سجينة النهوى

بارت ٢٢

بنات حسابي MiMi__999
هذاكه راح لااسف وهنا حكمل القصة .

دااصرخ واحد منهم اجه سد حلكي وخله المسدس براسي .. اجا الثاني كاله لك عوفهه هو كال اكتلوا بس علوان وكتلنا عوف البنية ترة هي حتى ماشافت وجوهنه

جاوبه ولك هسه بس نطلع تصرخ وتفضحنه ؟

اضربها على راسها تفقد الوعي وخل نفلت

كل هذا واني احس راح اختنك ودموعي غركت ادين الولد .

وصدك ضربني على راسي بالمسدس فقدت الوعي وماحسيت بشي بعد ابد .

لمن كعدت شفت الشقة مخبوصة الشرطة وناس

كعدت اريد اصحصح وافكر ماكدر

اجه رجال يمي ..
كال لكينه تليفون وطلعنه من ارقام واحد منهم اسمه علي ابن اخوي وخابرنه عليه وهسه جايين هم ..

بقيت مصدومة اريد اتذكر شصار اخر مرة ماجاي اتذكر ظليت اعصر بعيوني عصر اللتفتت شفت فد شي مغطى ويمه دم هوايه عبالك بحيرة

تذكرته هذا بابا قبل مدري شكد قتلوا انهاريت وصدمة عمري وحياتي مسيطرة عليه

مات وماساعدني مات بعد ما دمرني دمار
مااعرف شون مرت الدقايق جان الوقت عصيب كولش
مهما يكون هذا ابويه مو حي الله شي صح اذاني ودمرني بس صعبة ينكتل كدام عيوني حييل صعبة

اجو عمامي اخذوني للمركز ادليت بافادتي حجيت الي شفته والي صار ،،، وبعدها اخذني علي للمستشفى راسي مفتوح بسبب الضربة ويحتاج خياط

بعدما خيطولي راسي واحنه دنطلع من المشفى حسيت بملابسي تنكعت من جوا

والم داهمني واستفحل بيه باسفل بطني

عطت علي جان يمشي قبلي

لزمت بطني ووكفت بمكاني

رجع عليه شبيج شبيج مشاعر

لازمة بطني وميله روحي واباوعله بتوسل
علي علي حيوكع الطفل

...... هو انصدم طفل شنو مشاعر ولج شتقصدين

بنظراته جانت صدمة وخيبة .....

.....ممصدك هو ابد ابد

.....وكعت بالكاع ،، بدون وعي كلت هيج وحجيت عن الفضيحة الي ابطني ....

..... الالم موتني تموووت يربي ارحمني

رجعني علي للمشفى لقسم النسائية فحصتني طبيبة .....

...... هو جان واكف يمي حجيتلها كتلها اني حامل

بس اسمع حسراته الي جانت عبارة نار وغضب .....

......الدكتورة كالت عادي الطفل متحرك

وهسه حنطيج ابرة تثبته وروحي لدكتورتج باجر .....