
حسام : مقعمز علي المكتب شاد وراق.مني
أيوب : خش بسرعة.عندي خبر مهم
حسام : بي برودة.شن فيه
أيوب : بغضب.مهند
حسام : خيرة الزفت
أيوب : ولا مهند
حسام : ناض من الصدمة أنخبط في الحيط. النم شن جيبه هني
أيوب : والكارتة أنه مشى الجامعة نفس جامعة ريم وحسب المعلومات أنه سجل غادي وبيقرا في نفس فصلها
حسام : يعيط ويخبط. مهند ياحقير....يتبع
_____________________________________
أنتهي البارت😍
أن شاء الله يوم الأحد توا نزل بارت جديد
بنقوللكم (شن توقعاتكم من هوا مهند وشن قصته أكتبولي توقعاتكم في الكومنت) نتلاقوا في البارت الجاي❤️❤️❤️
سلام♥️
