ذكرياتي.

الحلقة ٩

الحلقة التاسعة.
#ذكرياتي
#بوسي_مصطفى

ميار : امال رانيا فين يا طنط؟
حنان بارتبارك / رانيا جوه في المطبخ.
جريت ميار ل رانيا اللي كانت واقفة تعبانه في المطبخ
قربت منها بمكر محاولة إظهار ما في يدها
ميار / شوفي يا رانيا هيثم حبيبي جابلي ايه
رانيا بضيق خرجت من المطبخ وميار بتلحقها وصلوا للصالة
ميار / ايه مش عايزة تشوفي الخاتم؟
رانيا بتداري ضيقها / اه كويس... الف مبرووك
ميار / لأ كمان شوفي الفستان ده حلو إزاي؟
وشوفي البرفان ده كمان ريحته تجنن اوي
عجب هيثم اوي قولت لازم اشتريه ليه.
حنان : تعيشي وتدوبي يا بنتي
تعالي استريحي.
في الوقت دا دخل هيثم..
نظرت ليه رانيا بغضب.
حنان تحاول تهدي الأمر / ملكش حق يا هيثم كان مفروض جبت ليه أنا ورانيا.
هيثم بارتبارك وهو بينظر ل رانيا / هجيبلكم طبعاً يا ماما.
اخد الولاد و بيوزع عليهم الهدايا

رانيا تركت الولاد وخرجت.
حنان / مش هتاكلي يا بنتي؟
رانيا / لا يا ماما مليش نفس.

رانيا ركضت نحو شقتها جلست في غرفتها باكيه
تنظر إلي يديها الفارغة والتي لايوجد بها دبلة الزواج.

فلاش باك 📼
الباب يخبط.
والد رانيا / افتحي يا بنتي الباب أكيد دا هيثم مرحبا
رانيا بابتسامة تفتح الباب
تلاقي هيثم مكشر.
رانيا / ايه يا هيثم مالك في ايه؟
هيثم / باباكي جوه؟
رانيا / ايوه جوه اتفضل.. هو فيه ايه؟
بقولك ايه ما تقولي مالك قبل ما تدخل ل بابا

هيثم : هتعرفي لما ادخل.
رانيا : وليه متقوليش لوحدنا؟!
علي فكرة باباكي واخد باله مننا دلوقتي يقول عليه ايه
رانيا : طيب اتفضل.
(دخل هيثم)
والد رانيا / اتفضل يا ابني اعملي حاجة لخطيبك
يشربها يا رانيا.
رانيا : حاضر يا بابا.
دخلت رانيا المطبخ وهي عندها فضول تعرف
هيثم هيكلم باباها في ايه.

بعد ما خلص هيثم كلام مع والد رانيا....
والد رانيا / إزاي يا ابني نأجل الفرح وهو
دا وقت تسيب الشغل بتاعك فيه عايز الناس تقول
علينا ايه بعد ما حددنا ميعاد الفرح!!
رانيا داخله / حصل خير يا بابا متزعلش نفسك يا هيثم.
والد رانيا بغضب / خير ايه يا بنتي الناس تقول ايه أربع سنين خطوبة وبعد أقل من شهر علي الفرح نأجله!!
هيثم / ازاي بس أنا دافع عربون للفرش ولسه مخلصتش باقي الحساب يا عمي...
أنا معايا تدفعم بس بتكلم عن المصاريف بعد كده
والجواز في الظروف دي صعب اوي
لكن لو انتظرتوا كام شهر المشكلة هتكون اتحلت انا بفكر
في مشروع كده لكن محتاج رأس مال كبير.
رانيا / وايه هو المشروع ده؟
والد رانيا بضيق / انا داخل انام تصبحو علي خير .
تابع هيثم كلامه /'عايز افتح مكتب خاص بيه
واخد شغل تبع شركات مقاولات
هيكون أفضل من الشغل في الشركة
لكن المشكلة في الفلوس
رانيا / وانا عندي الحل
هيثم بدهشة / ايه معاكي فلوس هتسلفيني؟!
رانيا / لأ معايا دهب يعمل مبلغ كويس ممكن.
قاطع هيثم رانيا بضيق / مستحيل اخد دهبك يا رانيا
رانيا / وفيها ايه يا هيثم دا بتاعك ووقت المشروع
ما ينجح تشتري ليه غيروا
رانيا بمزح/ ولا انت مش ناوي ترجعه
هيثم / استحالة اعمل كده.
رانيا / شوف بقي ما هو الفرح مش هيتأجل أربع سنين خطوبة وبعد دا كله تأجل بابا مش هيوافق علي كده.
هيثم / ولو اخدت الدهب باباكي هيرفض.
رانيا / أنا هقنع بابا وهو هيوافق متقلقش المهم
تلحق ترتب
نفسك وتشوف مكان كويس علشان تبدأ الشغل.
هيثم / مينفعش يا رانيا.
رانيا / ايه بقي انت بتتلكك علشان نفركش ولا ايه
كنت قولت قبل كتب الكتاب
هيثم / يعني تفتكري إني أعمل كده يا رانيا
دا انا بحلم  بيوم
اللي هتنوري بيتي وحياتي كلها بتمني اليوم دا النهاردة
قبل بكره.
رانيا / يبقى خلاص توافق بقي علشان خاطري.
هيثم /موافق بس بشرط أول يجيني فلوسه
هتشتري بيها الدهب بتاعك.
رانيا : وأنا موافقه
بس نتجوز..
هيثم :"هتموتي انتي على الجواز انا عارف
ههههههههههههه
تخبطه رانيا.
هيثم : بهزر معاكي يا حبيبتي
مش عارف لولا اقتراحك دا كنت عملت ايه.
____________
رجعنا ل الحاضر... في شقة حنان.