رواية★
#العقرب❌🔞🔥
الحلقه(15)
الكاتبة:-تاج الورفلي👑
الاء:-ممكن نحكي معاك ع انفراد
امنه:-حاضر وناضت
الاء:-قعدت واقفه
امنه:-قعمزي
الاء:-قعمزت
امنه:-نعم
الاء:-نزلت راسها بكسره خاطر احني زي ماتعرفي ابله امنه معندناش حد لاخاله لاعمه لا جده يعني مقطوعين من شجره حتى ل لامتنا مخطوفه وراجل امي كل رزقنا واني لانه اريج ديما تحكي عليك
امنه:-ابتسمت اريج تحكي عليا
الاء؛؛-اي ديما تقول قداش ماشفت من طيبه مش زي طيبه خالتي امنه واني تصلت بيك انتي لانك اول وحده جت ع بالي بس حني منبوش نحسو انه دايرين فينا خير او جميل
امنه؛-تشوفلها وكأنها عارفه شن بتقول
الاء:-نبي نكون في نكان اريج ومنبيكش تخلصيني لانه اني قاعده عندك
امنه:-توقعتك بتقوليها يابنتي اني مانبي شي منكم وانتو هني في امان ولي تبوه يوصلكم لين تجيكم اريج
الاء:-بسسس
امنه:-مفيش بس حبيبتي اني زي ماتشوفي حوشي كبير وديار غير فاضيات حتى تونسوني خوله بترجع لباريس وبنقعد بروحي
الاء:-شدت ايدها شكرا
امنه:-ولو مدرتش شيي
الاء:&طلعت وهيا مستغربه وتحكي داخلها معقوله معقوله بتصرف عبينا وتوكلنا منغير مقابل وهيا متعرفناش هاذا كله حن وطيبه او فيه شي تاني ورجعت قعمزت
رانا:&شن صار
امنه:-هي حبيباتي تعالو نوريكم دياركم
ناضو كلهم كل وحده تركب في شنطه ويتعاونو لين وصلو فوق
امنه:-هاذو التلاته ديار تقدرو تقسمو روحكم
الاء:-علاش تلاته دار وحده بس كافيا
امنه:&كيف سته في دار مش ح ترتاحو خودو تلاته احسن
رانا:&شكرا
امنه'&عفوا ولو جعتو لوطه لمطبخ وفيه مطبخ في دور تالت
الاء؛بارك الله فيك
امنه:-ابتسمت ونزلت.
الاء:-شن تبو
رانا:&اني ورانيه دار بروحنا
الاء:-خلاص مالا رانا وؤانيه دار لاولى وسيرين وتقوى في تانيه ويقين نبيك معاي في دار
يقين'&قامت راسها
الاء:&بالك مش عاجبك
يقين:&نزلت راسها
الاء:&والله لو مش قي حوش ناس راهو قتلتك من لدرتيه
يقين:&خشت لدار حدفت شنطه ورقدت ع سرير وغمت روحها تبي تطلع من لواقع لهيا فيه 💔
الاء:-قعدت تشوف لدار محلاها كبيره وبسرايرها ودولابها مش ناقصها شي بس قاعد شعور انها متحشمه
فات ليل لانه كان لوقت متأخر رقدو كلهم لانه كان لمكان مريح واول يوم يرقدو وهما مرتاحين من لخوف من سعيد
اما الاء:-كانت تفكر وين وكيف وامتى صلر في اختها هاذا كبه بصار من خطوبتها ولاشي مش عارفه كيف بتطلب مصروف من امنه لما تحتاج وين بتخدم وهيا اصلا قاعده تقرا مليون فكر وفكر قي راسها مش لاقيه ايجابه بعد وقت رقدت بس عقلها وقلبها مع اريج
------
#تاني يوم
رانيه:-نايضه تتكسل الله سراير مريحات ودار سبحان الله مريحه تحسي انه راحه تنبع من داخلها
رانا:-حتى اني رقدت كويس امس وااك راسي لاكن
رانيه:&به زعمك كيف بننزلو ولانقعدو
رانا:-اني نتحشم ننزل شن تبيني نقوللها لو سمحتي نبو نفطرو
رانيه:-حتى اني نفس شعور نتحشم
--+
يقين:&راقده في نومه عميق
الاء:-ناضت وتقيم في شعرها جتها رساله من لقمان
صباح الخير
ردت عليه
صباح نور
وينك امس مكلمتنيش
امس صارو معاي هلبا حجات
شن هما نشالله خير
لقمان اني محتاجتلك💔
تبي نتلاقو
يارريييت
خلاص ليوم ساعه سته تتلاقو في جردينه
تمام
نستنى فيك الاء
خلاص سته نكون عندك
باي
باي
---------
امنه:&ركبت لدور تاني ياحلوااات وينكم لفطور واتي ودرتهولكم باايدي
الاء:&فتحت الباب صباح الخير
امنه:-صباح الورد هي انزلو وينكم
الاء:&خشت ل رانيا ورانا .....انزلو قدامي فيسع تقوى وسيرين طلعو
امنه:&هي انزلو
الاء:&خشت ل يقين..هييي انتي نوضي
يقين:&نحت لبطانيه وتشوفلها
الاء:&قتلك نوضي
يقين:-مستمره تشوفلها
الاء:-متفهميش_؟؟؟؟؟
يقين:-رجعت ع لمخده وتشوف ل دولاب
الاء:-راهو قاعده نتكلم
يقين:-ردت بصوت رزين وكأنها مبحوحه منبيش ناكل ولانبي اي شي خلوني في فراشي بس
الاء:-تحسابي كلامك بيأثر فيا لا ره اقعدي بلا ماكله ولاموتي وطلعت
امنه:-وهاذا لفطور ل احلا حلوات
خوله:-هي سلامات ماما
امنه:-بتمشي توا
خوله:-اي ساعتين ع رحلتي بس
امنه'&تمشي وتجي بسلامه
رانا:&طريق سلامه
خوله'&معبرتهاش وطلععت
امنه'&متعدليش عليها هيا شويه مزاجيه ومتتقبلش اي حد
رانا:-لاعادي
الاء:&جت
امنه:&مازال فيه وحده ناقصه وله
رانيه:-يقين وين
الاء:-متبيش تفطر قالت مريضه
امنه'-خيرها نمشو نعاينوها
رانا:-احووو احووو
امنه:-شافتلها؟؟؟
الاء:&لالااكيده برده خفيفه توا تولي كويسه وتنزل معانا
امنه:&اها تعالو هي كلهم لتمو ع سفره كل واحد كان شاغل تفكيره في حاجه
وسام:-السلام عليكم
امنه؛-اوقف غادي متخشش
وسام:&علاش
الاء:-هي نوضو نركبو فوق
امنه:-لاقعمزو متنوضوش وناضت لوسام
وسام'&علاش قتيلي ماتخشش
امنه ؛-تعالى وراي لداري
وسام'&ركب وراها خير شن فيه
امنه:&قعمزاته اسمع تذكر لحوش متاعي ل يطل علي لبحر وكنت تبيه ومبيتش نعطي هولك
وسام:-اي😍
امنه:&اني ح نعطي هولك تمام
وسام:-بجد تتكلمي واحلا امنه ل ليل
امنه:&بشرط
وسام:-شن هوا شرطك
امنه؛-معادش نشوفك هني
وسام:&استغرب علاش؟؟؟
امنه؛-اريج
وسام'&قلبه بدي يدق بقويه ولون وجها تفير خيرها
امنه:-راجل امها لز خواتها وكلموني واني جبتهم هني معندهمش وين يمشو واني منقدرش نخليهم في حوش واحد معاك سته بنات مع ولد
وسام'&ياامي انتي عندك هلبا شقق بااسمك علاش جايبتيهم ل حوشك عطتيهم وحده من شقات لعندك وريحتينا
امنه؛-اني منبيهمش يمشو بعيد نبيهم قراب مني ❤
وسام:&شنيييييييييييي
امنه::-رتبكت هاااا لا شي
وسام'&شن قلتي نبيهم قراب مني
امنه'-لابلغلط يعني اني خليتهم هني يقعدو تحت عيوني
وسام:&قصدك يعني نلم حوايجي وحجاتي ونطلع ومعادش نجي هني
امنه:&اااااي
وسام:&كان خاطري نقول لا بس مدام بتعطيني لحوش لعلي لبحر نطلع حتى من لمدينه كلها لو تبي
امنه'&وقفت وفتحت الخزنه وطلعت المفتاح وعطت هوله هاذا هوا
وسام:-منوره يااحلا ام هي اني سلامات
امنه:&مرا مرا طمني عليك
وسام:-انشالله وطلع خش لداره وهوا في قمه الفرح انه امه بتعطيه لحوش لقداش ليه يتمنى انه ياخده لم حوايجه وحجاته ونزل لسيارته ركبهم في لكوفني وطلع 🚘
امنه'&رجعت قعمزت جنبهم خيركم مزال مكليتوش
رانا:-نستنو فيك
امنه:-مفروض كليتو هي سمو الله وابدو
كلهم بسم الله وبدو ياكلو
امنه:&كملتو جامعه ولامزال
الاء:&لاكملنا
الجرس يرن......
الاء:&نفتح؟؟؟؟
امنه:&لحوش حوشك افتحي
الاء:-وقفت وتجهت للباب فتحت
امنه:-مينو
الاء:-اااه زوز نساوين
امنه:&ااااه خليهم يخشو هادو شغالات الجدد
الاء؛-اها تفضلو
خشو شغالات او نقولو مساعدات احسن
امنه؛-اهلا بيكم تقدرو تبدو
وبدو يضمو
الاء:-علاش جايبه شغالات حني سته ونقدروه لحوش بادواره
امنه:-انتو عندي مش شغالات باش ضمو انتو ضيوفي واهدوو مكلمتهم من امس
الاء:-اها براحتك بس تبي اي مساعده حاضر
امنه:&سلامتكم
الاء:-ابله امنه مفيش خبر ع اختي
امنه؛-والله عاطيه رقمي لضابط وقالي اول مانسمعو شي نكلموك ومزال مكلمونيش
الاء -انشالله خير هايفه عليها
امنه:&متخافيش ربي معاها وهيا بنت قدها وقدود
الاء'&شكرا ع كل شي درتيه ع خاطرنا
امنه:-معادش تشكريني اني نغتبر فيكم زي بناتي وفي لاخير ناس لبعضنا
الاء:-ابتسمت وكملو فطور وجو شغالات ضمو وكملو وامنه مشت لعملها
الاء:&تشوف لياقين
يقين:-ولاحركه ولاكلمه كأنها مشلوله تشوف لسقف وساكته غيونها متحركوش يطلعو ويخشو وقاعده ع نفس لوضع
تقوى؛-مش عارفه علاش حاسه روحي انه مرزنين ع ابله امنه
رانيه:&تي بالله شن مرزنين تي هيا لو تصرف ع مدينه تامه عشر سنوات فلوسها ميتموش تشوفي في سيارات لقدام لحوش كلهم ليها شوفي حوشها بشغاالاته وقالت عندي حوش في تركيا وفي باريس لفيه خوله وهني عندها مزرعه وحوش ع لبحر هاذا كله ومرزنين عليها نشالله ربي يعطينا ويزيدها
تقوى::عندك حق الله يبارك بس زعمه هي كيف توتق فينا وتخلينا في حوشها بروحنا
رانيه:-هيا تعرف اريج كويس وتربيتها وممكن انها حبت اريج فاتقول مدامه اختهم كويسه اكيده حتى هما كويسين
تقوى:-صح نشالله تكون نيتها هكي
فات لوقت وهما يحكو في نفس لموضوع ع امنه وكيف استقبلتهم
الاء:-ايوا لقمان وصلت
لقمان؛-من بكري نستنى فيك
الاء:-هي طالعه .......اسمعي انتي متطلعيش من هني فااااهمه
يقين:-هزت براسها بصمت
الاء؛-طلعت من دار وسكرتها
امنه -لحلو وين طالع
الاء:-ماشيه لصاحبتي بنقرا شويه عندها
امنه:-ابتسمت اني مقتلكش شن بديري عند صاحبتك ولاندخل فيك بس حبيت نطمن عليك لانه خايفه يصير فيك زي اريج لمش عارفينلها مكان💔
الاء:-لامتخافيش
امنه:&في حفظ الله مع سلامه
الاء:-سلامات وفتحت لباب وطلعت
امنه:&تنهدت بحزن 💔
الاء:-مشت ع رجليها لين وصلت للجردينه لفيها لقمان
لقمان:-حبيبتي
الاء:-قعمزت جنبه
لقمان:-شد اديها عيونك يقولو في هلبا كلام قولي
الاء؛-بدت تبكي
لقمان:-مسح دموعها
لاء؛-مش عارفه مقهوره ع اختي اريج كلهم حسيتهم مش مدورين اني نتألم ليل نهار هيا حيه ميته هاربه نبي نعرف اي شي بنموووت خلاص ونفس شي سعيد لحقير ل استغل غياب اختي ولزنا وقاعدين عند مرا غريبه منعرفوهاش
لقمان:&عارف انه صعب عليكم لتمرو فيه بس يبي صبر بس ياالاء نشالله اختكم ترجعلكم وتردو فلوسكم وكل شي يرجع احسن ماكان
الاء:-سكتت وتنهدت وتحكي في داخلها...كل شي يرجع إلا عذريت اختي كيف بتقابل لمجتمع وتسألات علاش متجوزتش علاش مزال ماعطيتوهاش طول عمرها ح تقعد هكي منغير لاراجل لاشرف لمن بنحكي ونشكي قلبي متقطع عليها هيا تشوف فيا قاسيه لاكن احن مني مفيش عارفه انه مراهقه وفيه ناس غلطو بس زي هاذو لاغلاط ميتصلحوش من مزال بيرضا بيها ولابيعبرها اصلا سعيد خدي حاجته وفلت حسبي الله ونعم لوكيل ضيع مستقبل بنت في عمر زهور حياتها ح تقعد عباره عن ماكله وشراب
متأكده انها ح تكتأب من كل شي كيف بنتعامل معاها نضربها ونهينها ع دراته منغير ماتفكر عواقبه ولانسامحها ونوقف جنبها ونكتم السر هاذا كيف نتعامل ياااربي راااني مخنوووووقه ومش عارفه كيف نتصرف
لقمان:؛هييي الاء وين سرحتي
الاء؛-ها لاشي شن كنا نقولو
لقمان:&قتلك ياالاء كله يفوت وبأذن الله تكوني حلالي
الاء؛-انشالله يارب
لقمان:-طلع سنسله من جيبه
الاء؛-هاذي شنو
لقمان:-هديه بسيطه ليك
لقمان:-تهبللل شكرا😍❤
لقمان:&هكي نبيك مبتسمه ياالاء ديما باش تفرحيني
الاء؛-ابتسمت ربي يحفظك ليا
لقمان:-وليا
الاء؛-اني لازم نروح
لقمان:-لا تعالي نشربو حاجه ولاناكلو في مطعم
الاء:-والله ماعندي وقت يالقمان منبيهاش تقول عطلت يوم تاني ابكر من هكي نتغدو في مطعم
لقمان:-تمام
الاء؛-هي نستأذن
لقمان:-البسي سنسله
الاء؛-شافتلها وابتسمت اول ماروح نلبسها لقمان:&باي
الاء؛-👋ومشت مشت في طريق وهيا هايمه فرحانه كيف لقمان مسيبهاش وقاعد معاها وزعلانه ع يقين واريج لكل وحده في مصيبه اكبر من تانيه وقعدت تمشي وتفكر وسرحانه وميت موضوع في راسها وتحاول تحله عقلها صدع وهيا قاعده دور ع لحل ومشي لوقت او وصلت للحوش وخشت بما انه امنه عطيتها نسخه من لمفتاح خشت ع دار تقوى وسيرين لقتهم يتفرجو وخشت ع رانا ورانيا وحده تتفرج وحده شاده تليفونها وخشت لدارها لقت يقين ساكته وتشوف وتحرك في عيونها قاعده بنفس وضعيتها تنهدت ونحت لبستها طبقتها ولبست سنسله تكت ع سريرها وهيا تشوف لسنسله وتبتسم تحس بشويه فرح بس بعد تذكر موضوع اريج ؛يقين ترجع ملامح الحزن ع وجهها
--------
العقرب؛-❌راقده ع سرير ومش قادره تاخد قرار تايقر عطاها قارارين لاول انها تتقبل لواقع وتخدم معاهم وتاني تسلم روحها انهم يقتلوها بس هيا مش قادره تتحكم في نفسها
ساره؛-خشت ع العقرب
العقرب؛-شافتلها بنظره تخوف
ساره:-قعدت ترعش مع بعضها خوفا انها ترجع ديرلها لدراته ...ان..ي.جب.تلك حجات وملابس وكل لتحتاجيه وحطتهم ع سرير
للعقرب؛-ارجعي
ساره:-تلفتت
العقرب؛-حطتيلي كدس لحوايج هاذا تبيني نوض نلفهم عليك تعالي طبقيهم في دولاب
ساره؛-حاضرر وجبدت الكرسي وبدت طبق في لملابس لشروهم للعقرب في دولاب والعقرب رجعت تفكر في للقرار ياجحيم ياجحيم مفيش مهرب
--
تايقر:-كيف
معتز:-شن جاك تبي تخدم بنت كيف خاطفينها تلاته ايام بس او واثق فيها وتبيها تطلع وتجيب زبائن انت هكي تهدد في مملكتنا اي كلمه منها مشروعنا كله يمشي
تايقر:-هه مش عليا كل خطوه نخطي فيها نحسب حسابها
معتز:-ساره كانت لبنت لمراقبه لبنات وتوتي فيهم ل🔞 بس لاكن انك دخل بنت معانا وتحسب بضاعتنا ةتعرف من ناس لنتعاملو معاهم وكم لكميه لتوصلنا وبكم نبيعو فيها ونستوردو هاذا غلط وخطر❌
تايقر:-عندك ثقه فيا؟؟؟
معتز:&اكيد
تايقر:-خلاص لبنت مش ح دير شي ينهي حياتها واني نقدر نختار راجل للامور هاذي اخترت بنت لانها حلوه وقويه وطيح اي حد في شيكها حتى لميبيش يتعامل معانا تقدر طيحه واني نفهم في لامور هاذي وطلع..........
فات يوم ورا يوم لين وصل اسبوع لاسبوع هاذا كانو لبنات متعودين هلبا ع امنه ويطيبو وياكلو ويبصرو وكأنه حوشهم يقين كانت تاكل وجبه وحده في ليوم باش مدوخش بس وتخش لحمام لباقي كله في دارها متبيش تطلع الاء كانت مشوشه هلبا لاكتريه ع يقين ونفسيتها خايفتها دير حاجه في نفسها سعيد كان في لحوش كل يوم مدخل وحده معاه
اما العقرب
العقرب &وصل لاسبوع ولقرار عندها ناشت دوشت وفتحت دولاب لبست سروال لاصق اسود وتيشرت اسود قامت شعرها زي ديل لحصان رشت عطر وميكب خفيف شافت لروحها في لمرايه بثقه وابتسمت وطلعت
طقطقطق
تايقر:-وخر ع لكرسي وحط رجل ع رجل وبصوت واطي خش
العقرب:-خشت شن لخدمه لمطلوبه مني اني جاهزه
تايقر:-ابتسم ابتسامه عريضه 🔥
يتبع............في ل(16)
الكاتبة:-تاج الورفلي👑
أنت تقرأ
العقرب ( روايات ليبية )
Horrorرواية العقرب للكاتبة : تاج الورفلي هذه الرواية تجمع بين الغموض و الرعب والإثارة وتشويق . . . تفاعلوا 🔥
