#ماضي_لا_ينتهي
#بوسي_مصطفى
______________
الحلقة ٦٣
في شقة مروان...
مروان : ما هو لو كنتي جيتي معايا مكانش الولد وقع واتكسرت رجله.
حياة : تقصد ايه يا مروان
يعني انا ام مهمله وسيبت ابني
يلعب لحد ما وقع من على السلم
يعني هو لو رجعنا مع بعض
وحب يجري على سلم العمارة هنا ووقع ورجله اتكسرت
قدام عينك كنت هتقول الكلام دا؟؟!
مروان : انتي مش عارفه شقاوته
مخلتهوش قاعد جنبك ليه
ولا لازم الجري والتنظيط
على السلم؟؟!
حياة : وهو عند مامتك بيعمل ايه؟؟
ولا انت متعرفش ابنك..وانا بس السبب في اللي حصله
علشان كان معايا!!
مروان : خلاص يا حياة
ياريتني ما اتكلمت.
حياة : خلاص ايه!!
انت بتلومني وترجع تقولي خلاص!!
مروان : تصبحي على خير.
حياة : مالك يا مروان؟
مروان : عندي مشاكل في الشغل.
حياة : ايوه يعني المشاكل دي
انا وولادك ايه علاقتنا بيها؟؟!
مروان : خلاص يا حياة انا مقولتش تحليها..
خلي بالك بس من البيت والولاد
تصبحي على خير.
حياة : وانت من أهله.
____________
رانيا واقفه فوق قدام الشقة ومنتظره هيثم..
اللي كان تحت عند مامته.
هيثم : سلام عليكم.
رانيا : وعليكم السلام.
هيثم : ايه اللي م وقفك هنا
يا رانيا؟؟
رانيا : مستنيه حضرتك.
هيثم وهو داخل جوه : وحضرتي جه ممكن تدخلي بقى.
رانيا : كنت بتعمل ايه تحت؟؟.
هيثم : لما سؤالك يبقى بصيغه احسن من دي
ممكن ساعتها اجاوب.
رانيا : نعم!!
هو انت مش لاقي حجه ولا مبرر ولا إجابه اصلا
ل السؤال فعايز
ايه بقى.. تقلب الطربيزة صح؟؟
هيثم : لا مش صح
تصبحي على خير راجع تعبان ومحتاج استريح.
رانيا : هو انا كل اما اكلمك تقولي داخل انام!!
في ايه يا هيثم امال مفروض اكلم مين؟!!
أكلم الحيطان!!
هيثم : يعني انتي عايزاني اقعد ادردش معاكي وانتي ضاربه البوز ده؟؟!
رانيا : امال ازغرط وانت بترجع كل ليلة بتقعد تحت ب الساعة والاتنين ولا على بالك.
هيثم : فين دا
هي ليلة اخدت أكرم ل الدكتورة
وليلة تانية ذاكرتله واتأخرت شوية.
والليلة رجعت لاقيت ماما تعبانه قعدت
لحد م السكر بتاعها اتظبط وأكلت لقمه ونامت.
رانيا : اه يعني كنت قاعد مع مامتك؟؟
هيثم : امال هقعد مع مين
يا رانيا؟؟
ولولا اللي انتي عارفاه طبعاً كنت
بيت عند ماما تحت.
رانيا : اه وماله غير هدومك وانزل بات تحت..
بس يا ترى هتلاقي اوضة تنام فيها؟؟.
هيثم : بلاش تلمحياتك اللي ملهاش لازمة دي
علشان انا كلامي واضح ومش محتاج اسمع الكلمتين دول من حضرتك.
رانيا : هو انا لما اقول كده يبقى
كلامي ملوش لازمه؟؟.
هيثم : رانيا انا واخد باله وفاهم كل حاجه.. ياريت تريحي نفسك خالص.
انا مش عيل صغير علشان الحصار اللي عملاه عليه ده!!
رانيا : لما اخاف على بيتي واقف قدام أي حد عايز
يهده يبقى
عامله عليك حصار يا هيثم؟؟!
هيثم : عارف.. بس طريقتك واسلوبك دا هما
اللي هيخلوني اطفش
تصبحي على خير.
واقفه رانيا وبتتكلم مع نفسها..
و دا هيطفش يروح فين؟؟
يكونش عايز يطفش علشان يقعد تحت؟؟
هيثم من جوه : رانيا تعالي نامي وريحي دماغك
دي شوية.
رانيا : حاضر.. جايه.
_______
أنت تقرأ
ماضي لا ينتهي
أدب نسائي_______المقدمة ________ سرعان ما تمر الأيام وتمضي السنين. القصة تتحدث عن خمس أبطال لقصص قديمة دمجتهم مع بعض نبذة مختصرة عن ماضي كل قصة معانا :_ 💓ندى ومازن ندى من أسرة بسيطه احبها شقيق مازن الدكتور يوسف ولكن بعد معرفته بحب أخيه البشمهندس مازن ب...
