ذكرياتي.

الحلقة ٥

#ذكرياتي
الحلقة الخامسة :

رانيا طالعة لشقتها منهاره وبتبكي
شافتها والدة ميار
اللي كانت واقفة قدام شقة بنتها منتظرة ميار
تفتح الباب

دخلت رانيا شقتها وهي حاسه انها في كابوس
مش قادرة تفوق منه نيمت ولادها
وحدفت نفسها على السرير واستسلمت
ل النوم حتي يرتاح قلبها قليلاً من النار التي اشتعلت به

في شقة ميار..
ميار بدهشة / بتقولي ايه يا ماما؟؟!!
والدة ميار / هو دا اللي حصل يا بنتي.
ميار / يعني هتجوزني ل ابنها
من غير ما تأخد رأيي؟؟!
والدة ميار / أنا شايفة إن دا أفضل وضع بالنسبالك
وانا كنت
متوقعة دا وكنت مستنية تقول ولا تلمح.
ميار / يعني ايه يا ماما؟؟
والدة ميار / هيثم يا بنتي الراجل ميتعيبش
مهندس وعنده شغل خاص بيه وهتعيشي مرتاحة معاه
ميار / ومراته هتوافق؟؟
والدة ميار / معندهاش حل تاني.
ميار : بس دي ممكن تموت فيها
أصلها بتحبه اوي.
وبعدين هو كمان بيحبها ومش سهل ابدا
يفكر في الموضوع دا.
والدة ميار : اصلك انتي مشوفتيش
حماتك كانت بتتكلم ازاي
دا محدش فيهم قدر ينطق.

تحت عند حنان.
هيثم بعد ما والدته فاقت ودخلت اوضتها
علشان تنام.
هيثم : انا طالع استريح يا يحي
انت مش هتنام؟
يحي بحزن : شوية كده.
هيثم : طيب تصبح على خير.

هيثم دخل شقته وبيفكر
مش عارف يواجه رانيا ويقولها ايه

رانيا مازالت نايمه
وهيثم قضي الليل كله في الصالة قاعد بيفكر
في الموضوع ده.

الصبح هيثم بيلبس رايح لشغله رانيا
بتفتح عينها وتبتسم ل هيثم
وبعدها افتكرت اللي حصل بالليل.
نظرت ل هيثم بغضب..
قرب منها...
هيثم / صباح الخير
رانيا مردتش.
هيثم بيكمل لبس وخارج من الاوضة
رانيا انهارت من البكاء
رجع لها هيثم
هيثم / يا حبيبتي عامله في نفسك دا كله ليه؟؟
رانيا / فعلا عندك حق هو المفروض افرح
ان جوزي هيتجوز تحب ازغرط كمان؟؟
مبروووك يا عريس
هيثم سكت ومكنش عنده رد  ل رانيا
رانيا شعرت إن الموضوع خلاص اتحسم
مقدرتش تمسك اعصابها.
رانيا / هترجع مش هتلاقيني في البيت.
هيثم / رانيا بلاش تهور وبلاش كمان تسبقي الأحداث.
رانيا / يعني ايه عايزني اقعد لما تتجوز
علشان اتقهر لأ يبقي مبرووك عليك وانا ارجع بيت أهلي.
قالتها رانيا وهي بتقفل باب اوضتها
هيثم / أنا خارج ولما ارجع هنتكلم بس علشان
خاطري يا رانيا اهدي شوية ولما ارجع هنفكر مع بعض
_________________

والدة ميار / باين عليكي موافقة
ميار / بصراحة أنا مش مصدقة انه هيتجوزني.
والدة ميار / ليه يا بنتي بتقولي كده؟؟
ميار / يا ماما متعرفيش هو ومراته بيحبو بعض قد ايه
والدة ميار / هما خايفين علي ابنهم عايزينه
يعيش وسطهم
ودا الوضع اللي هيريحهم.

بعد الظهر.
رانيا نازله بولادها ومعاها شنطة هدوم حنان تلمحها
توقف حنان وهي عينها من رانيا.
حنان / وانا اللي بقول عليكي عاقلة واخده العيال
شنطة الهدوم دي ورايحة على فين يا رانيا؟؟
رانيا / عاقله؟؟!!
هو فعلا مفروض أكون عاقلة وجوزي بيتجوز!!
حنان / ادخلي يا بنتي مينفعش نتكلم كده علي السلم.
رانيا قربت من حنان وعنيها كلها توسل ورجاء.
رانيا / أنتي عايزة تحرقي قلبي علي جوزي ليه؟؟
حنان / بعيد الشر علي ابني كفاية حرقت قلبي
يا بنتي أنا مش ناقصة .
رانيا / انتي عمرك ما هتحسي بالنار اللي فيه.
حنان/ بقي كده يا رانيا بقي أنا اللي بحرق قلبك
علشان عايزة احافظ علي أبن أبني
رانيا / مش بقولك عمرك ما هتحسي بالنار اللي فيه
علي العموم مش انتي بتحافظي علي ابن ابنك
أهو انا هاخد ولادي وماشية.
ياريت تبقى ارتحتي دلوقت..
بخراب بيتي أنا.
حنان / هو يا بنتي لما يتجوز ايه اللي هيحصل بس؟؟
رانيا / عايزة تجوزية لواحده تقاسمني فيه
وتقوليلي ايه اللي هيحصل؟؟!
لا مش هيحصل حاجه اكتر
من إن هيبقى ليه بيت وسكن تاني غيري
وصممتي و جوزتيه هموووت
عارفة يعني ايه هموووت
هيثم جاي من الشغل داخل البيت
سمع كلام رانيا قرب منها وحاول يهديها
رانيا انفعلت حاسة إن الموضوع أنتهي احتضنها
هيثم علشان متخرجش.
هيثم / اقعدي نتكلم يارانيا علشان خاطري.
رانيا : مش قاعدة طول ما انا شايفاك
بالشكل دا..
دافع عن حقك.. قول لمامتك انا بحب مراتي
وولادي ومش عايز يبقى ليه حاجه في الدنيا
غيرهم.
سكت يعني.. خلاص يا هيثم اعمل اللي تعمله.
خرجت رانيا بره البيت جري هيثم يلحقها.

هيثم :ارجعي يا رانيا ميصحش اللي بتعمليه ده
إحنا في الشارع