الحلقة الرابعة :-
حنان ل يحي / الظاهر حصلك حاجة في دماغك
عايز تحرق قلبي هو انا ناقصة
بقي دي تبقي أول فرحتك؟؟!
يحي وهو ينظر ل هيثم / علي الاقل معنديش حد قلبه
هيتوجع ولا بيت هيتخرب ولا فيها انسانه
ممكن يحصلها حاجة
لو عرفت إن جوزها هيتجوز عليها يا ماما.
حنان / انا اللي قلبي هيتحرق وبعدين ميار
لا هي من سنك ولا انت ليك الجواز دلوقت
شوف مستقبلك ياابني وابعد انت عن الموضوع ده.
هيثم ساكت متكلمش
يحي / يعني قلبك هيتحرق عليه وهيثم لا؟؟!
حنان / هيثم متجوز
وبيشتغل لكن انت لسه حتة تلميذ اللي
هتتجوزها دي هتصرف عليها منين؟؟
حنان ل هيثم / هااا قولت ايه يا هيثم
يحي / ورانيا يا ماما تفتكري هتوافق
وانت موافق ياهيثم علي الكلام دا؟؟
حنان / لو بتحبه هتوافق علشان خاطر ابن
اخوك.
يحي / بلاش يا ماما علشان خاطري
وإن كان لازم يعني يبقى أنا اللي اتجوزها.
حنان : اسكت خالص ومتدخلش في الموضوع دا
قولتلك..
هيثم هسيبك تفكر بس تقرر قبل ما تاخد ابنها
وتمشي من البيت.
هيثم / أنا طالع انام تصبحوا علي خير
طلع هيثم شقته وترك
والدته ويحي لسه بيتناقشوا في الموضوع
يحي رافض فكرة والدته وشاف الحل إن هو اللي يتجوز ميار وحنان مش موافقة
فوق في شقة هيثم...
رانيا قاعدة مستنيه هيثم حاسه إن الموضوع ميطمنش
هيثم داخل من باب الشقة
رانيا بتحاول تقرأ أفكاره ملامحه اللي بينت
إن الموضوع فيه إنه..
رانيا بتوتر / مامتك كانت عايزة منك ايه
يا هيثم؟؟
هيثم وهو مضايق / انا مصدع وداخل انام
رانيا قربت من هيثم والدموع في عنيها /
يبقى في حاجة انا قلبي حاسس..
وبدأ صوت بكاء رانيا يعلى قرب منها هيثم
يحاول يهديها واحتضنها
هيثم : متقلقيش يا حبيبتى
مفيش حاجة يا رانيا اطمني
رانيا / لأ يا هيثم انا قلبي حاسس هتتجوزها صح؟؟!
هيثم بارتباك/1 اتجوز مين؟؟
و مين قالك الكلام دا يا رانيا اهدي بس واطمني
كان بيحاول يطمنها لكن هو كمان ميعرفش
هيحل الموضوع دا ازاي.
عنده أمل إن مامته ترجع في كلامها.
= كلام هيثم مطمنش رانيا بالعكس
كل يوم بيعدي بتقلق اكتر
عايشة في رعب طول الوقت..
مرت الأيام والوضع كما هو "وفي يوم"
والدة ميار / انا يا بنتي هرجع بيتي بقي
بقالي اكتر من أربع شهور هنا
ميار / أنا اللي زهقت من قعدة البيت
ونفسي أخرج.
والدة ميار / خلاص تعالى معايا.
ميار / اجي فين؟
وحماتي اللي قعدة تحت دي اعمل فيها ايه؟؟
والدة ميار / متقلقيش هكلمها لما ارجع
من بره هروح اقبض المعاش وانا راجعة هعدي عليها
ميار بلهفة / آه يا ماما علشان خاطري بس كلميها
بالراحة كده علشان توافق
______________
في المساء
هيثم جاي من الشغل
كعادته يدخل لمامته.
رانيا في المطبخ....والولاد بيلعبوا
أنت تقرأ
ذكرياتي.
Chick-Litيتوفى الأخ الأوسط ثم يتجوز الأخ الأكبر من ارملة أخيه. لتعاني الزوجة الأولى من هذا الزواج. القصة قديمة.. وخلصانه كتابة.. كل يوم حلقتين..
