هنصعد سلم الالتزام معا🥺💜🌸

الصلاه 💙

سلام عليكم ورحمة الله وبركاته😀🌸

يلا نصلي علي النبي💛

عايزه تلتزمي ومش عارفه تبتدي إزاي مع ربنا ..
ركز معايا في ده بعد ما تقرأي خد القرار فوراً وابتدي نفذي الخطوات .. 🌸

مبدأيا لازم نعرف إن طريق ربنا الوصول ليه مش صعب أبداً ، لكن الثبات هو اللي محتاج منك مجاهدة نفس وصبر كبير .

ندخل بقى على خطوات الإلتزام :

- أول حاجه تبدأي بيها طريقك لربنا هي " قلبك "
قال رسول الله صلى الله عليه وسلم :(ألا و إن في الجسد مضغة إذا صلحت صلح الجسد كله، وإذا فسدت فسد الجسد كله، ألا وهي القلب)
قلبك هو الأساس ، لو أصلحتيه هينصلح حالك بإذن الله .
فأول حاجه تعميلها .. نظفي قلبك بكثرة الإستغفار
اعمل ورد إستغفار يومي ليكي ، واستغفري كتير جدا ، صدقيني هتلاقي قلبك إنشرح من جديد .

- تاني حاجه إبدأي عهد جديد مع الله بركعتين توبه ، إبداي من النهارده مجرد م تخلص قراءة ده قومي فورا وصلي ركعتين بنية التوبه وطولي جامد في السجود وابكي واتضرعي لله وقولي يارب انا رجعت ليك اقبلني ، يارب انا خلاص نويت اقرب منك فأعني وثبتني .

- إبدأي بقي خديها مع نفسك واحده بواحده ..
هنبدأ بأهم عباده واول حاجه هتتسألي عنها في قبرك وهي " الصلاه "

💡علشان نتغير بجد ونقرب لربنا سبحانه وتعالي فأول خطوة لازم تكون الصلاة💪
🎀أولا: ما هي أهمية الصلاة؟؟
👈الصلاة هي أول ما يحاسب عليه العبد يوم القيامة فإن صلحت صلح سائر عمله وإن فسدت فسد سائر عمله..

🌟 عن أَبِي هُرَيْرَةَ رضي الله عنه قَالَ : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ : *( إِنَّ أَوَّلَ مَا يُحَاسَبُ بِهِ الْعَبْدُ يَوْمَ الْقِيَامَةِ مِنْ عَمَلِهِ صَلَاتُهُ فَإِنْ صَلُحَتْ فَقَدْ أَفْلَحَ وَأَنْجَحَ وَإِنْ فَسَدَتْ فَقَدْ خَابَ وَخَسِرَ ، فَإِنْ انْتَقَصَ مِنْ فَرِيضَتِهِ شَيْءٌ قَالَ الرَّبُّ عَزَّ وَجَلَّ : انْظُرُوا هَلْ لِعَبْدِي مِنْ تَطَوُّعٍ فَيُكَمَّلَ بِهَا مَا انْتَقَصَ مِنْ الْفَرِيضَةِ ؟ ثُمَّ يَكُونُ سَائِرُ عَمَلِهِ عَلَى ذَلِكَ )* ، وصححه الألباني في " صحيح سنن الترمذي " .
وفي الصلاة الأشخاص بينقسموا لثلاث أنواع:-

👈النوع الأول وهو الذي يحافظ علي الصلاة في جميع أوقاتها وبمجرد أن يسمع المؤذن يقول الله أكبر تتوقف كل حياته اليومية ويلبئ نداء ربه ..ونسأل الله أن يجعلنا وإياكم من هذا النوع

👈النوع الثاني وهو الذي يصلي ولكن للأسف بيأخر الصلوات عن وقتها أو بيجمع الصلوات مع بعضها بدون أي عذر‼️

👈النوع الثالث وللأسف الشديد وهذا هو النوع الذي لا يصلي تماما وبعيد كل البعد عن الصلاة