💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )

👑الحلقة 12: القســـ4م👑

هذا الرجل ابوك 💚💙
🎆⭐الحلقة الثانية عشر : القسم 4 🎆⭐
💙💚
دق ناظم الباب ودخل "بوڨوص ...وينك "
"شنوة ناظم ...ها البيرو عملتو صنعة "
قعد " قلبي ما يعطينيش ...مانشوفكش نهار كامل "
"امممم...صاحب واجب والله "
جبد ورقة من دوسي بحذاه وقعد مركز فيها " بارشا خدمة مالا سي احمد "
خزرلو " موش كيف بارشا ناس مشبعة عينها بالعارضات "
"على ذكر العارضات .....العارضة متاعك ...موش قتلي عمرلها كونجي ...علاش رجعت ليوم "
عقد حواحبو " تولين "
"وهي فمة غيرها ماكلة قلب خويا "
"تقصد جات لهوني ولناز ..."
"ايه ...وبدات تخدم مع جيهان والجماعة "
حل فمو وقعد باهت ...معقول تعملها وتجي ...وعلاه ماقالتلوش ...نرمال بعد ايلي صار لبارح ...تجي تخدم وكاينو ماصار شي ...جاه تاليفون قص عليه بهتو "الو "
"سي احمد...فمة عارضة اسمها تولين تحب ..."
"خليها تدخل "
بهتت السكريتيرة من وقتاش يقبل العارضات ، ڨحرت لتولين " سي احمد يستنى فيك "
تبسمت و مشات للبيرو ، خزر لخوه "ايا برا شوف خدمتك "
"علاه ...خنبقى شوية ...شكون ايلي جاي باش يقابلك..وانت جرايرو باش تخرجني "
دخلت توبين لقاتو يدز في خوه باش يخرج ...صفر ناظم كي فهم الحكاية " ايوااااا...صار تخرج فيا وبالقوة على جالها "
عقدت تولين حواجبها ...ماكنتش متوقعة انو خوه معاه والا كانت اجلت كل شي لين تروح للدار .
دزو وسكر الباب وراه خلاه يتلفت على اجنابو "باهي ان شاء الله ينفع "
خزر للسكريتيرة ايلي حلت فمها فيه ومن لعب الصغار متاعو هو وخوه "شفمة !؟..."
حطت راسها في اوراقها و عملت روحها لاهية في خدمتها .
ثبت احمد في تولين باهت " ياخا ...لواه رجعت توا للخدمة موش على اساس ...تزيد ايامات اخرين "
"سي أحمد ....انا رجعت ...لقيت روحي في كونجي ...و توا ماذبيا نحبسو ونرجع لخدمتي ...جيتك باش تصححلي في ها الوريقة "
"سي أحمد.!!!" استغرب من الجدية ايلي تحكي بيها تقول ماتعرفهوش
مدتلو الورقة ،خذاها وهو حال فمو فيها " تحب نصحح " بلع ريقو " الله يبارك ...مدموازال تولين ...نصحح ..وباش نطبعلك فيها زادا ...اش قولك موش خير "
"يعيشك ...سي أحمد "
عاودت خذات منو الورقة اما ماتعرفش علاش جات لبالها ليلة البارح ،عضت على شفايفها باش ماتنساش روحها "يلا نخليك "
"تولين "
"نعم "
"ديجا ...قريب يكمل وقت الخدمة ...خلينا نخرجو "
"لا ...سي احمد يعيشك ...تو ناخو تاكسي "
غمزتو وخرجت ...شبيها هاذي تتصرف هكا ...لها الدرجة فمة بشر ع الكرة الارضية قادر يفصل الاومور الشخصية والخدمة بها الطريقة كيف ماعملت هي !؟...اتكى على كرسيه ...ايه ....قاعدة تحط في بارشا ديون على اكتافك تولين ...وتتصرف تقول ما كان ولا صار بينا شي ...اما كيف نروح يتبدل الكلام .

✴✴✴✴نهاية الحلقة الثانية عشر ✴✴✴✴