غربال الروح

البارت الثالث

مرحبا ...🌷🌷
الروايه "غربال الروح "
بقلمي /رحيل القوافي .....
                                                                                                                Ghadeer-1997
ليتني اسطيع الصراخ ..!
من كل جوارحي واقول .....
ان هناك وجع في داخلي كل يوم يقتلني اكثر ....💔
واخشئ انت يأتي يوم ويمزقني قطعه صغير
من بعدها لا اسطيع ان اضمت جراحي ......

..................

شوفي شيماء من صير الزفه اني وامي راح نبقئ بالبيت ونساعدج واخلي امي سويلج مثل ماسوت لفاطمه

كالت ...... لا ماريد
كتلها ..... چا تبقين طول عمرج لعبه بيد الشيخ هذا بعد مايعوفج اذا مازوجتي
كالت ... چا شسوي مادكليلي باجر اذا دخل عليه مالكاني بنيه شيسوي
كتلها .... معليج عوفيه عليه وانتي اصرفي طبيعي خاف يجن خواته يحفلج يعدلنج

بعدين سلمت عليه وطلعت اذكرت سالفت فاطمه وشصار وياها
اجتي بيوم عرسها الأمي تبچي امي معرفه بالمنطقه عدنه تضرب
ابر وعدها معرفه بالطب وماتخاف
من احد والكلمه تردها بعشره والكل يحبه وعدها علاقه ويا الكل .....

اجتي فاطمه هي وامها ودموعهن تجري امي فوتتهن جوه الفضول يقره ميه
اول ما ماكعدن امي سئلتهن شبيهن وليش هيج حالهن

كالت امها .... الحكيلي بدريه اصخم وجهي
_ يااا ليش اسمالله وجهج ابيض دوم
_لا خيه اصخم وتلطم ... هي حجت هيج وكفخت فاطمه بثنين ايديها
_احجي ياخيه شكو لاتتاخرون على الصالون
_ ماكو بعد صالون شكل للوادم بتي معيوبه

.... امي من سمعت لطمت على خدها حيل وكالت .... ولج فطيم ويامن صخمتي وجهه اهلج

حجت فاطمه وكوه يطلع صوتها من البچي.....
_ والله ياخاله مو بيدي غصب اخذني
_ولج منو هذا يانذل احجي
_ ابن عمي داود اجئ البارحه باليل وجان سكران ومن شافني كباله هجم عليه والله ياخاله حاولت امنعه بس هو ربط ايدي بالكرويته وحتى اسئلي امي
من اجتي شافتني مربوطه

_ولج خيه بدريه شوري عليه بشي اغطي الفضيح كفيلج العباس اذا اخوتها شمو خبر يذبحوها وانا بس هاي البت عندي
_ شوفي ماكو غير حل واحد بيوم العرس من يدخل عليج حاولي تبنين وجع من يتقربلج ومن يشوف ماكو دم انتي ابقي اتأذي انا راح ابقئ موجود بالبيت

راح اصعدلج واخلي يطلع من الغرفه وانا اسوي بيج جرح وخلج تنزفين وهيج ماراح بيبن عليج اكلهم غشاهه سميك بس ادعو اتصير مثل مانريدها وانتم هس روح وتصرفو عادي والله يستر انشالله....

..... وصار مثل ماكالت امي فاطمه طلعت بوجه الابيض وهس فاطمه عدها ولد وبنيه وامها تموت على امي ودوم تجي ازورها ودكول لو ما انتي جان بتي هس جوه التراب

وصلت للبستان لكيت عباس يشتغل وريحان تفتر بين الزرع وتشوف ياهي تعجبها تاخذها ولما تعجبها تعوفها انتبهت على عباس ذب الكونيه