ذكرياتي.

الحلقة ٣

الحلقة الثالثة :-   (((٣)))

#ذكرياتي
#بوسي_مصطفى

رانيا / لسه مجاش يا ماما وانا قلقانه اوي
يحي ببتسامة  / يعني اتصالحتو امال ايه اللي
حصل  الصبح ده؟؟!

حنان / مقدرش استغني عن رانيا
ولا بعرف أزعل منها.
رانيا / وانا كمان يا ماما.

رانيا عينها من الساعة الوقت اتاخر.
حنان قاعدة قلقانه وقلبها مقبوض هي كمان.

يحي/ انا اتصلت كتير معرفش قافل التليفون
ولا فاصل شحن؟؟
حنان / وكريم أخوك مجاش هو كمان؟؟
يحي / لأ لسه وبتصل بيه كمان مبيردش هو
علي طول بيتأخر اصلا.
وكمان مبيردش علي التليفون غير فين وفين
لكن هيثم مواعيدو مضبوطة دايما.

حنان بغضب : هو احنا هنفضل قاعدين كده؟؟
اخرج يا يحي شوف اخواتك فين يا ابني.
يحي : حاضر يا ماما.

رانيا واقفة ب تقى اللي عماله تعيط
حنان / يا بنتي اقعدي بقى ببنتك
انا اعصابي تعبت.
يحي / انا خارج يا ماما.
حنان : روح شوفهم ياابني وابقى طمني.

خرج يحي والوقت اتأخر

رانيا / لأ انا خلاص مبفتش قادرة استني
انهارت رانيا وقعدت تبكي
حنان / كفاية يا رانيا انا قلبي هيوقف مش قادرة

بعد شوية..
يحى رجع وكلهم قاعدين وعينهم ناحية الباب
ومنتظرين كريم وهيثم يرجعوا

الباب الرئيسي للمنزل بيتفتح..

تخرج رانيا ويحي بسرعة..

هيثم / ايه يا جماعة مالكو في ايه؟؟
رانيا بتاخد نفسها  / ايه اللي آخرك يا هيثم؟؟
قلقتنا عليك.

دخل هيثم جوه..
يحي / ايه اللى عامل فيك كده
هيثم / أبداً حادثة بسيطة وكنت قاعد في الورشة 
رانيا بلهفه / حادثة؟؟!!
طيب...
الحمد لله إنك بخير .
طيب متصلتش ليه تطمنا عليك بدل
ما احنا قاعدين هنا هنموت من القلق..
حنان / فداك يا حبيبي المهم إنك كويس
دا أحنا كنا هنموت من القلق عليك زي
ما رانيا قالتلك.
هيثم وهو يقبل يد والدته / بعيد الشر عليكي
يا ست الكل.
هيثم / انا واقع من الجوع مفيش عشاء ولا ايه
رانيا ببتسامة / من عنيه

قاعدين علي السفرة رانيا بصوت هامس ل هيثم
متاكلش اوي علشان عامله أكل فوق
نظر لها ببتسامة وهو بياكل.
حنان : متكلمتش كريم اخوك واطمنت عليه؟
هيثم : ماله كريم يا ماما؟؟
يحي : أصله اتأخر الليلة
وانت عارف بقى الدنيا مطره والخوف من السواقه
في الظروف دي..
هيثم : لا مكلمتوش..
هتصل اشوفه اتأخر ليه..
يحي : ما هو المشكلة كمان إننا بتتصل مبيردش..
أنا قولت رد عليك ولا حاجه..
هيثم : ما انا اصلا متصلتش لإني كنت مشغول
في العربية...
الدنيا فعلا مطره والشوارع غرقانه مياة..