💕أنت قلبي٢💕

الحلقة ٥٢

#انت_قلبي٢
#بوسي_مصطفى
_______________
الحلقة ٥٢

بعد كام يوم...
في شقة مجدي.
داليا : مروان خبط على  الباب وقول ل اخواتك
يجوا علشان يفطروا..
مش هحط اكل تاني.
مروان : حاضر يا مامي..
يا قسمت يا روكه يلا الفطار جاهز.
إنتصار : معرفش جيل ايه
اللي يقوم ياكل على الجاهز دا
يااختي كنت قومتيهم بدري شويه.
حتى وقفوا معاكي في المطبخ.
هيتعلموا امتى دول؟!
اللي قدهم فاتحين بيت.
داليا : خليهم براحتهم يا صاصا
الدراسة هتبدأ ومش هيبقى عندهم وقت ل الدلع ده.
إنتصار : والدراسة مالها ومال شغل البيت يا داليا؟
دول بنات يا بنتي ولازم يعتمدوا على نفسهم.
رقيه : صباح الخير يا مامي.
صباح الخير يا تيته.
داليا : صباح النور يا حبيبتي
اقعدي.
قسمت : صباح الخير.
داليا مردتش.
إنتصار : ارد أنا بقى علشان مامتك ردت علي رقيه.
صباح النور
ههههههههههههه اقعدي
يا بنت يا قسمت عايزاكي
في موضوع.
قسمت : خير يا تيته.
إنتصار : لما ناكل هقولك.
رقيه : أكيد حاجه خاصه بالكمبيوتر يعني.
إنتصار : عرفتي منين؟
رقيه : سمعت حضرتك بتكلمي مامي امبارح وعايزة
تدخلي
على برنامج ومش عارفه ومامي كمان معرفتش.
داليا : كلي وانتي ساكته.
رقيه : اسفه يا مامي مقصدش
مش كلنا نعرف كل حاجه
واكيد حضرتك تعرفي حاجات كتير احنا منعرفهاش.
بس علشان الحاجه دي بنستخدمها كتير فنعرف
فيها اكتر بس كده.
إنتصار : عارفه يا بت يا رقيه بتعجبني دماغك.
رقيه : اوك.. بس بلاش بت دي
يا تيته.
أنا داخله الجامعه.
إنتصار : ومالها بت امال انت ايه ولد يا بت انتي؟
رقيه : تاني برضه وبتكرريها؟!
إنتصار : ولا تزعلي يا دكتورة رقيه.
رقيه : أنا مش دكتورة انا هبقي
باشمحاسبه.
ههههههههههههه
إنتصار : يااختي اللي اعرفه بشمهندس اما باشمحاسبه
دي تطلع ايه؟؟!
رقيه : تطلع بكالوريوس تجارة يا تيته عقبالي اما اتخرج واخد البكالوريوس زي مامي.
إنتصار : يااختي انتي كنتي لسه دخلتي اصلا.
رقيه : يعني ب اعتبار ما سوف يكون يا تيته..
متحطميش آمالي بقى.
انتصار : هههههههههههه
مالك يا قسمت ساكته ليه؟!
قسمت وهي ناظره ل داليا :
هقول ايه بس يا تيته.
قامت داليا من على السفرة :
الحمد لله.
اعملك ايه على الغدا يا صاصا؟
لحمه فراخ ولا سمك.
رقيه : سمك يا مامي.
إنتصار : استنى انتي هو السؤال ليكي؟
رقيه : اتفضلي يا تيته.
إنتصار : سمك يا داليا.
نظرت رقيه ل جدتها ببتسامة.
دخلت داليا المطبخ
إنتصار : امال يعني تقولي سمك
وانا اقول لحمه ولا فراخ
تقوم مامتك تعمل الاتنين
ونتعبها في المطبخ شايفه الجو
حر ازاي..
إلا ما في واحدة فيكم عندها دم
وقالت اساعدك يا ماما.
رقيه : ايه يا تيته ما احنا كنا حلوين دلوقت.
وبعدين انا لسه مخلصتش أكل.
إنتصار : ما انتي عماله ترغي هتاكلي امتى..
شوفي اهو اختك أكلت وقامت كمان..
رقيه : مروان انت ياله.
إنتصار : اتكلمي بصوت واطي
وبعدين دا هيبقى راجلك متقوليش ياله دي تاني.
رقيه : يعني ايه هيبقى راجلي دي يا تيته؟
إنتصار : يعني هو اللي هيبقى هيجيب حقك لما جوزك يغضبك.
رقيه : جوزي ويغضبني.
ههههههههههههه
مش عايزة اتجوز.
إنتصار : يااختي تلاقيكي هتموتي على الجواز.
رقيه : هههههههههههه
ردي يا قسمت علشان مش قادرة.
إنتصار : قسمت واكله سد الحنك سيبك منها وهاتيلي الدوا
وشوفي اخوكي بيعمل ايه جوه.
رقيه : عارف يا مروان لو كنت بتلعب في أوراق بابي هيجي يعمل فيك ايه
انا مقولتش حاجه المرة اللي فاتت بس المرادي مش هسكت.
داليا : اخوكي واقف معايا في المطبخ.
رقيه : انت بتعمل ايه هنا؟
مروان : بساعد مامي.
رقيه : طب كويس اهو تعمل حاجه بدل ما يبوظ الشقة.
مروان : روحي بس رتبي اوضتك.
رقيه : اوضتي مرتبه ونضيفه وبعدين انت مالك اصلا.
داليا : وبعدين!!
رقيه : هه! .. نسيت الدوا
بتاع تيته.
إنتصار : يا رقيه روحتي فين؟
رقيه : حاضر يا تيته جايه اهو.
هدي الدوا ل تيته واجي اساعدك يا مامي.
مروان : فيكي الخير.
رقيه : ملكش دعوة.
______________