🌸 السابقات إلى الجنة 🌸..(الجزء1)

هااا التزمتي وغيرتي حجابك ولا لسه

🍁
✅هاااا التزمتي  وغيرتي حجابك ولبسك وله لسه متردده⁉

📣بصراحه انا خايفه لو غيرت اللبس مره واحده مش هثبت وهرجع تاني.... والله انا نفسي التزم بس خايفه من اللبس المتبرج والمكياج اللي مالي دولابي.. والناس بتقولي طالما حاسه انك هتلبسي وتقلعي تاني يبقي بلاش احسن‼

📣 *اولا* : الانتكاس وعدم الثبات والرجوع للمعصيه مش سببه عدم التدرج ابداااً   الثبات علي الطاعه بيكون بتطبيق الطاعه..
🔸زي ما قال ربنا *"ولو انهم فعلوا ما يوعظون به لكان خيرا لهم واشد تثبيتا"*

◀الانتكاس له اسباب كثيره زي عدم الصدق وعدم وجود صحبه صالحه وعدم تغيير بيئه المعصية وغيره من الاسباب....

🔅 *فأوعى الشيطان يقنعك إن ده مبرر علشان متتغيريش*

📣 *ثانياً*  بدل ماتقولي انا مش هتغير علشان خايفه ارجع تاني زي صحابي....
ليه متدوريش علي الاسباب اللي خليتهم يعملوا كده وتجنبيها⁉

⭕ليه متبصيش للبنات اللي ربنا ثبتهم بفضل الله  وتدوري علي اسباب ثباتهم وتعمليها⁉

◀ *ودوري علي صحبه صالحه اهم حاجه علشان تسعدك علي الثبات.. 💚 دورهم مهم اوي*

📣 *ثالثا* ً لو كان كل الناس نفس التفكير ده مكنوش صلوا ولا صاموا ولا عملو احاجه خالص هيتركوا الدين جملة وتفصيلاً‼

🔸 *كل دي شبهات من الشيطان علشان يصدك عن فعل الطاعه ومتتغيرش*فاوعي تسمعي كلامه* 💪

📣 *رابعا* : خدي بالك كويس اوووووووووووووووي

◀انتي لو معندكيش مبدا وقرار من دلوقتي، هترجعي تاني للمعصيه حتي لو بداتي بالتدريج‼

🔹 يعني لازم تاخدي قرارك من دلوقتي انك هتستعيني بالله وهتقومي وهتجاهدي وهتصبري علي كلام الناس وهكذا...💪

📣 *خامساً* :لازم تعرفي ان التسويف هو سبب هلاك الناس.. !!

◀ولازم تعرفي ان ربنا ممكن يعاقب العاصي اللي عمال ياجل التوبه *بالختم علي قلبه!!!* 😰

🔹 يعني يجي يتوب ميبقاش قادر ومش عايز ويبعد اكثر واكثر  ويقول خليها بعدين كانه ضامن عمره...!💔

◀ وكأنه ضامن الظروف اللي حواليه!! وكأنه ضامن قلبه!!

*﴿ونقلب أفئدتهم وأبصارهم كما لم يؤمنوا به أول مرة ونذرهم في طغيانهم يعمهون﴾*
[الأنعام: ١١٠]

🔹 قال العلماء ( اي : اذا لم يؤمنوا اول مرة يأتيهم فيها الداعي وتقوم عليهم الحجه وتعاقبهم بتقليب القلوب، والحيلوله بينهم وبين الايمان، وعدم التوفيق لسلوك الصراط المستقيم، وهذا  من عدل الله وحكمته بعباده، لانهم هم الذين جنوا علي انفسهم  وفتح لهم باب ولم يدخلوا وبين لهم الطريق، فلم يسلكوا فبعد ذلك اذا حرموا التوفيق، كان مناسبا لاحوالهم، وكذلك تعليقهم الايمان بارادتهم، ومشيئتهم وحدهم وعدم الاعتماد علي الله من أكبر الغلط )

📣 *خلي بالكم اوووووعو تكونوا من الناس دي دي اخطر حاجه علي الانسان...*

📣 اوووعي تقولي مستحيل اتغير دي عاده وانا اتعودت علي كده....❌

⏪يا اختي لقدر الله  لوجالك مرض  حرق او بهاق او مرض في اي عضو في جسمك مش هتغيري لبسك في الحال ومش هتقولي اي حجج وله اي حاجه صح وله لا⁉

*ليه متغيريش لبسك علشان ربنا اللي خلقك.. حبا في الله طاعة ليه وعلشان رضاه⁉*

*قومي قدام المراية وقولي الحمد لله ان ربنا عفاني وجسمي سليم.مش فيه اي حاجه مقطوعه ولا محروقه ولا اي مرض وهداري جسمي ابتغاء مرضاة الله*❤

🌸 يالا انتي فيكي خير كتير انتي بتحبي ربك يالا متخليش الشيطان ونفسك الإمارة بالسوء تغلبك 💪

ربنا يهديكي وتكوني اقتنعتي وتاخدي قرارك في الحال!! 💕

✨