السلام عليكم
ملاحظه قبل لا ابلش ....
الي متابعني من قبل راح يعرف وين واصله بالقصه والي ما يعرف بدايت القصه خل يكتب *تزوج الارضاء جدتي* وراح تطلعه القصه يقراه وهنا راح يكون الجزء الثاني وتمنه تكتبون الي تعليقاتكم وتصويت ودعم الي يكون بهذا الحساب هذاك توقف 🙁😘
قراءه ممتعه
بقينه اسبوعين بالبستان وبعده كلمن رجع لبيته بره اسبوع اجوي بيت عمي سعد طلبو ايدي وايد ازل ابويه ما عارض بس خله الموافقه بدينه اني توترت وكمت طلعت من الغرفه ورحت للمطبخ طلعت مي وبقيت اشرب شويه واجت رولا
رولا ' شبيج
غزل ' مابيه شي تردين مي
رولا ' اي بس ليش متوتره
غزل ' مابيه شي
انطيته مي شربت ورحنه للغرفه بقو يسولفون شويه وراحو امي حجت وياي وكالت
خوله ' تلث ايام تفكرين بيهن واريد الجواب منج لو اي لو لا تمام
غزل ' تمام
خوله ' روحي جهزي العشه ويه اختج
رحت يم ازل وبقيت اشتغل وياه خلص اليوم عادي بره تلث ايام ردينه الموافقه حددو موعد الخطوبه يوم الخميس خالاتي اول ما سمعن الخبر اجني البنات ساعدنه بالشغل البيت وبقينه نجهز اني و ازل رحنه الام صالون حفينه وحجزنه بدلات يوم الخميس كعدنه من الصبح تريكنه ورحنه للصالون بلشت بينه لبست البدله علئ كصت القلب حلوه مخصره من الخصر ومن جوه كلوشه لون بصلي ازل لبست فستان لون سمائي بعده اجه احمد اخذنه للبيت اول ما وصلنه الهلاهل والجكليت علينه شغلن الديجي وبقن يركصن شي نص ساعه كالو اجه العريس اني بطني تقلصت وتوترت كومني وخلني وره الباب وبقه الشيخ يحجي وياي حد ما كلت
غزل ' نعم وانته وكيلي
هلهلن وبعده صار دور ازل هم نفس السالفه بعده طبو عليه لبسونه الذهب وسوينه كل العادات وبعده راحو كرايبنه كلهم بره الحفله راحو طلبت من حلا تبقه وياي حتئ بشغل البيت قبلت صعدت اني والبنات للغرفه بدلت وفتحتلي التسيريحه حلا بعده نزلنه جوه تعشينه حلا تراهنت وياي انو خالد يخابر بليل بره ال12 خلصنه ضحك وتصنيف وبعده صعدنه نام ستوه شكلت عيوني خابرني خالد
حلا ' ههه يله وين العشره
غزل ' انطيج ياه بس ردي عليه انتي
حلا ' لا عيوني احجي انتي يله ردي
ازل ' غزل ردي اريد انام فدوه
جريت نفس قوي ورديت
غزل ' الو
خالد ' هلو يا حلوه شلونج
غزل ' زينه وانته
خالد ' تمام منو يمج
غزل ' محد اني بالحولي
