السلام عليكم
قراءه ممتعه
الاء ....
من رحنه سفره كلام احمد بقه بالي ما افتهمت افسره وحتئ من كلت ال زهراء علئ كلامه ما عرفت بس كالت خاف ناوي ياخذج طبعا اني رفضت مجرد تفكير لان ما ناويه اتزوج لا هسه ولا بعدين رافضه الموضوع من بالي نهائي بيوم عرس البنات
جنت لابسه فسان ازبري ابو التور من الاكتاف تور والصدر بطن ويجي من جوه الخصر كلوشه بطنه وتور واني بيضه بين جسمي من التور طلعت حلوه بي ومكياج والشعري سويته كبايه ونزلت جم خصله وبرمتهن طلعت فدشي خلصت اول وحده من البنات وطلعت من الغرفه خليت الشال علئ ايدي مثل الي يطلعن بالمسلسلات نزلت اول درجتين جان اشوف احمد خازرني بقته قدرت دم ما بقه بجسمي خفت اول مره شخص يخزرني بلعت ريكني ودنكت راسي تجنب من نظراته الي صعد هوه وصل يمي وهمسني
احمد ' تعاي براي
خله وكمل طريقه بقيت صافنه شسوي اغلس وانزل لو اروح براه كركب كل وضعي ما عرفت شسوي بالضبط عدلت روحي وخبيت الشال علئ كتافي وصعدت بس متوتره لكيت الباب مفتوح وطبيت حجيت واني عيوني بالكاع
الاء ' شتريد
جان واكف يم الميز من شافني تقدم الي وسد الباب اني هنا متت بمكاني بساع حجيت
الاء ' ليش سديت الباب شتريد مني
احمد بهدوء ' بس اريد افهم شنو هذا لبسج انتي تردين تكون الانظار عليج حتئ الكل تحجي بيج كدام العالم انتي من اشتريتي هيج لبس شنو جان تفكيرج
الاء ' تره لبسي مابي شي
احمد بنتره ' بي ونص
الاء ' وشبي بالله
احمد ' شوفي نفسج بالمرايه وشوفي جسمج شلون مفصل وغير التور الي كلشي بين منه
رفعت راسي وعيوني انفتحن علئ وسعهن حسيتهن طلعن من مكانهن من كال هيج هوه خزرني لان هيج باوعت
احمد ' ما تحجين البزون اكل لسانج
الاء ' خلصت محاضرتك
احمد ' احجي عدل
الاء ' اذا خلصت اريد اروح
احمد ' خلصت واياج تنزلين بهذا البس
الاء ' مو ولي امري
احمد ' انزلي وشوفي شيصير
الاء ' اي انشوف
سويته تحدي وياه رحت تقدمت يم الباب ردت اطلع كمشني من زندي حيل وسحبني
احمد ' عناد لا تعاندين وياي فاهمه لان والله العظيم انتي الي تتندمين
الاء ' وخر عني تره ما يهمني كلامك وشنو اتندم
احمد ' لا تلاسلين بالحجي وياي
