💕أنت قلبي٢💕

الحلقة ٤٨

#انت_قلبي٢
#بوسي_مصطفى
______________
الحلقة ٤٨

في المساء.. في شقة كريم..
كريم : يا حبيبة قلبي أنا مبقولكيش إنك غلطانه
أنا بسأل ايه اللي حصل لما
نزلتي عند ماما؟؟
ولو مش عايزة تقولي خلاص
بلاش.
فريدة : كريم أنا عارفه إن مامتك كلمتك وقالتلك
فريدة و قالت وعملت..
بس أنا مقولتش أكتر من إنها
عايزة تتخانق معايا
معرفش ليه؟؟!
كريم : ماما هتتخانق معاكي ليه
يا فريدة؟؟
فريدة : خلاص يا كريم انا اللي غلطانه.
استريحت بقى؟؟!
كريم : يا حبيبتي انا بسأل ماما
هتتخانق معاكي ليه؟؟
السؤال فيه ايه  غلط؟؟!
ماما يا حبيبتي ممكن يكون جواها حاجه زعلتها منك..
علشان كده واخده على خاطرها شوية.
فريدة : ايه بقى اللى زعلها مني يا كريم؟؟
اني مثلاً  بت عند حازم
ولا علشان نفسيتي تعبانه شوية
وبدل ما تراعي الظروف اللي أنا فيها..
جات عليه اكتر..
هو أنا مش بني آدمه ومن حقي
اتعب واحسن إني مش قادرة اتحمل وطاقتي خلصت ومحتاجه دعم من اللي حواليه
بدل ما يكسروني ويدمروا نفسيتي اكتر..
جذبها كريم ليه وضمها بكل قوته وهي بتبكي..
كريم : خلاص يا فريدة حقك عليه.
خلاص بقى متعيطيش.
فريدة : استحملني يا كريم
ولو مش قادر ممكن تعزل نفسك
خالص بعيد عني.
كريم : ايه اللي بتقوليه دا يا فريدة؟؟!
هو أنا وانتي ايه؟؟!.. مش واحد.
ازاي بتطلبي مني اني اتعزل عنك..
انتي مش عارفة إنك حياتي ولا ايه؟؟!
نظرت فريدة لكريم وهي بتبكي..
مسح دموعها وهو بيطبطب عليها..
وبعدها طبع قبله على خدها..
ابتسمت وهي مازالت بتبكي..
طبع قبله على خدها مرة تانية
ونظر في عيونها..
فريدة : بحبك يا كريم..
وبتأسف لو كنت انفعلت عليك..
كريم : طب بتبعدي عني ليه؟؟
فريدة : اصل عايزة اطمن إن جميلة نايمه.
كريم : لا هي نايمه.. وسبيها بقى
علشان متصحاش.
جذبها وضمها ليه مرة تانية
و........
________________

في الصباح... في فيلا مراد.
شادي ينزل جري.. وهو بينادي.
شادي : هشام... انت يااستاذ
بتعمل ايه عندك؟؟
كان هشام قاعد في الجنينه سرحان وبيفكر..
قطع تفكيره صوت شادي
اللي بيقرب منه.
هشام يشاورله..
شادي : قاعد عندك بتعمل ايه؟؟
هشام : هعمل ايه يعني؟؟
شادي : انت مش مسافر معانا
ولا ايه؟؟
هشام : ايوه مسافر معاكم ..
بس ايه المطلوب مني مش فاهم؟؟
شادي : تجهز شنطتك يا حبيبي
ولا عايز اللي يجهزهالك؟؟!
هشام : حاضر شوية كده.
شادي : مفيش وقت.
هشام : قولتلك حاضر..
متوجعش دماغي بقى.
شادي : مالك يا هشام؟؟
هشام : قلقان ومش عارف
راسي من رجلي!!
شادي بمزح : راسك اهي
ورجلك تحت اهي..
ههههههههههههه.
هشام : يا سلام على دمك
اللي بينقط عسل دا!!
شادي : هو انت على طول قلقان كده؟؟!
متهمد بقى شوية.. هنعملك ايه يعني اكتر من كده..
بابي وراح معاك علشان يخطبهالك والموضوع
عندهم دلوقت..
اهدا كده ومتستعجلش.
هشام : طب يا خفيف.. سلام.
شادي : انت رايح فين؟؟
هشام : هقولك بعدين.. متنساش
تجهز الشنطة بتاعتي.
شادي : نعم يا اخويا؟؟!
هشام : هههههههههههه
خليك جدع بقى وساعد اخوك.
شادي : أنا معروف إني جدع اه
بس مش كروديا لامواخذة !
هشام : انت بتتكلم كده ليه؟؟!
ههههههههههههه
شادي : هههههههههههه
عجبتك صح؟
هشام : طب خليك جدع واعمل اللي قولتلك عليه..
الهدوم على السرير..
وباقي الحاجه هتلاقيها في شنطة هاند باج صغيرة.
شادي : مش عايز تقولي رايح فين؟؟
هشام : هقولك لما اجي.. سلام.
شادي : ياترى رايح فين يا هشام؟؟
ليلى : على فكرة مامتك جوه بتسأل عليك.
التفت شادي ببتسامة : صباح الخير.
ليلى : صباح النور.
شادي : مامي بتسأل عني انا؟؟
ليلى : يعني اظن مفيش غيرك
واقف قدامي.
شادي : هههههههههههه
آسف لو ضايقتك.
ليلى : لا مضايقتش ولا حاجه
بعد إذنك.
التفتت ليلى علشان تدخل جوه.
شادي ينادي : ليلى!
ليلى تلتفت ليه : في حاجه
يا شادي؟
شادي ارتبكت من ردها وقال أي حاجه 😀
فطرتي؟؟
ليلى بدهشه ومكانتش متوقعه ان دا ممكن يكون السؤال.
الفطار جاهز على السفرة.
شادي : اه طيب..
ليلى : بعد إذنك.
شادي : اتفضلي.
وبعد ما دخلت ليلى جوه.
شادي بيكلم نفسه : مالك سكت ليه؟؟
ولا ملقتش كلام تقولوا ليها؟؟!
هو أنا بحبها... ولا معجب بيها؟؟
ولا حكايتي ايه بالظبط؟؟
لا انت اتجننت.
يبتسم شادي : لا انت اتجننت فعلاً متضحكش بقى.
ههههههههههههه
______________