در (على الدنيا السلام) مكتمله

القصه كامله

ّكانتّ عراقيةً جداً ، جنوبيةً جداً
بابليه كثيراً ، عيناها عميقتان
لامعتان ، قدَ تُكلفكَ الغرق
كشط العربّ تماماً ..

نزلت مثل يوميه وروتيني اليومي گاعدة مسحوله من جعجعه امل فوگ راسي يگول بس هي دخلت جامعه نوب اليوم الاسبوع الاول الهها گاعدة من صبح الله تههوس وگعدت ع صوتهها نزلت غسلت وتريگت من ايد ماما مو تمودي بس هي مسويه ريوگل بابا وسالم الشفيه واني ورند ع واهس گعدنه سويتلي لفه جبن وكوب چاي شربت واكلت وگمت فرشت سنوني وبدلت ونزلت وهاي رند بعدهي مقفله عيونها ولابسه الصدريه مال المدرسه مگلوبي يعني المن گدام صايرة ورة واليورة صايرة من گدام وگاعدة تيد تلبس بحذائهه باوعتلها هاي هيچ نوم عاميها صحت بيها

در: هيوو رند صحصحي ورانه طريق شطوله

رندبنعسه: يووم عيد وافتك من هاي الهووسه شعدنه من الصبح گاعدين نشتغل عماله مثل سالم ومدري

در: شش هسه يسمعچ گومي عدلي صدريتچ ل على جيه بس تدگ الباب اطلع واعوفچ مو تگولين ما گلت

رند: چا والله هيچ ظلم منا گعده من الصبح ومنا طريق وياچ شنو هاي
عفتها تدردم وگعدت البس بحذائي وراهه الف بشالي شلت جنطتي على كتفي لان جنطتي ام كتف واحد ووگفت بالممشه انتظر ست رند سادس ابتدائي بسمخلصه السنه علينه كلها نوم
واني واگفه نزلت امل كاشخه والعطر يفووح تتلفت مالگت سالم والزمي الركضه طلعت ركض اول ما ابو الخط دگ هورن واني انتظر الملح الفاهي يطلع لما دگت الباب رسل رحت فتحته صبحت عليها ورجعت رأسيّ اصيح رند نطيتها خبر راح اروح وطلعت اتمشى على الرصيف اني ورسل بين ما تجي ست رند اني رابع علمي ورندسادس ابتدائي وامل اول مرحله حامعه وكلنه طالبات حسيت بطگطگه ورانه عرفتها رند هيچ تمشي تسحل الگاع وياهه مدري شتحس وصلناهه لمدرستها لان على طريقي مدرسه رند عشر دقايق نوصها وراهه نمشي عشر دقايق نوب حتن اول مدرستي يحتاج قلث ساعه واني ورسل خلصناهه كله كلام شحضرتي وشحليتي وشكتبتي واذا ناسيين واجب نتحجج نسيت الدفتر بالبيت!! 😉😹

وصلنه المدرسه ولگينه عمو ابو سفيان يريد يسد الباب لان دگ الجرس اصطفاف لحگنه قبل لا يسد الباب ودخلنه نزعنه جنطنه ورحنه ركض نصطف والمديرة ادري مديرة لوو بالعه راديو ودودودودو دوختنه تهضم ابو لفه الجبن والبقرة لصنعت الحليب على رزايلها ومحاضرات عن النظافه تخليك تصدگ مدرستنه نظيفه وهي نص طالباتها كاتلهم الگمل!!
والله بسببهم افكر انقل لغير مدرسه بس رسل تگول لان قريبه بقيه المدارس بعيدة واله خط واحنه على گد حالنه يعني اليوميه اليطلعها بابا يا دوب مكفيتنه
خلص الاصطفاف وانتشرنه كلمن لصفه 3 دروس واحنه درس ورة درس گالو درس الكيمياء ماكو لان مدرسه الماده داخله شهرها وصار يومين جايبه يعني كيمياء ماكو رحت ع جنطه فتحت السحاب طلعت الفلوس اريد اشتري لفه الجبن ماتت من كلام ومحاضرة الجمعهللمديرة شگد تحجي!!
فجأه حتي طالبه ويانخ تركض دگت الباب بقوة وهيه وتركض گالت