السلام عليكم
قراءه ممتعه
غزل ' ولج صدك خبله يعني انتي ما تعرفين مراد من النوع يعصب من يلعب
حلا ' بس مو يعصب عليه واني ضوجني تفكيره شلون يفكر هيج عبالك عندي غايه بالطلعه هوه كلهه من باب الشقه
غزل ' بس مراد مثل اي ولد تفكيره يروح للبعيد وانتي ما شالله ما سكتي اكلتي اكل بالسانج الي ما يرحم
حلا ' اكيد قابل ابقه ساكته
غزل ' لا ابقي احجي هسه حبابه ابقي بس اليوم
حلا ' جؤ اريد ارجع لان صدك ضجت
غزل ' اعرف ضجتي من مراد بس مو قصده يحجي هيج وياج وانتي تعرفين طبع مراد من الشغله تتعلق بشي يحبه ما يقبل اي شخص يخذه منه
حلا ' شنو يعني ما افتهمت
غزل ' الي اقصده العبه هوه يحبه ومن انتي تتاخرين يضوج لهذا السبب هوه عصب وبقه يحجي عليج
حلا ' فتهمت
غزل ' هسه صافي يا لبن
حلا ' صافي
غزل ' يعني تبقين
حلا ' ما ابقه خابرت انس راح يجي باليل واروح وياه
غزل ' هاي شبيج كلتلج بس اليوم وانتي اول وتالي ترحين
حلا ' تمام راح ابقه بس اليوم
غزل ' فديتج يله كومي خل نكمل لعب اني وياج بالحبشكلات
حلا ' مو علئ الله جايتني
غزل ' يله يله كومي
حلا ' خل اخابر انس
غزل ' خابره احمد وكله لا تجي كومي هسه
حلا ' والله لواته
غزل ' منج نتعلم يله
خلينه ونزلنه كعدت وياهم وبقيت العب بس احجي ويه الكل ويه مراد ما احجي
احمد ' سعديه ام لبن اذا خسرتي اريد حلاوه
حلا ' يا داده من عيوني بس لا تنسه الحبشكلات
احمد ' ههه يعني اليوم ناويه تقطيني
حلا ' اكيد يله وليداتي العب
احمد ' والله تصيرين سعديه يرادلج بس العبايه
حلا.' شنو تنطيني واكوم اقلده
احمد ' ههه كلشي ما انطي العبي
حلا ' تمام لا تنطي
مراد ' طلعتي روحي هاي ثاني مره ما تنتبهين عليه يعني صالي ساعه اشر الج حتئ تكسرين هذا
حلا ' غزل مشغلين الغساله
غزل. ' لا غسلنه الهدوم من الصبح محد مشغله
