انا مرقت وماعارفه امشي وين ي ربي هسي ناس امي ويين وبعملو شنو ي رب انا ضايعه مشتته اهديني ي رب فتشت جيب شنطتي لقيت 50ج دي حتعمل شنو مع المواصﻻت الصعبه دي قررت امشي لي ناس عناقيدواسألهم الحاصل او اي اخبار جديده من ناس امي اتحركت ومشيت وفتح لي الباب عمار رحب بي ودخلت سلمت علي ناس خالتو عفاف ودخلت لقيت عناقيد بتجهز ورق شكلها عاوزة تقدم لي الشغل واتونسنا وشربنا الشاي ولمن قمت ماشه سألتهم عن اهلي عمار قال لي لسي والله م في جديد مرقت منهم ومشيت وما عارفه ماشه ويين او القدر لسي مخبي شنو فجاه شفت بت وولدبكون قدر مروان اخوي بتكلم مع اختو شكلها عندها حبه وﻻ جرحه في وشها وهي محرجه من الحكايه دي وكانت كايسه ليها بدره وﻻ حاجه تخفي ليها الشي ده ومشو سألو كم دكان كده م لقو ومرقت زعﻻنه اخوها قال ليها ي مأب انتي حلوة كده واجمل بت شفتها الحيشوف جمالك م حيركز مع الحبه دي والله صدقيني ابتسمت وقالت ليهو جد احلف قال ليها والله العظيم والله البت فرحت فرح لمن ثقتها في نفسها رجعت ليها الموقف ده خﻻني اتذكر مروان وميعاد والله قعدت لي في طوبه كدهو اخدت لي بكيه كده لمن اللهوغفر لي وقته هسي انا امشي ويين ﻻ عندي اهل وﻻ سند وبقيت استغفر واستغر ودعيت ربنا يهون علي ومشيت ومشي لمن تعبته وقروشي اصﻻ انتهت فجأه لقيت لي عماره كده ووقفت ودقيت الباب فتحت لي بت كده شكلها الحبشيه وقالت لي السﻻم عليكم قلت ليها وعليكم السﻻم
الحبشيه قالت ي ماما في بت واقف هنا ادخلو
اي ي نوريه دخليها يخسي عليك الضيف م بخلوه يقيف بره كده في الشارع دخليها
قمت دخلت ودخلتني صالون كده البيت م شاء الله ايه في الجمال بره حديقه وشجر نخيل وحاجات تفتح النفس لقيت قدامي مرة جميله واقفه في الصالون سبحان الله في شبه بينا شبه خرافي تقول دي حبوبتي والله يحليلي مقطعه اي زولى الصقو فيني رحبت بي وقالت لي نوريه جيبي لي ضيفتنا مويه جابت لي مويه وعصير والحبوبه مشت جابت لي م لذ وطاب من اﻻكل وقعت زي المانصيحه في اﻻكل الجوع كعب بعد تميت الطقه عقلي رجع لي رفعت راسي لقيت بت بتشبه الحبوبه والحبوبه جمبها وهم بعاينو لي لمن خجلت قالو لي مالك شكلك بت ناس الحاصل عليك شنو ما حبيت احكي ليهم او ب اﻻخص م عاوزة اتذكر الماضي اﻻليم بتاعي فضلت ساكته وم رديت الحبوبه قالت لي م مشكله لو م عاوزة تحكي
متاب :انااا م عندي زول معاي هسي انا وحيده لوممكن اشتغل عندكم او شايف عندكم حبشيه بساعدها
طيب انا قاريه طب ممكن ابقي ليك ممرضه انظم ليك وقتك واديك اﻻدويهفي وقتها او ﻻقدر الله حصل لي زول شي ممكن اقدم المساعده اوممكن اعمل اي شي وم طالبه مقابل بث عاوزة حته ابيت فيها بقعد مع ميري م عندي مشكله الحبوبه جات علي وضمتني ضمه ذكرتني ابوي لمن بكيت هي زاتها بكت معاي والله حسيت بيها حنينه شديد اما البت المعاها عاينت ليكده 😒😒😒 ومشت حببوبه قالت لي خﻻث اقوعدي عندنا ونحن اصﻻ عندنا غرفه فاضيه ونادت نوريه وقالت ليها توريني غرفتي وقالت لي امشي ارتاحي بكره نتفاهم
ي تري الحيحصل شنو ؟؟؟؟؟؟؟
