💕أنت قلبي٢💕

الحلقة ٤٦

#انت_قلبي٢
#بوسي_مصطفى
______________
الحلقة ٤٦

في شقة عمار..
داخله ياسمين ب الحاجه الساقعه.
وقف هشام وقرب اخد الصنيه منها..
وهشام وعمار متفاجئين.
ياسمين ناظره في الأرض من الخجل..
هشام : ازيك يا ياسمين.
ياسمين : الحمد لله.
هشام : مش قولتلك غرضي شريف.
ياسمين : نعم!
هشام : انتي هتتخانقي معايا هنا كمان؟؟!
بقولك ايه روحي اقعدي جنب باباكي.
خلينا نقول الكلمتين اللي جايين فيهم ونخلص.
ياسمين : لا انا همشي.
هشام : تمشي تروحي فين استنى هنا.. ياسمين!
انتي يا...
وسكت ومكملش لإنها كانت خرجت.
نظر هشام (الأب) ل عمار ببتسامة.
تعالي يا هشام.
هشام يقدم الحاجه الساقعه قدامهم ويقعد.

ياسمين بسرعة تدخل اوضتها وتقفل الباب وتحاول
تلتقط أنفاسها..
كانت وفاء قاعده على كرسي المكتب.
ياسمين تلمحها.. و تتفاجئ.
وفاء : هههههههههههه
ايه مالك؟
ياسمين بتفتح شباك الغرفة.
عايزة اشم شوية هوا.
وفاء : للدرجادي
ههههههههههههه
تاخد ياسمين كوباية مياة وتشربها كلها.
وفاء : انتي ريقك نشف للدرجادي؟!
ههههههههههههه
ياسمين : أنا لو داخله امتحان كانت اعصابي هتبقى
اهدا من كده.
شوفي يا ماما.
وفاء تمسك ايدها تلاقيها بتترعش.
وفاء : يا حبيبتي.. ليه كل دا؟!
ياسمين : معرفش..
بس حاسه ان قلبي بيتنطط من الفرحه وفي نفس الوقت خايفه ومرتبكه.
ومعرفش امتى وازاي علشان حبني وجه يتقدملي
كمام
ممكن يكون دا حلم صح؟
وفاء : لأ حقيقة..
واللي قاعد بره دا جاي يطلب ايدك من باباكي.
ايه رأيك بقى؟
ياسمين : هما لازم يعرفوا رأيي؟
وفاء : هههههههههههه
امال هيعرفوا من مين يا ياسمين؟!
ياسمين : لأ اتكسف.
وفاء : هههههههههههه
عمار يخبط على الباب.
ياسمين ب ارتباك : دا بابا!
وفاء : يا حبيبتي اهدي في ايه؟؟
ههههههههههههه
ادخل يا عمار.
عمار ببتسامة : سلام عليكم.
يرددوا : وعليكم السلام.
عمار : اظن انتي عارفه انا جاي
اقولك ايه يا ياسمين؟
وفاء : هههههههههههه
بلاش تكسفها بقى
هي خلاص قالتلي كل حاجه.
عمار : قالتلك ايه؟
وفاء تغمز ل عمار اللي يقرب منها وتهمس ليه وتقوله
إن ياسمين موافقه بس مكسوفه.
عمار ينظر ل ياسمين ببتسامة :
الف مبروك يا ياسمين.
ياسمين بخجل : على ايه يا بابا؟
ينظر عمار ل وفاء..
وفاء : هههههههههههه
معلش يا عمار عديها
مكسوفه بقولك.
عمار : يعني اطلع اقولهم عروستنا موافقه ولا تفكري شوية؟
ياسمين : اللي تشوفه يا بابا.
عمار ببتسامة : طالما اللي اشوفه يبقى انا عرفت دلوقت هعمل ايه.
وخرج عمار من الغرفة.
ياسمين : هو بابا هيعمل ايه؟
وفاء : هههههههههههه
هيقولهم رأيك.. مش انتي موافقه طبعاً ولا بتشاوري عقلك؟

عمار خرج اتكلم مع هشام.
وقاله يعطيه وقت علشان يعرف رأيي ياسمين
في الموضوع اللي اتكلموا فيه.
استأذن هشام  وخرجوا.
________