Love Battle 🔥💜🥀 ( សង្វៀនស្នេហ៍ ) ( Series : Bad Boy In Love ) ( Completed ✅ )

Round 24 : She deserves this !!

"យ៉ាងម៉េច? ចង់វៃយើងហេ៎? វៃមក! នេះមុខយើងហេ៎? ដាក់មក!!"។ កម្លោះសាក់ពេញខ្លួននោះក៏ឌឺដងនាយកម្លោះ Jeongguk ហើយកំហឹងក៏ដល់ដំណាក់កាលទប់លែងជាប់ហើយ គេខាំធ្មេញឡើងប៉ោងសរសៃថ្គាមរបស់គេទៅហើយក៏យារដៃបម្រុងនឹងដាល់មុខឲ្យនាយកម្លោះឈ្លើយនោះទៅហើយតែបែរជាត្រូវបង្អាក់ដោយសម្តីមួយនេះទៅវិញ។

"ឈប់សិន Jeon Jeongguk! កុំវៃគេអី!!"។ នាងក្រមុំដែលមានកែវភ្នែកថ្លាយង់ជាមួយស្នាមជាំនៅគែមបបូរមាត់នេះបានឈរការពារប្រុសឈ្លើយម្នាក់នេះហើយធ្វើឲ្យដៃដែលបម្រុងដាល់របស់ Jeongguk ត្រូវទម្លាក់ចុះមកវិញដោយភាពងឿងឆ្ងល់។

"Song Soojin ??"។ នាយកម្លោះក៏ហៅឈ្មោះនាងក្រមុំទាំងភ្ញាក់ផ្អើលហើយបុរសម្នាក់នៅឈរខាងក្រោយខ្នង Soojin ក៏ឆ្ងល់ដូចគ្នា។

"ឯងស្គាល់អាឈ្លើយម្នាក់នេះដែរគឺ Soojin ?"។ បុរសម្នាក់គ្មាននរណាក្រៅពី Song Eunwoo បងប្រុសនាងទេដែលកំពុងចង្អុលមុខ Jeongguk ធ្វើឲ្យគេខឹងក៏ដើរមកមុខមួយជំហានទៀត។

"ឯងថាឲ្យអាណាគេឈ្លើយ! ឯងទៅវិញទេដែលក្អេងក្អាង!"។ នាយកម្លោះប្រុងវៃហើយ Eunwoo ក៏ឌឺធ្វើឲ្យនាងក្រមុំដែលនៅកណ្តាលនេះមួម៉ៅច្រានគេទាំងពីរចេញពីគ្នា។

"បានហើយ!! ឃើញក្បាលខ្ញុំនៅទីនេះខ្លះទេ! អ្នកទាំងពីរចេះខ្មាសគេរឺក៏អត់នឹងហា៎?"។ នាងក្រមុំក៏ស្រែកឲ្យពួកគេហើយ Eunwoo ក៏យកអណ្តាយទល់ថ្ពាល់ហើយ Jeongguk ក៏សម្លក់សម្លឹង។

"ខ្ញុំមានអីត្រូវខ្មាសគេ! អ្នកដែលខ្មាសគេគួរជាប្រុសស្នេហ៍នាងវាទៅវិញទេ Song Soojin !! ស្មានមិនដល់ថានាងមានប្រុសស្នេហ៍ហើយនៅមកតាមញ៉ែប្រុសដទៃផ្សេងម្នាក់ទៀតចឹងសោះ!"។ នាយកម្លោះពេលនេះក៏ព្រួសសម្តីបែបនេះដាក់នាងក្រមុំធ្វើឲ្យនាងចំហរមាត់សូម្បី Eunwoo ក៏ហួសចិត្តដែរ។

"លោកឆ្កួតទេដឹង! លោកថាគាត់នេះជាប្រុសស្នេហ៍ខ្ញុំមែនទេ? លោកយល់ច្រឡំហើយ!"។ នាងក្រមុំក៏ប្រឹងប្រកែកតែ Jeongguk ក៏ញញឹមចុងមាត់សម្លក់នាង។

"នែ Song Soojin !! ខ្ញុំមិនបានឆ្កួតទេ!!! បើមិនមែនប្រុសស្នេហ៍នាងម៉េចក៏ហួងហែងខ្លាចខ្ញុំវៃវាយ៉ាងនេះ? អូ! រឺនេះជាវិធីទាក់ចិត្តប្រុសដែលនាងចង់បានទៅ? ប្រុសណានាងពេញចិត្តក៏ទៅជួយរងកណ្តាប់ដៃជំនួសគេដូចដែលនាងមករងជំនួសខ្ញុំព្រោះចង់ឲ្យខ្ញុំអាណិតស្រឡាញ់នាងមែនទេ? ភើយ!!"។ នាយកម្លោះក៏ធ្វើជាស្តោះទឹកមាត់បង្ហាញរឹកពារដូចជាខ្ពើមរអើមនារីដែលលះគ្រប់យ៉ាងដើម្បីគេចឹងតែវាបានធ្វើឲ្យកម្លោះនៅខាងក្រោយខ្នងនាងខឹងជំនួសនាងទៅវិញ។