ودعناهم وشلنا ارقامهم ورجعنا البيت وانا كلي حزن وهم يعني خﻻث بعد م كنت قايله الشمل حيلتم بعد السنين دي كلها لكن ربنا علي كل شي قدير وصلنا البيت واي زول مشي علي غرفتو وانا مشيت صليت ركعتين ودعيت ربنا يسهﻻ ويجمعنا ومشيت لي ماما اكرام قلت ليها عاوزة انوم معاك ضحكت وضمتني وقالت لي حبابك عشره والليل كلو تقرء لي قران عن جمال صوتها حاجه وﻻ في الخيال😍❤️حكت لي عن حياتها وكيف كافحت عشان تصل الوضع الهي فيهو ده وعن زوجها ربنا يرحمو اسمو ( مهيد احمد عمر ) اﻻسم ده بشبه اسم ابوي مهدي احمد عمر المهم ما ركزت شديد وحكت لي كيف سندا وساعدها وبجد نستني همي ونمتا علي كده وماعارفه القدر مخبي شنو 😔😔
الصباح جات جنات باستني وقالت لي قومي نحنا راجيينك تحت اﻻفطار قمت غسلت ومرقت لقيتهم مجهزين اي حاجه انا بحبها في ال صفره وكنت جيعانه بث وقعت ليهم في اﻻكل بدون اصبح عليهم كلهم ضحكو فيني انا زاتي ضحكت معاهم وفطرنا وجات وجات الشغاله لمت اﻻكل والصفره نضفتا ونحنا اي واحد لي شغلتو جاتني فكر امشي لي اقاربنا وأسألهم عن اهلي وجري لي ماما اكرام .وكلمتها ب فكرتي قالت لي يﻻ اجهزي وكلمنا عمو محمد واتحركنا ولفينا لي العصر ذاكرتي خانتني وغير كده اﻻماكن عمرة في السنين الفاتت دي م قدرت اميز البيوت وكنا راجعيين بخيبه امل كبيره😭😭😭💔 واثناء م نحن راجعين لمحت ميعاد اختي اي والله هي زاتا صرخت عمو محمد اقيييف لمن اتخلعو ماما اكرام قالت لي مالك ي بت قلت ليها شفت ميعاد اختي ونزات سرعه بث للاسف م شفت ليها اي اثر كانو اﻻرض اتشقت وبلعتها اخخخخخخ ي دنيا تاني عاوزة مني شنو وقعدت في الارض وبقيت ابكي وابكي بصوت ماما اكرام جات حضنتني وبكت معاي 😭😭😭😭😭😭ولما هديت دخلتني في السياره ورجعنا البيت ونمت علي كده 😔😔 بث اتأكدت انو اهلي لسي هنا وم مرقو من البلد دي ود اداني امل كبير
الصباح نزلت علشان اصبح علي ناس ماما اكرام سمعتها بتشاكل في بتها غفران
اكرام :ومالو كان قعدنا في السودان عشان شمل اسرة يلتم
غفران:ونحنا مالنا انا عايزة ارجع ماليزيا اشتقت لي اخواني وصديقاتي الهناك اكرام :طيب مالك جيتي معانا كان تقعدي مع اخوانك هناك
غفران :اووووف وواقفه كمان في صفها
اكرام ادتها كف طوالي غفران مشت وكانت زعﻻنه وقالت لي امها عشانها تديني كف انا بتك ي امي 😳😳😭😭😭😭😭💔
ماما اكرام كانت مصدومه اول مرة تعمل كده بعد كده قعدت في الكرسي الجنبها مهمومه طوالي رجعت غرفتي وقلت الزول لو بقي ليك سكر م تكملو 😊اخير اقوم امشي من هنا شيلتهم اكتر من همومهم ستفت شنطتي ومرقت بدون م زول يحس بي ومشيت ....
وبي هناك ناس ماما اكرام فقدوني
غفران : ريحتنا وم خلتنا نضطر نطردها الثقيله
اكرام :شاكلتها وزعلت منها
#ي تري متاب او ريان مشت وين والقدر لسي مخبي شنو ؟؟؟؟؟
تابعونا ..
