ليتني لم اكن انا

الحلقة الثانية عشرة

مساء الخير والمحبة

سلام… حوراءحوراء تعاي ولج

كمت من مكاني واني خايفة
صعدت بسرعه وكفت كباله

سلام بحديه… مره ثانبه من اسوين شي لمي وراج
خدم عدج تلمه وراج ..

حور ....هزيت راسي اي  هسه .. الحمد لله والشكر حسبالي صاحني على  الفلوس

ركضت. لميت المخزن كله ورجعته مثل ما كان

ونزلت جوه  الجماعة بعدهم ملتمين بغرفه بيبيتي
والنفاق والشقاق على فلس

اخذت ملابسي ورحت سبحت ولميت شعري اشلون ما كان لان مااعرف اضفر

ضليت افتر بلبيت اريد مكان انام بيه من الهوسه
راسي يوجعني ودايخه

دخلت للمطبخ اشرب مي

حسن… شلونج حوراء

حور سمعت الصوت وراي وجفلت صار فتره ماشايفته ولا ملتقيه بي مجرد اسمه يخليني ارجف خوف

ردت اطلع بسرعه. صار ابوجهي

حسن… وكفي اشبيج اريد احج..

قاطعته بدفعه وشردت…

رحت لبيبي ركض جانت كاعده اسولف اجيت دخلت وراه وحاصرتني البجيه وخايفه

ام سعد… يااا يمه اسم الله اشبيج

سلوى… حورر اشبيج حبيبتي ..

هزيت راسي بمعنى. مابيه شي وحصرت روحي بلزاويه ..

ضلت بيبي تمسد على ضهري

ام سعد… عمت عيني يمه سوده ابوشي يبعد روحي
مالج يمه مندون البنات متعوب حالج

حور… نمت والخوف ماكلني واني اتذكر السواه بيه
واحس جسمي يرجف مااعرف اشكد ضليت
نايمه ..

كعدت بس اني بلغرفه ومتغطيه كمت من مكاني

اسمع سوالف بلستقبال رحت للمطبخ جوعانه

تذكرت الصار العصر وخفت دخلت على كيف شفت محد اخدت خبزه من الكدر وجبنه سويتلي لفه ورحت لفراشي كعدت اكل باوعت الساعه 1:30

حيللل هاي نص اليل لعد اشعدهم كاعدين الهسه

اشويه ودخلت بيبي

ام سعد… ها يمه كعتي انه يايه اشوفج كاعده لا

حور بتسمت اله  وكملت لفتي وكمت غسلت

اجيت اتمددت يمه

ام سعد… تعاي ليه يبعد روحي ..

قتربت منه ونمت بحضنه واني اشم عطره الطيب الي يريح النفس ماعرف اوصف الراحه الي احسه
واني بحضنه احس نفسي ارتخي واهده واماكو شي اخاف منه

ام سعد… خايبه مالج طيرتي كلبي العصر  ليش هيج
خفتي

رفعت راسي واني اشر اله مابيه شي