ماضي لا ينتهي

الحلقة ٦٥

#ماضي_لا_ينتهي
#بوسي_مصطفى
_______________
الحلقة ٦٥

في منزل سيف....
سيف : خايفه من ايه بس يااميرة؟؟
ما انا هبقى معاكي.
أميرة : سيف انا عمري ما دخلت محكمة..
انا بشوفها في التليفزيون بس..
وقلبي اتقبض أول ما قولتلي.
أنا مش هقدر اروح هناك لأ.
سيف : يا حبيبتي متخافيش
هما هيحبسوكي هناك!؟
دا انتي رايحه علشان تاخدي حقك.
اميرة : هتبقى جنبي؟
سيف بيقرب منها : أنا جنبك طول العمر يااميرة..
وهفضل مكلبش في ايدك كده
َومش هسيبك حتى لما هتوقفي
وتقولي يا سيادة القاضي
ههههههههههههه
هقف معاكي برضه..
أميرة : بتهرج!
سيف : هههههههههههه
دا شغل المحامي بقى.
هما هيسألوكي كام سؤال
وهنروح بعدها بيتنا في سلام
وأمان.. متقلقيش.
أميرة : ماشي..
سيف ينظرلها ببتسامة :
ماشي بتاعتك دي بتجنني.
ههههههههههههه
أميرة : امال اقول ايه؟؟
سيف : هههههههههههه
انتي تقولي اللي انتي عايزاه
يا قمر انت.
أميرة : تمام.
سيف : هههههههههههه
هي دي مرادف ماشي.
أميرة : خلاص يعني كده شاطرة
ونجحت في الإمتحان؟
سيف : لأ لسه..
بيحاوطها بدراعاته..
أميرة : سيف هشوف زياد علشان كان عايز يغير.
سيف وهو مضايق : وميغيرش ليه من بدري؟؟
أميرة : ما انت اخدتني في الكلام ونسيتني خالص.
هما دقيقتين بس مش هتأخر.
سيف : ماشي اديني مستني اهو.
أميرة : هههههههههههه
سيف : اعمل ايه اتعديت منك
ومن اللازمه بتاعتك..
ههههههههههههه
___________

في فيلا مازن..
ندى : وهتفرق ايه يا مازن؟؟
مازن : لا تفرق كتير يا ندى
انك متكدبيش عليه.
ندى : تاني بتقولي كدبت عليك.
ما انا قولتلك مكونتش اعرف ومعرفتش
غير من رامي واحنا هناك..
وبعدين انت سمحت وخلاص
بلاش التفاصيل اللي ملهاش لازمه دي.
مازن : ما هو بسبب المشوار بتاعك دا مش هخلص بقى
وهدخل في سين و جيم
وحوارات كتير وانا مكونتش عايز ادخل مع بابا
في أي مشاكل دلوقت..
ندى : صحيح باباك عرف منين؟
مازن : ابن عمي ظابط في السجن ده.
ندى : هو اللي قاله صح؟؟
مازن : اكيد يعني..
واحد تعبان.. السجن كله
بيكون عارف هو عنده ايه.
ندى : طب خلاص انت متعصب ليه؟؟
مازن : علشان مش مقدره الموقف اللي انا فيه يا ندى.
ندى : يا حبيبي عارفه
بس اعمل ايه انا معرفش.
مازن : خلاص حقك عليه متعيطيش..
خلاص بقى بطلي عياط..
ولا لازم اصالحك يعني!؟
نظرت ندى لمازن ببتسامة وهي بتمسح دموعها..
لا خلاص سكت اهو.
ضمها ليه : متزعليش مني يا ندى
بيكون غصب صدقيني..
الموقف اللي بتحط فيه بيبقى صعب عليه اوي.
ندى : وأنت متزعلش مني.
مازن : عمري ما ازعل منك
يا حبيبتي.
___________

في شقة عدي..
رهف : طب قولي سبب مقنع يخليك عايز تسيب الشغل.
عدي : السبب إني لاقيت نفسي
مش مرتاح نفسياً يا رهف
رهف : كده بين يوم وليلة!؟
ما هو باباك اهو بقاله سنين شغال
في الشركة دي..
ومبيشتكيش زيك كده.
عدي : حد قالك إن البشر كلهم زي بعض.
رهف : اكيد مختلفين في الطباع.
عايز تقولي يعني إن كل واحد
عنده قدرة تحمل غير التاني؟
طب اصبر لما تلاقي شغل غيره
مش تسيب الشغل وبعد كده تدور.
عدي : ما هو طول ما أنا شغال
مش هعرف ادور.
رهف : يا سلام مين قالك كده!؟
اهدا بس دلوقت واصبر كده
احنا  عندنا بيبي محتاج مصاريف كتير..
محبكتش دلوقت تسيب الشغل يعني.
_______________