ككملنا لفطور طلب مني سي طيب انا وسيف نتبعوه لمكتب باغي يدوي معانا
دخلنا بقينا شي تيشوف فشي تدوا سي طيب:بنتي منى نتي عارفا بلي باباك كان صاحبي او خويا او دبا انا او مراتي انكونو فمقام ولديك او غدي تفرحينا الى عيطتي عليا بابا او عليها ماما... و بما انك وليتي وحدة من عائلتنا هاكي هادي.
يااااح هدي كاغط بونكيغ: شنو هدي اسي طيب..سمحلي شنو هذي ابابا
باباطيب:اي واحد كينضم لعائلة من حقو تكون عندو هدي اكلا شهر كدوز ليه واحد لاصوم ديال لفلوس.. او شدي هدي امانا عندك
انا:😨😨😨 اويلي وحدا خرا شغندير بيهم بزوج
بابا طيب: هدي ابنتي ديال راجلك لاحضت بلي هوا فهاد يام لخرا غير كيديع فلوس فخوا لخاوي ..داكشي لاش من ليوم نتي مسؤولة على راجلك او نتي لغاتبقاي تعطيه فلوس..
سيف:يعني اخر ياااامي تصرف عليا برانيا 😡😡😡😡
باباطيب: هديك مرتك او انا تايق فيها او دبا غبر من قداميي..انتي امنى خليك باقي مكملتش..
خرج سيف اگلست حداه
باباطيب: انا دبا غنعاود ليك علاش زوجتك ولدي .. او كنتمنى تسامحيني.. سيف ولدي كان اكتر واحد نشيييط او ضحوكي فلعائلة ..ولاكن للأسف تزوج وحدة عرفها فخدما او كان كيبغيها بجنون..كان كيخاف عليها من راسو دازت ليام او حملات او ولدات بنيا كان فرحان بيهم او ديرهم فعينيه تال واحد نهار مشا لخدما تصدم منين شاف مراتو معا واحد اخر فوضعية مخلة للحياء
مقدرش لا يقيسها ولا يقيس لي كانت معاه او بدا يشك فلبنت او دار ADN او فعلا شك طلع فمحلو لبنت مشي بنتو من داك لوقت او سيف مكيدوي مع حد ديما سكران كليل كصباح ..منفعات معاه قوا منفعات معاه سياسة ..درت معاه گاع الحلول باش ينسا لماضي..حتى جيتي فطريقي شفت لبسك لمحتشم او شفت كفاش مهموكش فلوس او كفاش فرطتي فراسك علاود عائلتك ...او حسيت بلي ربي بعتك نتي باش تكوني الزوجة الصالحة لولدي او ترديه لطريق لمستقييم ..
مشات يام او جات او انا بنفس الروتين ..او سيف كيف عادتو عمروگاليا كلما تفرح يجي تال زك الليل سكراااان ميشوفش وجهي او ميعبرنيييش بلمرا
بعض المرات كلبس شيحاجا تجذبو كأي رجل ولاكن هوا ديما منخلني ..او كينعس او يخليني او كان يگوليا كلكوم كيف كيف
الحاجا لوحيدة لي كانت جامعاني بيه هيا لكاغط منين يبغي فلوس نعطيه
#فلاش_باك
عائشة منين عرفات شدرت بمحمد مبقاااتش كدويني بلمرا حيت صحابها انا خديت سيف طامعا ففلوسو او گاتلي بلي لدرتو حرم او ظلم او ربي ميسامحش الظالم ..شحال بغيت نفسر ليها مي والو
#باك
وهكا لقيت راسي بلا صاحبا لي نخوي عليها قلبي ..ملقيتش لي يفهمني ..وخا ولات علاقتي بمرام او نهاد مزيان مي مشي بحال الى عندك علامن تخوي قلبك...ديما لبنات كيخرجوني معاهوم نديرو شوبينگ مي انا عمري خديت كيدرني خاطري مصروف شهرين هما يحطوه فپياسا وحدا تبدييير هدا
او طلعت انا او مران نفس الكلية كنمشيو بجوج او نجيو بجوج ....
أنت تقرأ
اغتصاب في الحلال
Roman d'amourالفقر لا يسبب التعاسة في حد ذاته، لكن المشاكل المترتبة عليه هي التي تجعل الإنسان تعيساً... واافقر الذي أعيشه مع أسرتي سبب في كل ما يحدث وحدث وسيحدث في حياتي
