💕أنت قلبي٢💕

الحلقة ٤٩

#انت_قلبي٢
#بوسي_مصطفى
______________
الحلقة ٥٩

في الساحل الشمالي..
سهر : اسر قوم بقى أنت مقضيها
نوم من وقت ما وصلنا!!
اسر : جسمي مكسر يا سهر
سبيني انام شوية..
سهر : على فكرة أنا زهقت من الرحلة دي
وعايزة ارجع بيتنا..
اسر يقوم ببتسامة : زهقتي
من ايه؟؟
وحد يزهق وجنبه القمر ده؟؟!
سهر : اسر قوم بقى.
اسر : هههههههههههه
طب ما أنا قومت اهو يا حبيبتي.
سهر : لا اقصد تقوم من السرير
(تفتح الشباك) ...
شوف الجو حلو ازاي بره والقمر
كمان منور الدنيا والقعدة هتبقى كلها شاعريه ورومانسية اوي..
اسر : هو ايه الفرق بين الشاعرية والرومانسية؟؟
سهر : ههههههههه
أنا عارفه....
اسر : اصل أنا كنت علمي..
فمركزتش في الأدب اللي اخدناه في المدرسة..
سهر : هو احنا درسنا ده؟؟
اسر : هههههههههههه
أنا عارف أكلنا ايه امبارح يا سهر.
سهر : بمناسبة الأكل أنا جعانه اوي..
ريهام عامله مشاوي وجنبها اسباجيني ايه بقى
يستاهلوا بؤك بس مش هناكل هنا...
اسر : امال هناكل فين؟؟
سهر شاورت على البحر..
اسر : اخاف سمكة قرش تخرج تاكلك..
ههههههههههههه
سهر : ازاي وأنا معاك... لا ميصحش..
اسر : هههههههههههه
ليه سوبر مان انا علشان احميكي من القرش...
سهر ووضعت ايدها على كتف اسر...
ونظرت ليه بحب..
اسر بمزح : ايه في ايه؟؟
سهر : انت حمتني من كل اللي اذوني
ازاي مش هتحميني من القرش؟؟!
اسر : هههههههههههه
رغم إن كلامك في مبالغه..
بس أنا بحمي روحي علشان انتي روحي يا سهور..
سهر بمزح : ايوووو على الكلام اللي يدوخ يا جدعان..
اسر : هههههههههههه
انتي اسكندرانيه؟؟
سهر : لأ بس بحبها وبحب الدنيا كلها علشان فيها حبيبي وروحي وقلبي وعقلي..
اقول ايه تاني؟؟
اسر : دا انتي اللي توهتي عقلي.
نقفل الشباك دا ونظبط القعدة
علشان هناكل هنا...
سهر : لأ علشان خاطري يا اسر
انا عايزة اكل بره..
اسر بتنهيده : خلاص طالما دي رغبتك أنا موافق
ادخل اخد شاور بقى..
و ألبسي حاجه مناسبة..
سهر : و ماله لبسي يا حبيبي؟؟
اسر : سهر...
سهر ببتسامة : خلاص اللي تشوفه يا معلم..
اسر : هههههههههههه
ايه معلم دي ؟؟
انتي بتجيبي الكلام دا منين؟؟
سهر : عارف الست اللي بتقعد جنب جوزها وترص ليه حجرين المعسل دا ويقعد يتغزل فيها
وهي تضحك ضحكه مايعه كده؟؟
أنا نفسي ابقى الست دي..
اسر : هههههههههههه
انتي ناويتي تنحرفي وتشتغلي مع تجار المخدرات
ولا ايه يا سهر؟؟
ههههههههههههه
سهر : لا أنا عايزة امثل بس.
اسر : حبيبتي الناس دول مش شبهنا ولا ينفع اصلا
نمثل دورهم
انتي عجباني كده بكل ما فيكي
متحاوليش تبقى حد تاني
انتي سهر وبس..
سهر : طيب اتفضل بقى خد الشاور بتاعك علشان جعانه..
اسر : حاضر خمسه وراجعلك.
__________________

في التليفون 📞
سيف : يا بنتي اهدي بقى
اديني قطعت المكالمة مع مليكة
علشان خاطرك..
نادين : خلاص اقفل وكلمها
يا اخويا..
سيف : أنا مش اخوكي
انا خالك فاهمه
ههههههههههههه
الواد بيحبك يا مجنونه بلاش شغل العيال بتاعك ده..
نادين : عيال ايه يا سيف؟؟
انت مسمعتوش وهو بيقولي
إنه هيسافر..!!
دا انا كان نفسي اقطم زمارة رقبته وقتها..
سيف : مش هيهون عليكي
انا عارف.
نادين : والحل اني اقبل ب الأمر الواقع صح؟؟!
سيف : طب مبدأيا كده تردي عليه وتتفاهموا مع بعض
وتوصلوا لحل...
لكن الحل عمره ما كان بالقرار المتسرع بتاعك دا..
ولو كان عاوز يخلع زي ما قولتي
مكانش اتحايل كل دا علشان يكلمك..
ردي عليه يا نادين واهمدي بقى
خلينا اكلم مليكة علشان متزعلش..
نادين : سلملي عليها..
سيف : حاضر.
______________