🌼الحلقة 17 : القســـ4ـم🌼

286 12 0
                                    


🌌الحلقة السابعة عشر : القســـ4م🌌
بكات لين شبعت ومخطت لين عيات ،ايلي قالتو الطبيبة زاد علي بيها وكمل فرعسها ،ماحبتش حد يحكي معاها من بعد ...لا طبيب ولا فرملي ...الحقيقة مرة وزادتها مرارة على مرارة ...هي مضطرة تتخلى عليه ...حتى لو ماعندو حتى ذنب في غلطتها ...حتى لو هو اختارها كام من دون النساء الكل ...لكن وجودو معاها وهي مازالت عزباء باش يخلي شرفها على لسانات الناس الكل ...والمجتمع موش باش يرحمها ...مستحيل تخمم تخليه ...كيف ماقالتلها الطبيبة لو كبر معاها وفي بدنها باش يتعفن الرحم ومايبراش من الجروح ايلي سببتهم الحشايش وهكاكا يضطرو ينحوه ...مرا بلاش رحم ...كيفاش تكون مرا ...بالنسبة ليها انوثتها ايلي اعتزت بيها و تفوخرت بيها ع المحك ...والقرار ايلي لازم تاخذو واضح وضوح الشمس .
غمضت عينيها بقلة صبر وقت سمعت بوانياي الباب تتحل  "مانحب نرى حدددددد ...اخرجو عليييييا "
لكن ايلي كان وراء الباب خير ما يسمعهاش ، دخل بكل ثقة عبارة الدار دارو وزيد جبد الكرسي ايلي جنبها وقعد فيه باريخية ...بلعت ريقها وحاولت تهدي روحها ...بالاخير هو الوحيد ايلي وقف معاها في ها الغصرة ...وهو ايلي جرى بيها للسبيطار وماخلاهاش مطيشة تتوجع ،هبطت راسها وتحرجت تتكلم ...الف بالماية يعرف كل شي ويعرف حقيقة الصغير ايلي في كرشها
قعد مثبت فيها تقولش عليه يراها اول مرة ، فمة بارشا تفاصيل نجم يراهم كان وقتها ...مثلا انو فمها كان ياسر متناسق مع دڨنونتها لولا الجرح ايلي في اطرف شفايفها ...شعرها ايلي كان مغطي وجها تلم وراء رقبتها وخلاه يرى نوع من البراءة مازالت عالقة فيه ...خطوط جديدة ظهرت على عينيها دليل انها كانت تبكي وعطات كل ماليها من طاقة في البكاء ....نجم يشوف طول رموشها الكحلة ...و ...عينيها الواسعة ...في داخلو فمة حرب كبيرة ...بين قلبو وعقلو ...موش عارف شكون فيهم يتبع .
قعدو ساكتين دقايق  ولا واحد حب يبادر بكلمة يقتل بيه السكات ...وكيف طال بيهم الحال تململ اركان وسألها " مازلت تتفكر اسمي "
شاورت براسها لا من غير لا تتكلم ،زم شفايفو ومال لقدام وهو مسكر كفوفو على بعضهم و حاط دڨنونتو عليهم " أركاااان ...أنا اركان سويدي ...." تنهد بصوت مسموع " لازم تحفظ ها الاسم ...من هنا فصاعدا ...خاطرك باش تستحقو بارشا "
خزرتلة على جنب ...هزتو وحطتو " تحب تقول باش تحط على رقبتي سيف خاطرك تعرف كل شي عليا ؟! "
" ممكن ...في الحالات الكل انت ماعندك حتى حل ..."
كمشت صوابعها ع الملحفة ايلي متغطية بيها " شنوة تحب مني "
تنهد " لو سألتني ها السؤال قبل نهارين والا تلاثة كنت جاوبتك ...ب...انت ...اما توا ...انت ....متاع حد....اخر "
صرت سنونها " انا مامتاع حد "
"انت متاع الصغير ايلي في كرشك ..."
خلت دمعتها تهبط وما كلفتش روحها تمسحها  ...كيف ماتوقعت ...هو عارف كل شي " ها الصغير بعد مدة باش يموت ... مالازمش تحطو في اللعبة ايلي تحب تلعبها "
خزر لكرشها " ها الصغير لازم يعيش ...باش انت تاخو حقك ...وانا ناخو حقي "
تصدمت من الصراحة متاعو " شنوة تقصد "
وضحلها " نقصد ...انك لازم تتحمل مسؤوليتو ...وكيف ما خليتو يتكون في كرشك خليه يجي للدنيا ...بالطبيعة اذا حبيت تاخو حقك من العايلة ايلي وصلتك لها الحالة "
ضحكت بمرارة " يظهرلي فيك تسال الفاضل مغرفة وتحب تستعملني انا باش تنتقم منو "
مط شفايفو " لا ...الفازة  هاكي قديمة ...اما ...صحيح ...انا باش نستعملك انت ...لحاجة اخرى ...بالاخير كل حد وشيطانو في جيبو "
"ياخا ماتحشمش تحكي هكا معايا من غير لا تراعي حالتي !؟ "
"اخطانا من الحشمة والقدر ...لو جيت تحشم ماكنتش عطيت شرفك ...وجاوبني تو ...قابلة صفقة انك تعطيني اسمك  لمصلحة تهمني وانا نعطيك  اسم لولدك "

قابلة صفقة انك تعطيني اسمك  لمصلحة تهمني وانا نعطيك  اسم لولدك "

اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
💚 هذا الرجل ....أبوك 💚🌺( Bu Adam Senin Baban )🌺 كرونيك  (مكتملة )حيث تعيش القصص. اكتشف الآن