#زوجة ابليس 1"المقدمه "
حياه :امقعمزه في القاعه ولابسه فيلو وتبكي وناس كلها لاحظوها
ليلي: جت تجري حياه خلاص الناس كلاها تشبح فيك وجت بتمسح دموعها
حياه: دفت يد امها بقوه هدا كله بسببكم بعدي عني
ليلي: خنقتها العبره قعدت تشبح في حياه لحظات ومشت
خلي انعرفكم علي نفسي اني اسمي حياه عمري 17سنه ماما اسمها ليلي وبابا حمزه عندي اخ واخت شاهين و ابرار الاتنين اكبر مني اني الصغيره
حياه: تبكي وتبي تنزل من علي الكوشه
ابرار: جتها تجري خلاص يا حياه يلي صار صار ولازم ترضي بي نصيبك
حياه: تبكي بعدي عني بعدي
ابرار: بصووت عالي حيياه خلاص
قبل خمس شهور 🔥
العيله كلها امقعمزه برا في الجنان وتهدرز وتضحك
حمزه :خش وجها اصفر متوتر اء ء ل لي ليلي ت تعالي
حياه: خيرك بابا شن فيه
ابرار: شن فيه بابا
حمزه: ش شي شي وخش لدار
ليلي: هزت راسها بمعني مش فاهمه شي ولحقاته
حياه: خيره بابا
ابرار: علمي علمك ربي يستر
ليلي: خشت لدار انشالله خير شن فيه
حمزه: امنزل راسه وتنهد بقوه شن بنقولك
ليلي: تكلم خليتني علي اعصابي
حمزه: راكان طلب يد حياه
ليلي: حطت يدها علي قلبها شن تقووول 😳🔥
حمزه: بنبره هاديه زي ماسمعتي
ليلي :نزلت بسرعه لعند رجليه وراسك لا ماتقولها متوافقش متوافقش 😭🔥
حمزه: نزل لعندها ووقفها شن بندير باهي يلي زينا ينفدو في كلامهم وسكتين
ليلي: طاحت علي رجليهاا تبكي وتضرب في وجها
حياه: فايته للمطبخ وبصدفه سمعت كل شي قعدت واقفه مصدومه دموعها ينزلو بلا صوت
حمزه: قام راسه انتبه لي حياه قدام الباب تنهد بقوه العرس بعد خمس شهور وطلع
حياه: واقفه علي الباب ومش مصدقه يلي تسمع فيه مشت تجري حضنت امها وقعدت تبكي بقوه
✨ الحاضـــــر ✨
ابرار: جت لي حياه العريس جي ونزلت الطرحه علي وجها
حياه: لما سمعت كلمت العريس جي حست الدنيا ادور بيها مش قادره اتصدق شي قعده علي امل ان هدا كله حلم
🔥 أّمَوِلَــهِ A A 🔥
🔥 روآيـــــآت آمـل علي 🔥
راكان: خش للقاعه كان لابسه طقم بسيط مع تحليقه خفيف ونظرة عيون تقتل لما خش كلهم خافو منه وقعدو يرعشو مع بعضهم
خلي نعرفكم عليه راكان عمره 32 سنه عندها متزوج تلاته منال و اريام و شهد امه اسمها جميله وباته محمد عنده تلات خوت ولدين و بنت ايهاب و حسين و نور
جميله: تمشي وراء راكان ومتوتره
حياه: تسمع في صوت خطوات راكان وقفت
راكان: مسك يد حياه بي قووه
حياه: عيطت بصوت عالييي اييييي
ليلي: تشبحلها وقريب اتموت بس مش قادره ادير شي
راكان: قعد يمشي هوا و حياه وكان ضاغط ع يدها
حياه: تمشي ودموعها ينزلوو وبتش تشبح لي هلها
ابرار:انهارت بي البكي ماما ماما وراسك متخليهاش تمشي وراسك 😭🔥
ليلي: ماسك في العمود وتبكي بقووه
حياه : ركبت في السياره وقلبهاا نار خايفه من حياتها الجديده او بي الاصح خايفه من ابليس
راكان: ركب في السياره وولع دخان وطلع كان الجوو هدوء لحد موصل للبيت درس السياره ونزل مشي لجيها التانيه وفتح الباب لي حياه
حياه: خايفه مش قادره تنزل
راكان: مسك يدها ونزلها بي القووه
حياه: بصوت عالي ايييي
راكان: صكر باب السياره ومشي وخلها
حياه: قعدةواقفه مصدومه من حركة راكان
راكان: خش للبيت وفي فمه دخان لقي شهد و منال و اريام واقفات جنب الباب شافلهم علي جنب ومشي
اريام: هزت راسها بمعنا وين
منال: وين نعرف اني
حياه: خشت يادوب قادره تمشي الفيلوو كان مضايقها افف يا ربي جتها منال وشهد يدخلو فيها
اريام: كانت مربعه ايديه وتتضحك قصدكم هادي لعروسه الجديده هههه
حياه: عصبت مسكت الفيلو وبعدت شهد و منال بقوه ومشت لدار
اريام: تستاهلي انتي وياها
شهد: كشمت امبااهي زيدي اضحكي توا ينفعك
🔥 أّمَوِلَـــهِ A A 🔥
🔥 روآيــــآت آمـل علي 🔥
ليلي: امقعمزه في الصاله وكانت مضايقه وتفكرر في حياه
ابرار: جت خلف امها وطبطبت علي كتفها وتنهدت توا خلاص هدا نصيبها ولازم ترضا وحتي انت لازم ترضي
ليلي :اخخخ يارب وناضت
ابرار: وين ماشيه
ليلي: دخلت ومردتش عليها
ابرار: لحقت امها
ليلي: خاشه لدار لقاها حمزه ضحكت بهزوه وهدا يلي تبيه بعت بنتك
حمزه: يشبحلها وساكت
ليلي: تكلم خيرك ولا كلمي صحح
حمزه: حياه بنتي نفس ماهيا بنتك ويلي يمسها يمسني وربي عالم بي نيتي وبينك انتي وكلتك لله وطلع
ليلي: دمووعه ينزلو بلا صوتت ومش عارفه شن اديرر
----------------------------------------
حياه: فتحت باب الدار خشت وولعت الضي قعدت ادور فيه وبعدها وقفت وحاولت اتنحي الفيلوو حست شخص وراها شافت لقته راكان زمطت ريقها ومعرفتش كيف ادير
راكان: مسك حياه من يدها بلقوه ولصقها فيه
حياه: خايفه تشبح وساكته من الخوف
راكان: قرب علي رقبتها وقعد ينفخ في الدخان ومره مره يعطيها بوسه خفيفه
حياه: جسمها رعش مع بعضها وركبت فيها نارر
راكان: قرب اكتر وحط الدخان علي رقبتهاا بالقوه لحد منحرقت حياه
حياه :بصووت عالي اييييي 🔥
راكان: زاد ضغط علي يدها و بعدهاا دفها علي السرير وطلع
حياه: انهارت بي البكييي وقعدت تكسر اي شي قدمها
راكان: قعمز علي الدروج وقعد يدخن
اريام: كانت تصنت فيهمم ومشمته في حياه
شهد:خلاص عاد علي اساس مدرلكش هكي 😒
اريام: صكري فمك احسنن ترا مش ناقصاتك
حياه: من كتر البكي رقدت ومشت في عالم تاني
اريام: راقيه علي الدروج فاتت علي راكان
راكان: وقف بصوت عالي استني
اريام: جمدت من الخوف يادوب النفس يطلع
راكان: شدها من شعرهاا تحسابي مشفتكش
اريام: اء اء ء شن ش شن درت
راكان: ضربها كف من قوتها طاحت علي الارض المره هادي فاتت والمره التانيه توا يبنلك ومشي وخلها
اريام: حاطه يدها علي مكان الكف وتبكي
🔥 أّمَوِلــــَهِ A A 🔥
🔥 روآيـــــــآت آمـل علي 🔥
✨تانـــي يوم الصبح ✨
حياه: تفتح في عيونها بطء وقعده تستوعب في يلي صار امس قعمزت علي السرير قعدت ادور في الهاتف بتشبح الساعه ملقتاش افف اكيد هوا يلي واخده
طق طق طق
حياه: بشويا علي اساس احترام وجوو افلام هه احم تفضل
الشغاله: الفطوره جاهز مدام لو بتفطري
حياه: تشبحلها من فوق لتحت برا اطلعي خير
الشغاله :طلعت وصكرت الباب بقوه
حياه: جن يرفعك وقعمزة علي السرير
-------------------------------------
راكان: امقعمز قدام باب الرئيسي ويدخن
شهد: طلعه ونخلعت لما شافت راكان
راكان: رفع راسه ويين
شهد: توترة اء ء ا ما م ماش ماشيه
راكان: بصووت عالي تكلللميييي
شهد: خنقتها العبره ما شيه ل لي وسكتت
راكان: ناض وضربها كفف
شهد: طاحت علي الارض وقعدت تبكي
راكان: مشي وخلهااا
شهد: ناضت تجري خشت لدار صكرتها واستندت علي الباب وقعدة تبكي
حياه: لابسة سروال وبدله بسيطه معا ويشاح وطلعت من الدار فايته من الممر فاتت من جنب دار شهد سمعت صوت بكي طقت الدار
شهد: مسحت دموعها بسرعه وفتحت الباب اء اهلا
حياه: تشبح وساكته
شهد: خي خير في شي
شهد: لا لا مفيش شي مفيش شي
حياه: يتبع .....
الحلقه قصيره عشان المقدمه الحلقات الجايه اطول بإذن الله ومتنسوش التفاعل لازم يكون قوي وبق لووف ❤️
