💕أنت قلبي٢💕

الحلقة ٥١

#انت_قلبي٢
#بوسي_مصطفى
______________
الحلقة ٥١

مكالمة تليفونية بين اسر وهايدي.📞
هايدي : بنتي هتجيني يا اسر وغصب عنك كمان.
اسر : عارفه يا هايدي لو مش القتل حرام.
أنا كنت قتلتك ب ايدي دي.
هايدي : هههههههههههه
متهونش عليه برضه تتحبس
وولادك تربيهم بنت سهير
وانت عارف هتربيهم ازاي.
لا لا اعقل يا اسر علشان خاطري
ومتتهورش.
اسر : سهر هي اللي مربيه ولادك يا مدام.
وملك متغيرتش وبقى اسلوبها
بالشكل دا غير من يوم ما قعدت عندك.
هايدي : بنتي حبيبتي وتقعد معايا زي ما هي عايزة.
بنتك كبرت يا اسر بيه
ومبقتش صغيرة.. اللي في سنها دا.. بيرتبط ويتجوز.
ولا عايز تصغر نفسك؟!
ههههههههههههه
اسر : الغريبه إن الإنسان كل ما بيكبر بيعقل
و انتى عكس الناس كلها يا هايدي..
هايدي : معلش موصلتش لعقل
اللي عندك..
فاكر مستشفى الأمراض النفسيه
ولا افكرك يا اسر بيه
مين فينا عاقل ومين مجنون
أنا ولا سهر اللي جننتك.
اسر : وهتفضل مجنناكي العمر كله يا هايدي.
هي فعلاً مجنناني ب جمالها واخلاقها وطيبة قلبها..
هايدي : طيب اشبع بيها.
اسر : شبعان.. الحمد لله.
ومش شايف غيرها..
خليكي انتي بس في حالك
وبنتك طالما مصممه تعيش معاكي
انتي المسؤله عنها..
لو حصلها حاجه هوديكي
في داهيه.
هايدي بسخرية : ها ها ها
وقفلت التليفون..
سهر جات وقعدت جنب اسر.
اسر : سامعه الاستفزاز بتاعها.
سهر : سيب ملك تقعد عندها.
اسر : انتي اللي بتقولي كده يا سهر؟؟
سهر : عندك حل تاني؟
ما هو عندك دا هيخلي البنت تكرهك..
أنا عارفه إن الموقف صعب عليك.
وأنا لو الأمر في ايدى همنعها
بس صدقني يا اسر الموضوع دا
مش في ايدك ولا في ايدي.
بنتك مش صغيرة عارفه إنها موصلتش ل المرحلة
اللي تقدر
تاخد فيه قرار حاسم في حياتها .
لكن أنت ما عليك غير انك تنصحها وبس.
وسيبها  بعد كده هي تختار.
اسر : غلطت عمري ويارتني اقدر
اغيرها ولا امحيها من حياتي.
بحس بتأنيب ضمير لما بقول الكلام دا.
علشان علي وملك ملهمش ذنب
في اللي عملته..
كنت خلاص هخلع منها وهديها كل حقوقها
لكن اللي حصل متوقعتوش..
سهر : متعذبش نفسك وتجلدها بالشكل دا.
كلنا يا حبيبي بنغلط وادينا بنحاول نغير من نفسنا..
اسر : لو تغيرت يا سهر برضه
مش هقدر امحي الذكريات دي.
سهر : امحي اللي يضايقك منها
وسيب الحلو اللي فيها.
رغم حزني وقهرتي لما اتجوزت عليه..
إلا إني حاولت انسى كل دا
يوم ما اخدت علي وملك في حضني..
حسيتهم ولادي وقولت
هو دا العوض الحقيقي ليه
خصوصاً بعد ما اتأكدت إني مش هينفع احمل
تاني بعد مليكة ومجدي..
اسر : سهر انتي جميلة اوي.
سهر ببتسامة وعينها مدمعه : دا بيكون الصبر على البلاء
كان ممكن اقعد العمر كله زعلانه ومتضايقة
ويمكن كنا أطلقنا بسبب اللي حصل دا.
بس وجود ملك وعلي كان المرهم اللي خفف جرحي..
ملك هتوحشني اه
بس عندي احساس إنها هترجع
ومش هتستحمل تعيش هناك.
اسر : قولتي كده المرة اللي فاتت واهي مصممه
ترجع تاني هناك.
سهر : روح هاتها واتفاهم معاها بالراحة وفهمها
انك خايف عليها
وهي حره في النهاية تقرر اللي تشوفه صح
من وجهة نظرها.
اسر : صعب اوي اعمل دا يا سهر
الاحساس اللي جوايا هيموتني
ودماغي من كتر التفكير إن ممكن ايه اللي يحصل
لو سيبتها تعيش هناك
خصوصاً لو اخدت راحتها
وأنا معرفش الراجل دا
بس مبستريحش ليه
معرفش ليه؟
سهر : روح هاتها بس
وبعدين نبقى نكمل كلامنا.
اسر يضع رأسه على كتف سهر.
سهر ببتسامة : هتنام ولا ايه؟
اسر بتنهيده : هنا بحس ب الأمان..
سهر : هههههههههههه
وتضمه ليها.
اسر : كده مش هخرج اجيب ملك..
سهر : هههههههههههه
طب روح يلا
اسر يغمزلها : طيب قولي ل ريهام تجهز عشوة
حلوة كده لما ارجع.
سهر ببتسامة : طب تصالح ملك الأول.
اسر ببتسامة : حاضر يا حبيبتي.
_____________