💕أنت قلبي٢💕

الحلقة ٥٣

#انت_قلبي٢
#بوسي_مصطفى
_______________
الحلقة ٥٣

في شقة كريم...
كريم : وفيها ايه يا فريدة
ما هما فعلاً مبقوش صغيرين
وكده كده اصلا الدراسة هتبدأ
وانتي عارفه اللي مشغول في دراسته
واللي ساكن اصلا في المدينة الجامعيه
وانتي مبشوفهمش طول مدة الدراسة يعني الموضوع مفرقش كتير...
سبيهم براحتهم.
فريدة : بس يا كريم هما في الاخر بيرجعوا هنا وأنا ببقى مطمنه عليهم.
لكن يروحوا يقعدوا هناك في الشقة يعملوا ايه؟؟!
يعني لما يرجعوا البيت هيلاقوا لقمه ياكلوها؟
ومين اصلا اللي هيجهزلهم الأكل؟
كريم : حبيبتي انا معاكي في ده
بس متنسيش انهم مش أطفال علشان تقعديهم جنبك..
هما هيعتدموا على نفسهم.
وانتي من وقت ل التاني هتبقى تروحي تشوفي طلباتهم.
هما عايزين يقعدوا في بيتهم
متجبرهمش يعيشوا زي ما انتي عايزة.
فريدة : انا اجبرتهم على حاجه
يا كريم؟
وبعدين مصطفى دا قاعد في الشقة اصلا..
ولو راحوا هناك هتحصل مشاكل.
كريم : بتهزري صح؟؟!
وهي الشقة من حق مصطفى علشان يعيش فيها؟!
جرا ايه يا فريدة.. انتي مش عايزاهم ياخدوا حقهم ولا ايه؟
وبعدين مين قالك إنهم هيبقوا لوحدهم
حازم هيكون معاهم
متشغليش نفسك بس بالموضوع ده.
واقفلي النور عايز أنام.
فريدة بغضب : يا سلام!
كريم : هههههههههههه
مالك يا فراولة؟
فريدة : يعني ابقى بكلمك تقولي عايز أنام!!
كريم : خلاص كملي كلامك
يا فريدة.
لحظات من الصمت لا فريدة اتكلمت ولا كريم.
كريم : ساكته يعني.. متكملي كلامك.
فريدة بغضب : نام يا كريم.
كريم : انتي عايزة تتخانقي معايا وخلاص.
ههههههههههههه.
فريدة : بتضحك على ايه دلوقت؟
كريم : خلاص بلاش اضحك هنام احسن.
تصبحي على خير.
فريدة : كريم.
كريم : نعم يا حبيبتي.
فريدة : لا مفيش.
كريم : نامي يا فريدة
تصبحي على خير.
فريدة : وانت من أهل الخير.
______________

في فيلا اسر.
سهر : لا لسه عند مامتها.
اسر : كلمتيها؟
سهر : لا قابلتها في النادي
كانت مخرجه مامتها تشم شوية هوا..
جات قعدت معايا اول اما لمحتني قاعده
قصادها.
اسر : ليه هي طنط سعاد تعبانه؟
سهر : يااااه دا انت لسه فاكر
يا اسر!!
اسر : ما انا معرفش عنها حاجه
ولما بسأل وليد بيقولي كويسه.
سهر : هي تعبانه بقالها فترة
بس انا شايفه صحتها كويسه
يعني بتمشي عادي جدا
وروحت سلمت عليها بتتكلم
عادي بس ممكن تكون نفسيتها هي اللي تعبانه.
علشان كده شبطانه في منه.
ايه يا اسر هتنام؟
اسر : ايوه هنام .. تصبحي على خير يا سهر.
سهر : مالك يا اسر؟
اسر بتنهيده : مفيش.
سهر : لسه شاغل دماغك بالموضوع ده؟
اسر : انتي شايفه ان دا موضوع
ممكن انشغل عنه ب أي حاجه
يا سهر؟
سهر : مش كلمتك وطمنتك إنها كويسه؟
اسر : ايوه بس انا قلبي
مش مطمن.
تصبحي على خير.
سهر بحزن : وأنت من أهل الخير.
_________________________

في الصباح..
سيف : متقعدي بقى ولا أنا مش مالي عينك؟!
نادين : اسمع يا سيف انت تقوم تاخد صاحبك
وتتفضلوا بقى
علشان أنا معنديش كلام تاني اقوله.
حمزة : بقى دي اخرتها يا نادين؟
نادين : اه اخرتها ومتحسسنيش إنك متأثر اوي
من اللي قولته!!
لو فارقه معاك بجد مكونتش اخدت القرار دا لوحدك.
سيف : ما احنا جايين علشان نتفاهم ونوصل ل حل
لازم تقعدي وتهدي كده وتسمعيه للآخر.
نادين : اسمع ايه يا سيف؟
دا بيقولك إنه خلص ورقه خلاص
وهيحجز ويسافر.
تفتكر ايه الرد المناسب على الكلام ده.
حمزة : اللي منتظره منك إنك تستحمليني يا نادين..
لو كنتي بتحبيني بجد.
نادين : لا بقولك ايه بلاش الكلمتين اللي أنا حفظاهم دول.
و جو بحبك وبتحبني والكلام دا
لإن اللي بيحب مبيعملش كده
يا ابن الناس ان كنت عايز تخلع اتفضل..
هو أنا ماسكه فيك؟!
سيف : دي مش طريقة حوار
يا نادين وكده هنوصل لطريق مسدود خدي بالك.
نادين : احنا وصلنا ليه خلاص
يا سيف.
اتفضل حاجتك اهي
ودور كويس يمكن ناسيه حاجه اجيبهالك من جوه.
سيف : بطلي جنان بقى واقعدي.
نادين : لو أنت ومليكة متفقين على حاجه.
وجات هي خالفت الاتفاق دا
هيبقي دا كلامك يا سيف؟
سيف : لأ طبعاً اكيد هضايق واتخانق كمان.
أنا معاكي في دا.
بس مش الحل إننا نفركش يعني.
نادين : طب ايه الحل من وجهة نظرك؟
إني استسلم للأمر الواقع صح!
طب أنا مش موافقه على اللي هو ناوي يعمله وهو مصمم..
يبقى الحل ايه غير إن كل واحد يروح لحاله ويشوف واحده تستحمل ظروفه.
لكن مقعدش انا سنتين تلاته منتظره حضرته وياريتها تيجي على كده وبس.
اسمع يا حمزة انت لو جيتلي من أول يوم وقولتلي هيحصل واحد اتنين تلاته.. وكان دا اتفاقنا مع بعض.
أنا معنديش مشكلة.
لكن ترجع في إتفاق كان بينك وبين بابا وأنا كنت موافقه عليه.
يبقى انت اللي عايز تهد كل حاجه.
سيف قرب منها وبيطبطب على ايدها وهي بتبكي.
سيف : طب خلاص يا نادين اهدي بقى.
نادين وهي بتمسح دموعها :
الحل عنده هو مش عندي يا سيف.
حمزة : يا نادين دي فرصة أي حد يتمناها..
دا أنا مصدقت اتخرجت علشان اقدم ورقي
واقبل في الشركة دي
انتي عارفه المرتب كام؟
ضعف أي مرتب هاخده هنا
ودا كمان في الأول بس
وبعد كده هيبقى في زيادة على حسب المدة اللي هشتغلها.
نادين : خلاص يا ابن يا ناس دور على واحدة غيري
هتلاقي كتير متقلقش..بعد إذنك..
خرجت نادين ورجعت مرة تانية.
نادين : اه نسيت اقولك..
متنساش تاخد الحاجه بتاعتك وانت خارج.
نظر حمزة ل سيف اللي مكانش عارف يرد يقوله ايه.
ياسمينه بتخبط على باب غرفة الصالون.
سيف : تعالي يا ياسمين.
ياسمينه : نادين قالتلك اللي عندها؟
حمزة بحزن : قالت يا طنط.
ياسمينه : وانت ايه رأيك؟
حمزة : اللي حضرتك تشوفيه يا طنط.
ياسمينه : وإن كانت نادين مصممه على قرارها..
ومش عايزاك تسافر.
حمزة : بس دا مستقبلي.
ياسمينه : خلاص يا ابني..
بالتوفيق..