غربال الروح

البارت السابع

السلام وعليكم 💞💞
الروايه "غربال الروح "
بقلمي /رحيل القوافي ......
Ghadeer-1997
قال الكبرياء ... مستحيل !
وقال الخبره ... خطير !
وقال العقلانيه ... عديم الفائده!
وقال القلب ... حاول.
.......................

راحت ضحئ وبقينه بس اني وريحان شافت زكريه صاحت عليه أجاها يضحك شكد فطير هل الولد شكل يضحك من يركض يكمز

وصل يمنه فحطان وكوه يحجي..... هاها ريحانه رريحاننه
ريحان جاوبته نفس طريقة حجيه .... ها ها زكريه ززكرييه شللونك

عاينت  عليه بضحكه_هس عوود انتي ليش ليش هيج تحجي
ضحكت وجاوبتني _ حتى انتي حجيتي مثله

...... اشو هاي عاينت وراي وعيونه بيهن خبث وشيطنه درت وراي اشوف شكو
شفت ولد كاعدين رجعت عاينت عليه

_ خير ياحلوه على شنو ناويه غردي
_ عايني على هذول الكاعدين
_شمالهم شفتهم قبل لااسئلج احجي
_ خايبه هذول البارحه شمرولي حجي ومدرسة الكيمياء وراي واكفه ماكدرت اسوي شي لان هاي منتظرتني على زله
_ اي وهس شتردين انسوي
_ شوي هذاك وراهم طين وهم امبين عليهم كاشخين
ضحكت على افكارها _ خوش يله امشي بس اذا عرفت امي انتي تاكلين الرزاله وحدج
_ وانا قبلت وان قبلتي قولي نعم
_ نعم وانت وكيلي

..... رحنه على الطين وزكريه ويانه وانا اضوج هذا من نركض فاهي
سوينه ابيدينه طوبات من طين وجهزناهن

اشرت الريحان حتى نبدا بالهجوم هي تضحك وتاشر عليهم زكريه سبقنه وشمر واحنه ورائ غطيناهم غط حتى ماعرفو منين تجيهم الضربه

خلصنه العتاد وسوينه انسحاب تكتيكي وركض خويه ركض
لزمت ايد زكريه وكمت اركض واني ميته من الضحك
على شكلهم وريحان وجهه صار طماطه من الضحك

احنه نركض وهذول يركضون ورانه هنا الوضع صار يخوف وراح ندخل منطقة الخطر خاف نوصل للبيت
وامي اشوفهم وعلي تحبسنه وتحرم علينه الطلعه

دخلنا بشارعنه وجانت مجموعه من الشباب واكفين ومن ضمهم حسين وثابت وابو شخصه حظي المصخم

لا حظي شعلي اني اورط روحي بمشاكل حظي شعليه
شافنه ثابت اخو مريم وحسين كعد يتمضحك

صاح علينه ....ها ولجن شمسويات من مصيبه
ماحجينه شي بس اشرنه على الورانه الي اجوي ايركضون احنه
من شفنه ثابت وحسين اتوقفنه عن الركض

اجوي هذولاك يردون يهدون علينه صار كبالهم ثابت وحسين
ثابت كال.... هوب هوب وين امولين
كال واحد منهم ..... وخر منا ثابت شغلنا مو ياك ويا هذني وعلي له اربيهن
حسين جاوبه .... بالاول اسئل نفسك شمسوي وياهن حتى هنه هيج سون

كال الثاني .... احنه شعلينه شيخ حسين كاعدين وهذني اتولونه ضرب بالطين
بس شنسوي ماعدهن اهل ايربوهن وحده بت حرام والثانيه ابوها عافها ونهزم