#حرب_المشاعر
💘الحلقة 17💘:
حبس أنس الطوموبيل قدام الدار ...كان حا يهبط اما حياة زربت شدتلو يدو و نطقت
حياة : خليني نهدر معاها و نتا ارجع لعند نور متخليهاش وحدها
أنس: اوكي كيما تحبي ...شدلها يدها و دورها ...باسها على كف يدها
المهم عندي أنو رانا مع بعض ....مدابيا نسرعو فالزواج هاا؟؟
حياة : فكرة مليحة ...و نديرو حفلة صغيرة بيناتنا برك أنا و نتا و ماما و نور و فؤاد
أنس: كيما تحبي لمهم تكوني معايا الباقي ميهمش وجودك جنبي أهم عندي
قرب منها و حط جبهتو على جبهتها مغمض عينيه ...يشم فريحتها و يستغل كل لحظة معاها...جبدت روحها منو ..
حياة :تصبح على خير
أنس: ونتي بخير
خرجت بعدما غلقت الباب ....وهو تنهد و ديمارا بعدما شافها دخلت
عند نور ...
بعدما فتحت الباب لقاتو قدامها بشحمو و لحمو ....ماصدقتش عينيها ...رمشت عينيها ورا بعض كثر من مرة ....اما فيقها صوتو
ليام : أهلا نور
شعلت عينيها فيه ...بأي جرأة جاي ؟؟؟ ولا خليني نقول بأي وجه راجع تقابلني فيه !!!، مدابيك تروح منا خير ما يجي أنس و يدقدقلك عظامك و يكسرهم
لاح يدو باش يمس خدها أما هي تراجعت للور
ليام : بلا ما تكابري نور نعرف انو توحشتيني أما قاعدة تكابري
بإستهزاء ...نور : واثق من روحك!!!
غمزها ليام : واثق من حبك ليا
وجهها رجع حمر من الزعاف ... تخمم فالكلمات لي ترد بيهم عليه ....لمحت آدم جاي جيهتهم
زربت جرات لعندو و حضناتو قبل ماينطق و لا يدير ردة فعل همستلو في وذنو
نور : جاريني
بعدت منو تترجاه بعينيها ...شدتلو يدو و كركراتو وين واقف ليام
نور : نعرفك بخطيبي آدم
مرة أخرى قبل ما ينطق و لا يستوعب زربت باستو من شفافو بوسة خفيفة لتأكدلو صحة كلامها
شاف فيه من لفوق لتحت ..
ضحك... ليام : خطيبك ؟؟؟
نور : إيه عندك شك ولا حاسب راح نقعد نبكي موراك و نحبس حياتي علاجالك
حس آدم بيد نور لي ترجف بين يديه و ووجهها الحمر لي راح يطرطق ...
آدم : كيما سمعت نور خطيبتي و قريب راح تولي مرتي ...قرب لعندو يحكي بصوت هادي و فنفس الوقت يهدد فيه
آدم : الأحسن ليك ...مانزيدش نشوفك دور بيها و إلا راح تلقاني قدامك
دار لعند نور
ليام : مقنعتونيش صراحة ...المهم نور نقاشنا مراحش يخلاص هنا راح نتقابلو مرة أخرى ...مهما نكرتي أما مزال كاين حاجة تجمعنا لزوج كمل كلامو و دار رايح
زربت غلقت الباب موراه ...حطت يدها على قلبها تتنفس ..قرب منها
آدم : أنتي مليحة
نور :إيه مليحة ...منعرفش كيفاه راح نشكرك
حتى مقبيل مقدرتش نشكرك
آدم : العفو ...مقبيل كان الجو شوية مشحون . ..محبيتش ندخل فأموركم ...أما تقلقت عليك ..و جيت نطمن عليك
نسألك سؤال ...هدا !!!
نور: طليقي و أب فؤاد ...معلاباليش علاه رجع ..حتى فؤاد ماشي مستعرف بيه...أكيد عندو مصلحة من رجوعو و مع الأيام تبان
آدم: إذا رجع ضايقك قوليلي نفرجك فيه
نور : لا ماشي حابة مشاكل الأفضل تقعد بعيد...و حابة نطلب منك طلب
آدم: أكيد اطلبي
نور : ممكن ماتخبرش أنس .. مانيش حابة يلتها بيه و يدخل روحو فالمصايب
آدم : أكيد كيما تحبي ...أما متتردديش تطلبي المساعدة مني إذا رجع ضايقك ...تلقايني فكل وقت
نور : أكيد نشكرك مرة أخرى
آدم : راني رايح تولهي لروحك ...سلام
نور : سلام
أنت تقرأ
حرب المشاعر {من تأليفي Macilia Ch}
Randomهل يجتمع الحب و هوس الإنتقام في آن واحد ؟؟ عقل مريض يقوده مهووس للإنتقام أم سيتغلب الحب الذي تسلل إلى قلبه خفية لتثور داخله حرب مشاعر بين قلبه و عقله و يا ترى من سينتصر في النهاية؟ (باللهجة الجزائرية ) {من تأليفي Macilia Ch} بدأت في أفريل 2019 إن...
