💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )

💖الحلقة 16 : القســ3ـم💖

🎉الحلقة السادسة عشر : القســ3ـم🎉
تقول لبسو شيطان ..كشاكشو طالعة ..وجهو احمر...عروقو باش تطرشق ..يجر فيها جران وموش هامو فيها ...وصلها لبيت النوم وعلى طول يدو طيشها ع الفرش ...قبل ماتقوم كان هو فوقها ...تململت تحتو " أحمد ...فيق على روووحك "
ماهوش سامعها ولا مركز في كلامها ...فكسالها يديها لفوق و كمش عليهم بصوابعو بكل قوة ...بدنها ضعيف وقتها وموش متحمل اي ايفور عليه ولا منجمة تدافع على روحها...وقدام قوتو ماقعدلها كان اللسان تدافع بيه " أحمد ابعد...سيبني ...ارجع لعقلك ...سيييببببنييي"
بيدو لخرى جبد قطعلها المريول ايلي لابستو ...شوفتو لبدنها الابيض والمنحوت خلاه يزيد يهبل ونارو تشعل ...هبط على شفايفها يبوس بكل عنف ...بعدت راسها لكن غلبها في الاخير ونجم ياخو قد مايحب من شفايفها ...صاحت وهي تدز فيه باش يبعد  " قووووم علييييا "
كل ماهي تقاوم كل ماهو يزيد أكثر في عمايلو " تلعب  بالرجال مالا ...تو نشوفو قداش تنجم تتحمل "
نزل بساقو على كرشها باش ماتتحركش ومد يدو لبوتونات سروالها حلهم ...لوات ساقيها على بعضهم وترجتو "لااااااا...أحمد لااااااا "
صوتها بدا يقلق فيه و موش متحمل يسمعها ويسمع بكاها ،حط يدو على فمها وسكرو رجع طلع فوقها وقت ماخلى حتى قطعة عليها...
تملمت ...صاحت بصوت مكتوم تحت يديه ايلي منعت عليها حتى اابكاء ...حتى باش تقول لا احبس ...ماعندكش حق تاخو مني بدني ...ايلي تشوف فيه قدامها موش احمد...موش الراجل ايلي حبتو ...موش بو الصغير ايلي في كرشها ...هذا ابليس ...هانت عليه دمعتها و هان عليه ضعفها ...هو موش اغتصبها ...هو قص لحمها طروف طروف...هو موش تعدى عليها ...عفس عليها و داس على روحها ...ايلي يوجعنا موش الجرح ..انما من عند شكون ...قمة الخذلان والقهرة ...وقت تنزف جروحنا بسبب حد كنا نظنوه دوانا ..
سلمت ...ومعادش عندها القوة تحارب ...عطاتو بدنها ايلي خذاه قبل بلا قوة ...حتى بعد ما كمل ...قعدت مرمية فوق الفرش  من غير لا تتحرك ولا حتى ترمش بعينها ...اذا ع الدموع شاحت ...معادش عندها بلاصة على خدودها ...طبس على دبشها وطيشو عليها بكل محقرانية "هز دبشك و  اقلب منظرك عليا..قول انت ماجبت شي معاك  ...مانحبش نراك ...لا هوني ولا في ناز ...خرجتك من حياتي ...وايلي صارلك توا خليه في بالك ...رد بالك تنساه ...كل ماتقرب من راجل وتخمم تلعب بيه  حط في مخك مليح اش ينجم يعملك "
هزها وحطها وهي على حالها مطيشة ...قعدت تخزر للسقف وهي موش حاسة ببدنها ...قلبها دم متفتفت ...حاجة واحلة في ڨراجمها موش منجمة تتعدى سادة عليها النفس وبالسيف ما الهواء داخللها ..ماتعرفش قداش قعدت اكاكا ...أما وقت بدات تفيق من حالتها ...كان بدنها يسطر بكلو ...حاسة بردان غاصرها اما ساقيها مخدرة موش منجمة تاقف عليها ...بالسيف ما نجمت تتحلحز من بلاصتها وتجبد حوايجها ...لبستهم و مسحت وجها من الدموع ...بالصدفة جات عينها على منظرها في المرايا ...حالتها حليلة ...شعرها داخل بعضو ...عينينا مبلبزة بالكحل ...شفايفها مطرشقة بالدم ...زروقية في رقبتها وحمورية على زنودها ... هاذي اخرتي يعني ...اخرة زيني و بدني ايلي ماكيفو بدن...هاذي اخرة حلمتي و طموحاتي باش نكون عارضة عالمية ...هزت يدها و تقول جاك لروحها بالكف ...وكملت كف اخر ...واخر ..." هاو الزين ...هاو سعدي المكبوب ...هاو القلب ...هاو العزاء على راسي ...هاو السخط ...هاو ...هاااااوووو "
صاحت كيف اامجنونة ...صوتها باح خليقة وكملت عليه بصياحها هذا ....كانت لفوق في القمة ...وتوا طاحت وتدڨدڨت كرايمها ...تكسرت كيف البلارة ومشات قطايع قطايع ...تفكرت انها حبلة ...حبلة بالطفل ايلي بوه عمل فيها هذا الكل ...ثمرة حرام ملي جاء لحياتها وهي تعاااني ...علاش كان حياتي انا جحيم بيه...لازم الناس الكل تدفع السوم ...علي و على اعدائي ..
❄💙⭐💙❄
يفرك في نواظرو لعل وجيعة راسو تتنحى...الصدمة ايلي كلاها موش شوية  موش منجم يتعداها ولا ينساها ...تولين حبلة ...حبلة في الحرام  ..تمتم بغل " يلعن بو رخصك...يلعن بو النهار ايلي دق فيه قلبك ...يلعن بو النهار ايلي تبعتها فيه "
تاليفونو يصوني يصوني وهو موش معاه ...موش سامعو. ..قلبو يتقطع و نار  تاكل فيه من داخل ...حرقت جاشو ونثرت رمادو في الريح ...الكبة ايلي تكبها ليوم تقعدو وشمة عار على جبينو ...مستحيل يتخطاااها ويمحيها من بالو .
باقي تاليفونو ماسكتش وباقي هو موش سامعو ...فيقتو من سرحتو وفاء وهي تاقف قدامو وراشق يديها في وسطها " هز ع التاليفون ...من بكري شرن شرن. ..ماخلانيش نكمل الفيلم رايضة "
هز راسو ناحيتها وخزرلها بعين تايهة "شنوة "
تنهدت وهي تخطف التاليفون من بحذاه وتوريهولو " هززززز...من بكري هو يصوني ...هووووو...ماكش هوني جملة ظهرت ...فاش سارح ياخا "
عقد حواجبو  وهو يقرى في الاسم ومن بعد شاورلها باش تخرج ...كانت باش تحتج كيفاش يطردها اما هو ڨحرلها بطريقة خلتها تجمد في بلاصتها ...تسلسبت بسكات وجبدت الباب وراها  باقل حس ...كلو الا غشو .
حط التاليفون على وذنو واتكى ع ااكانابي " وي ...مادام كلمتني مادام لقيت حاجة أكيد "
"وي بيانسيغ ...الراجل ايلي تلوج عليه ها السنين الكل  لقيناه ...اسمو الفاضل بالرجب الرئيس المدير العام لشركة ناز للازياء ..."
فاضل بالرجب ....بو احمد بالرجب ...بو الراجل ايلي تحبو تولين ...وجد الطفل ايلي في كرشها ...ولفي بينا يا دنيا...ملا دورة طويلة عملتهالو ...دارت دارت ورجعتو للبلاصة ايلي بدا منها ...ضحك من الغلب و من العكسيات ايلي في طريقو ...اش خلى ايلي معاه ع ااتاليفون مستغرب "سي اركاااان !؟ "
عاود كبس على نواظرو وقت وجعو راسو من جديد " شي ....شي ...ايه والباقية نجمتش تلقاهم "
"الثاني هو شريك الفاضل بالرجب  ...واسمو عزوز صويلح ...والثالث ....مالقيتش معاه حتى خيط ...اما قاعد نلوج...بقدرة ربي نوصلو "
تنهد اركان وهو مغمض عينو " موش مشكل ...اعمل ايلي تقدر عليه ...يكفي انا وصلنا لزوز منهم  ...وبيهم انجمو نبداو "
علق وطيش تاليفونو بجنبو ...وقف ومشى ناحية البورت فوناتر وين تحل على بيسين كبيرة ...خير انو يكري دار على انو ياخو سويت في اوتيل ...خذاها لشهر واحد ...ينظم اومورو و بعدها يرجع لفرانسا مع وفاء ...معادش عندو سبب يخليه يقعد لفم...لكن...قبل لازم يسكر دوسي قعد محلول من سنين ...وها الدوسي اسمو ....شركاء بو .
لازمو يعمل طلة علي اسمو الفاضل ...ويكمل يقابل عزوز ...ياقف ويقلهم انا اركان ولد شريككم الاخر ...ايلي من سنين كليتولو حقو ...تبسم لفكرة انو وجوههم باش تمشي الوان وتجي الوان ...هو رجع لتونس باش يقابل تولين ...مارجعش باش ينتقم   ....اما اي شخص يحن لماضيه وذكرياتو ...وهو بربش القديم وحب يعرف بوه اش خلى في تونس وشكون معارفو ...و الدنيا طارت بيه وهزتو لبو غريمو ...هو موش غريمو بمعنى الكلمة ...اما عندو احساس كره ناحيتو كبيرة ...وها الكره هو ايلي زاد عبالو مخو بفكرة انو يواجه الفاضل بالرجب .