Loving You

SYNOPSIS

Posible ba?

Na ang dalawang tao sa nakaraan ay muling pagtagpuin sa kasalukuyan.

Upang ituloy ang pag-ibig na naudlot dahil sa hindi inaasahang dahilan.

Muling pagtatagpuin ng tadhana ngunit sa ibang katauhan.

Maituloy na kaya nila ang kanilang pag-iibigan sa ikalawang pagkakataon,

O magbabago ang lahat ng ito dahil sa kanilang bagong katauhan.

*****

Hindi malaman ng binatang si Elixer kung bakit lagi niyang napapanaginipan ang isang dalaga. Magmula ng tumuntong ito sa edad na dalawampu't-isa, nagsimula na ang mga kakaibang panaginip niya. Magigising na lamang siya ng may kung anong kirot sa dibdib niya, dahil sa dalaga na laging nasa panaginip niya. Hindi naman niya ito nakikilala, pero pakiramdam niya ay konektado silang dalawa.
Sino ang babaeng nasa panaginip niya? Parte ba ito ng nakaraan niya?

Sa kabilang banda..

Hindi malaman ni Iñaki kung bakit sa tuwing makikita niya ang isang binata, may kung anong kaba siyang nararamdaman sa puso niya. Napapailing nalang siya lagi dahil sa kakaibang nararamdaman niya. Para kasi sa kanya ay hindi ito normal na pakiramdam, ngunit patuloy na lamang niya itong binabalewala. Napapaisip din siya kung dala lamang ba ito ng nangyaring aksidente sa kanya, o may iba pang dahilan?