بعد منتصف الليل

الفصل الثاني والعشرون

وطبعا احب اهدي  الشكر الأكبر لمنظمة اليونيسيف لاختيارها لي علي هذا المنصب المرموق سفيرة النوايا الحسنه وبعد فضل ربنا اولا ثم تشجيع والدي ووالدتي احب اشكرهم جدااا علي وقوفهم ومساندتهم ليا وثقتهم الكبيرة بي واحب اقول انني لن اترك حق من حقوق الأطفال أيضا سأحرص علي بذل كل جهدي في كشف رجال الأعمال الذين يختبؤا خلف اسمهم وشهرتهم ويستغلون منصبهم  كستار ليساعدوا عدماء الضمير والرحمة في تجارة أعضاء أطفال أبرياء  وتسمحولي اكمل كلامي باللغة العربيه العاميه لغتنا البسيطة علشان كل ام بسيطه بتسمعني ورا الشاشة تفهمني كل ام قلبها محروق علي طفلها كل ام بسيطه ابنها راح منها احب اطمنكم حقكم هيرجع ان شاء الله ويارب اكون عند حسن ظنكم وانا مش هكبر غير بثقتكم فيا ودعمكم ليا واي حد محتاج مساعده ولو بسيطة ربنا يقدرني واكون سبب في مساعدته وشكرا

تصفيق حااار  في قلب القاعة الكبيرة المزدحمة بالشخصيات الكبيرة في البلد  ووزير الداخليه واعضاء منظمة اليونيسيف وطقم كامل من الحراس الشخصيين والاعلاميين والصحافيين
كانت تقف بكل ثقة وهيبه تنظر لوالديها وهم يبادلوها النظر بفخر فهي حققت كل ماتحلم به وكل ما تمنته وبجانبها صديقتها الغاليه واختها نوران التي تعتبرها اكثر من اخت
سوار بعيون دامعه : انا مش مصدقة ياعزيز ليل بقت سفيرة النوايا الحسنه
عزيز بسعادة وفخر : ومتصدقيش ليه ياحبيتي بنتنا الحمد لله عدت الازمة وقامت بالسلامه وحققت كل اللي نفسها فيه وبقت زي ماكانت بتتمني قبل الحادثه وأعتقد ده ممكن يساعدنا في أن الذاكرة ترجعلها تاني
سوار بأمل : تفتكر ياعزيز ممكن ليل تستعيد الذاكرة تاني لكن ده مر علي الحادثه اكتر من تلت سنين مش ممكن
عزيز بأمل : ان شاء الله تستعيد كل زكرياتها تاني وترجع لحياتها الطبيعية تاني
سوار بخوف : تفتكر لو الذاكرة رجعتلها ممكن تفتكره احنا مصدقنا تخطينا الازمة دي
عزيز : ليل اللي قصادي القوية  هتقدر تتخطاها ومنتعبش ولا تمر بالايام دي تاني

فلاش باااك
قبل ثلاث سنوات

بعدما ذهبت مع والدها والدتها الي الفيلا التي كان يعيش بها والدها قبل أن ينتقلوا علي القصر

كانت بحالة غير طبيعيه صامته مستسلمه مصدومه لا تتحدث ظلت علي هذا الوضع اكثر من شهرين ليقلق عليها والدها ويطلب الطبيب

الطبيب : ليل بتمر بصدمة نتيجة الموقف اللي حصلها ده شئ طبيعي هي مكنتش متوقعه ان زوجها يطلقها وبنفس الوقت انصدمت من تصرفه ولو كانت ثارت او صرخت او اتكلمت كنت اطمنت لكن الوقت ده خطر جدا ياريت تسافر اي مكان تغير جو تحاولوا تخرجوها من الحالة دي لكن بهدوء وبحرص لاني مش متوقع رد فعلها ممكن يكون ايه وان شاء الله تطمنوا عليها

وبالفعل وافق عزيز واخذ سوار وليل ليسافروا بأي مكان ليحاولوا ان يتخطوا التجربة المؤلمة عليهم جميعا
كانت ليل ساكنه تتحرك معهم دون اعتراض غير واعية بما يدور حولها لتتوقف سيارة عزيز في منتصف الطريق السريع لينزل يتفحصها ويري العطل نزلت سوار خلفه